இணையதளத்தில், கதை சொல்லும் சிறுசிறு வீடியோ படங்களைக் கொண்ட வலைப்பதிவை, இரண்டு பெண்கள் இணைந்து உருவாக்கியுள்ளனர். இதற்கு பல்வேறு தரப்பினிடமும் பெரும் வரவேற்பு கிடைத்துள்ளது. சப்னா சஹானி மற்றும் அங்கானா ஜாவேரி ஆகிய இரண்டு பெண்கள் இணைந்து, இணையதளத்தில், வீடியோ வலைப் பதிவை தொடங்கியுள்ளனர். இதற்கு அவர்கள் வேவ் என்று பெயரிட்டுள்ளனர். அதில், உரையாடல்கள் இல்லாத வீடியோ காட்சிகள் இணைக்கப்பட்டு உள்ளன. அந்தக் காலத்திய மவுனப் படங்கள் போன்று, ஏதாவது செய்திகள், கருத்துகள் ஆகியவற்றைக் கொண்ட வீடியோ படங்கள் உள்ளன. இணையதளத்தில், காட்சிகள் வாயிலாக, சமூகத்திற்கு கதையோ, செய்தியோ சொல்லும் இந்த வலைப்பதிவிற்கு, பெரும் வரவேற்பு கிடைத்துள்ளது.
இத்துறையில் பெண்களுக்கு பயிற்சி அளிப்ப-தற்காக, மெக் ஆர்தர் பவுண்டேஷன் மூலம் ஒரு லட்சத்து ஏழாயிரம் டாலர்களை ஒதுக்கியுள்ளது. இத்திட்டத்தில், இந்தியாவில் மாநிலத்திற்கு ஒரு பெண் வீதம் 30 பெண்களை தேர்ந்தெடுத்து, பயிற்சி அளிக்க திட்டமிடப்பட்டுள்ளது.
சப்னா கூறுகையில், இந்த திட்டத்திற்கு, வீடியோ எடுப்பதில் ஆர்வமும், இணைய தள பரிச்சயமும் உள்ள பெண்கள் தேர்ந்தெடுக்கப்படுவார்கள் என்றும், பயிற்சியின் போது அவர்கள் தயாரிக்கும் ஒரு வீடியோவிற்கு 3,000 ரூபாய் வீதம் ஊக்கத்-தொகை வழங்கப்படும் என்றும் தெரிவித்தார். இந்த வலைப் பூவைப் பற்றி www.waveindia.org இணையதளத்தில் காணலாம்.
கருத்துகள் இல்லை:
கருத்துரையிடுக