.

என் செல்வமே உறங்கு.. உன் அண்ணன் இன்னும் சாகவில்லை….!:

2011-01-04T00:41:00.000-08:00

கவிதை
பதிந்தவர்: நிர்வாகம் திங்கள், 3 ஜனவரி, 2011

அன்புத்தங்கையே இசைப்பிரியாவே..
உன் உரிந்தமேனியைக் காட்டி
உழுத்துப் போன உலகம்
போர்க்குற்றம் பேச வந்திருக்கிறது..
கோபப்படாதே என்
குலக்கொழுந்தே கொஞ்சம் கேள்..!

என் இரத்தத்தின் இரத்தமே..
என் தமிழ் உதிரக்கொடியில்
ஒட்டிப் பிறந்த ஒரேயொரு உறவே..!

உன் மார்பகங்களை விலத்தி…
பெண்குறியை மூடும் ஆடையை நீக்கி
சிங்கள இராணுவப் பேய் முகர்ந்தபோது.. நீ
பிணமாய்க்கிடந்தாய்…
என் தங்கையே
பிணத்தைப் புணரும்
சிங்களப் பேய்களை
இரத்தம் வழியும் கண்களால்
பார்த்துக் கொண்டிருக்கிறான்..
உன் அண்ணன்..
தாயே
இதுவா பயங்கரவாதத்திற்கு எதிரான போர் ?
இதைக்காட்டியா யுத்தக் குற்றத்திற்கு
தீர்ப்பெழுதப் போகிறான்..?

அம்மா அன்று
தமிழ்த்தாயை உருவமாய் வரைந்தோம்
ஐம்பெரும் காவியங்களை அவள்
ஆபரணமாய் மாட்டினோம்.
அது தெரியாது..
நாம் போற்றி வளர்த்த தமிழ்த்தாய்
எங்கே என்பார் மூடர்கள்..
தாயே..
அது நீதான் என்பதை
இன்றுவரை அறியான் நம்
தமிழ் மூடன்..!
தாயே இன்று
நீ கிடக்கும் கோலமே
என்னைப் பெற்றாளே அந்தத்
தமிழ்த்தாய்
அவள் கிடக்கும் கோலம் அம்மா..

குழந்தை பெற்ற வலி மாறாத
உன் புண்ணான உடலை
குதறிய நாய்களை
மறக்கச் சொல்கிறான்..
அவனுடன் உறவு கொள்வதே
அபிவிருத்திக்கு ஒரே வழி என்கிறான்
என் இனத்தில் பிறந்த
தேர்தல் நாய்..

என் உடன்பிறப்பே..
உதிரத்தின் உதிரமே உன்
உடலம் கிடக்கும் காட்சியைப்
பார்த்த அண்ணன்
உன்னை அழித்தவன் தரும்
பாயில் படுத்துறங்குவானா ?
எண்ணிப்பார்…?

தமிழ் தமிழென முழங்கும்
தமிழகத்து தறுதலைகளை
அண்ணாவென நம்பி
அலறினாயே
உன் குரல் கேட்டு
கடவுளே ஓடிப் போனான்
ஈழத்தை விட்டு..
தெருவுக்கு தெரு வைப்பாட்டி வைத்து
தினமொரு கதை பேசுவோனால்
வேறென்ன முடியும் தாயே..
தூ..
வேண்டாம் விடு
இதைவிட வேசி வீடு போய்
விடுதலை கேட்கலாம் தாயே..

கரையற்ற கடலைப் பார்த்து
நம்பிக்கை குலைந்து கலகம் செய்த
கொலம்பஸ் கப்பலில் பயணித்த
கோழை மாலுமிகள் போல் இன்று
நம்மினத்திலும் மூடர்கள் மலிந்தனர்
அதுதான்
உன் மரணம் பார்த்தபின்னும் தன்
கடமை உணராது..
ஆளையாள் அடிபடுகிறான்
அடுத்த கப்பலையும் ஆழ்கடலில்
தாழ்க்க முயல்கிறான்..

இதைப்பார்த்த மற்றவன்
இப்படியும் ஓர் இனமென்கிறான்..
இனியென்ன என்ற
இழவு விழுந்த கேள்வியையே
இருபத்து நாலு மணிநேரமும்
ஓய்வின்றிக் கேட்கிறான்..

உன் முகத்தைப் பார்த்த அண்ணன்
உள்ளத்தில் என்ன பதில் வரும்..
தாயே உன் பிணத்தை விற்று
தமிழனுக்கு ஒரு விடிவென்றால்
ஆயிரம் ஜென்மம் எடுத்தாலும்
அந்த விடிவு
வேண்டாம் தாயே..!
உன்னை விற்று விடிவு பேசும்
நாயின் படலைக்கு உன்
அண்ணன் போனால்
ஒரு வேசி மகன் செத்துவிட்டானென்று
அவன் பிணத்தை
வீதியில் போட்டு கொழுத்து தாயே !

மானமுள்ள ஒவ்வொரு அண்ணனுக்கும்
இசைப்பிரியா தங்கை..!
மானமுள்ள ஒவ்வொரு தமிழனுக்கும்
இசைப்பிரியா தாய்..!
மானமுள்ள தமிழினத்தின்
ஒரேயொரு தேசியக் கொள்கை
இசைப்பிரியா.. !
எங்கள் தேசியக் கொடியின் தேவதை
இசைப்பிரியா..
தங்கையே..!
அநாதையாய் கிடக்கும்
உன் பூவுடலைத் தூக்கி
ஐயோ என் தங்கையே..! என்று
அழுதபடி
கொள்ளி வைக்கிறேன்..
தாயே என்னை நம்பு
தாயே !
என் தங்கையே.. !
உன் பூவுடல் நோகக்கூடாதென்று
வாழைத்தண்டில் வழத்தி
ஈழத்தமிழால் தீ மூட்டுகிறேன்..
என் செல்வமே உறங்கு.. உன்
அண்ணன் இன்னும்
சாகவில்லை….!

அண்ணன் 03.01.2011 நன்றி -www.vannionline.com

தமிழ் மாதப் பெயர்கள் எப்படி வந்தன?

2010-12-31T06:27:00.000-08:00

தமிழ் மாதம் என்பது சித்திரை,வைகாசி எனத் துவங்குகின்றன.இதற்கான பெயர் காரணத்தை இனி காண்போம்.

பெரும்பாலும் ஒரு மாதத்தில் பௌர்ணமி அன்று எந்த நக்ஷத்திரமோ அதுவே
அந்த மாசத்தின் பெயராக இருக்கும்.அன்றைக்கு ஒரு பண்டிகையாகவும் விழாவாகவும் இருக்கும்.

அனேகமாக சித்ரா நக்ஷத்திரத்தன்றுதான் சித்திரை மாசத்தில் பௌர்ணமி வரும்.அதனால் சித்திரை மாசம் என்றானது.
விசாக சம்மந்தமானது வைசாகம்.விசாக நக்ஷத்திரத்தில் பெரும்பாலும் பௌர்ணமி ஏற்படுகிற மாசம் தான் வைசாகி.மதுரை என்பது மருதை என திரிவது போல் சமஸ்கிருத வைசாகி தமிழில் வைகாசி ஆயிற்று.

அனுஷ நக்ஷத்திர சம்மந்தமானது ஆனுஷீ.அந்த நக்ஷத்திரத்தில் பௌர்ணமி ஏற்படுகிற மாசம் ஆனுஷீமாசம்.தமிழில் ஷ என்ற எழுத்து உதிர்ந்து ஆனி என்றாயிற்று.

ஆஷாட நக்ஷத்திரத்தில் பூர்வ ஆஷாடம்,உத்தர ஆஷாடம் என்று இரண்டு.பூர்வம் என்றால் முன்,உத்தரம் என்றால் பின்.பூர்வ/உத்தர ஆஷாடம் என்பதில் உள்ள அந்த ர்வ என்ற கூட்டெழுத்து சிதைந்தும்.ஷ உதிர்ந்தும் தமிழில் பூராடம் உத்திராடம் என்கிறோம்.இந்த இரு நக்ஷத்திரங்களில் ஒன்றில் பௌர்ணமி வரும் மாதம் ஆஷாடி.இதில் ஷா உதிர்ந்து ஆடி ஆயிற்று.

ச்ராவணம் என்பது ச்ரவண நக்ஷத்திரத்தை குறிக்கும்.முதலில் உள்ள ச்ர அப்படியே தமிழில் drop ஆகி வணத்தை ஓணம் என்கிறோம்.அது மஹாவிஷ்னுவின் நக்ஷத்திரமாதலால் திரு என்ற மரியாதை சொல்லை சேர்த்து திருவோணம் என்கிறோம்.அனேகமாக பௌர்ணமி ச்ராவண நக்ஷத்திரத்தில் வருவதால் ச்ராவணி எனப்படும்.இதில் சமஸ்கிருதத்திற்கே உரிய ச்,ர என்ற கூட்டெழுத்து drop ஆகி ஆவணி மாதமாயிற்று.

ப்ரோஷ்டபதம் என்பதற்கும் ஆஷாடம் போலவே பூர்வமும் உத்தரமும் உண்டு.பூர்வ ப்ரோஷ்டபதம் தான் தமிழில் பூரட்டாதி ஆயிற்று.அஷ்ட என்பது அட்ட என திரிந்தது.உத்திர ப்ரோஷ்டபதம் என்பது உத்திரட்டாதி ஆயிற்று.இந்த நக்ஷத்தில் பௌர்ணமி ஏற்படுவதால் ப்ரோஷ்டபதி என்பது எப்படியோ திரிந்து புரட்டாசி ஆயிற்று.

ஆச்வயுஜம்,அச்வினி என்பதை அச்வதி என்கிறோம்.அதிலே பௌர்ணமி வருகிற ஆச்வயுஜீ அல்லது ஆச்வினீ தான் திரிந்து ஐப்பசி ஆயிற்று.

க்ருத்திகை நக்ஷத்திரம் தான் கார்திகை.இந்த நக்ஷத்திரத்தில் பௌர்ணமி ஏற்படுவதால் அது கார்த்திகை மாதமாயிற்று.

மிருகசீர்ஷம் என்பது மார்கசீர்ஷி என்றாயிற்று.இதில் பெரும்பாலும் பௌர்ணமி வரும் மாதம் மார்கசீர்ஷி என்றாயிற்று.அதில் சீர்ஷி என்பது மறுவி மார்கழி என்றாயிற்று.

புஷ்யம் தான் தமிழில் பூசம் .புஷ்ய சம்மந்தமானது பௌஷ்யம்.புஷ்யத்திற்கு திஷ்யம் என்றும் பெயர்.பௌர்ணமி திஷ்யத்திலே வரும் மாதம் தைஷ்யம்.அதிலே கடைசி மூன்று எழுத்துக்களும் போய் தை என்றாயிற்று.

மக நக்ஷத்திரத்தில் பௌர்ணமிய வருவதால் மாகி என்றாயிற்று.இதில் கி என்பது சி யாக மருவி மாசி ஆயிற்று.

பூர்வ பல்குனியை பூரம் என்றும் உத்தர பல்குனியை உத்திரம் என்கிறோம்.இந்த இரு நக்ஷத்திரத்தில் பௌர்ணமி வருவதால் பல்குனி எனப்படும.அதில் ல எழுத்து மருவி பங்குனி ஆயிற்று.

இப்படி சம்ஸ்கிருத வார்த்தைகளே மருவி தமிழ் மாதப்பெயர்களாக அமைந்துள்ளன.

2010-12-31T02:55:00.000-08:00

தமிழ் ஆண்டுகள் குறித்த அறிஞர்களின் கருத்து.

2010-12-31T02:53:00.000-08:00

சுறவம் முதல் சிலை வரையிலான அய்யன் வள்ளுவன் ஆண்டே தமிழாண்டு.

தமிழ் ஆண்டுகள் குறித்த அறிஞர்களின் கருத்து.

பிரபவ முதல் அட்சயவரை உள்ள 60 ஆண்டுகள் நமது தமிழ் ஆண்டுகள்
இல்லை என்பது தமிழ் அறிஞர்களின் ஏகோபித்த முடிவாகும். இதில் வரும்
ஆண்டுகளின் பெயர் ஒன்றுகூட தமிழில்லை. 60 ஆண்டுகளும் பற்சக்கர
முறையில் இருப்பதால் 60 ஆண்டுகளுக்கு மேற்பட்ட காலத்தை கணக்கிடுவதற்கு
உதவியாக இல்லை. இதற்கு வழங்கும் கதையோ அறிவுக்கும், அறிவியலுக்கும்,
காலத்திற்கும், கருத்துக்கும் பொருத்தமாக இல்லை.

இவ்வாறு தமிழருக்கு தமிழில் தொடராண்டு இல்லாத குறையை உணர்ந்த
தமிழ் அறிஞர்கள்,புலவர்கள் தமிழ்க்கடல் மறையடிகள் தலைமையில் கூடினர்.

1921- ஆம் ஆண்டு சென்னை பச்சையப்பன் கல்லூரியில் நடந்த கூட்டத்தில்
திருவள்ளுவர் பெயரில் தொடராண்டு பின்பற்றுவது என்றும், அதையே தமிழராண்டு
எனக்கொளவது என்றும், திருவள்ளுவர் காலம் கி.மு. 31 என்றும் முடிவு செய்தனர்.
திருவள்ளுவர் ஆண்டுக்கு முதல் மாதம் சுறவம் [தை] இறுதி மாதம் சிலை

[மார்கழி] என்றும், புத்தாண்டு துவக்கம் சுறவம்[தை] முதல் நாளே என்றும்
முடிவெடுத்தனர்.

ஆங்கில ஆண்டுடன் 31 -யைக் கூட்ட வருவது திருவள்ளுவர் ஆண்டு.

2002 + 31 = 2033. தமிழக அரசு திருவள்ளுர் ஆண்டு முறையை 1971 முதல்
நாட்குறிப்பிலும் 1972 -ல் அரசிதழிலும் 1981 முதல் தமிழ்நாடு அரசின் அனைத்து
அலுவல்களிலும் பின்பற்றி வருகிறது.

தமிழ் திங்கள் (மாதம்)

```````````````````````````````
பன்னிரண்டு ஓரை[ராசி]களின் பெயர்களே பனனிரண்டு திங்களின் பெயர்களாக
வழங்கி வந்தன.

அவை:--

1. சுறவம் (தை)

2. கும்பம் (மாசி)

3. மீனம் (பங்குனி)

4. மேழம் (சித்திரை)

5. விடை (வைகாசி)

6. ஆடவை (ஆனி)

7. கடகம் (ஆடி)

8. மடங்கல் (ஆவணி)

9. கன்னி (புரட்டாசி)

10. துலாம் (ஐப்பசி)

11. நளி (கார்த்திகை)

12. சிலை (மார்கழி)

இவை இன்றும் பழந்தமிழ் சேர நாடான கேரள நாட்டில் வழக்கில் உள்ளது.

1. மே"ம் 2. ரி"பம் 3. மிதுனம் 4. கடகம் 5. சிம்மம் 6. கன்னி

7. துலாம் 8. விருச்சிகம் 9. தனுசு 10. மகரம் 11. கும்பம் 12. மீனம்.

என்னும் பன்னிரண்டு ராசி(ஓரை)களில் கடகம்,கன்னி,துலாம்,கும்பம்,மீனம்
ஆகிய ஐந்தும் தமிழ்ப் பெயர்களே.

மே"ம், ரி" பம், மிதுனம், சிம்ம, விருச்சிகம், தனுசு, மகரம் ஆகிய
ஏழு பெயர்களும் தமிழிலிருந்து வடமொழிக்கு மாற்றம் செய்யப்பட்டுவிட்டன.

அவை முறையே மேழம், விடை, ஆடவை, மடங்கல், நளி, சிலை, சுறவம்
என்று தமிழில் பாவாணர் அவர்களால் மீட்கப்பட்டது

அயோத்தி: இறுதித் தீர்ப்பு

2010-09-21T07:14:00.000-07:00

செப்டம்பர் 24

வரும் 24 ஆம் தேதி அன்று - அயோத்தி தொடர் பான - நீண்ட கால நிலுவையில் உள்ள வழக்கின் இறுதித் தீர்ப்பு அளிக்கப்பட உள்ளது. பிரச்சினை செய்யப்பட்ட - அந்த இடம் யாருக்குச் சொந்தம் என்பதற்கான தீர்ப்பு இது.

தீர்ப்பு யாருக்குச் சாதகமாக இருந்தாலும், கலவரம் வெடிக்கும் என்ற அச்சத்தில் பாதுகாப்பு ஏற்பாடுகள் மிக விரிவாகச் செய்யப்படுவதாகத் தகவல்கள் கூறுகின்றன.

ஏதோ அயோத்தியில் மட்டுமல்ல; இந்தியா முழுமையுமே அதன் பிரதிபலிப்பு இருக்கும் என்ற எதிர்பார்ப்பில் துணை இராணுவப் படை உள்பட களத்தில் இறக்கிவிடப்பட்டுள்ளனர். பல இடங்களிலும் கொடி அணிவகுப்பும் நடத்தப்பட்டுள்ளது.

தீர்ப்பு பாதகமாக இருந்தால் உச்சநீதிமன்றத் திற்குச் செல்லுவோம் என்று இப்பொழுதே லால்கிஷண் அத்வானி புலம்ப ஆரம்பித்துவிட்டார்.

நீதிமன்றம் கூறும் ஒரு தீர்ப்பு நாட்டில் கலவரங்களை உண்டாக்கும் என்ற ஒரு நிலை - நாடு நாகரிகத் துடன்தான் இருக்கிறது என்பதற்கு அடையாளமா?

மதம் என்றால் ஒழுக்கத்தை வளர்க்கக் கூடியது என்று சொல்லுவதெல்லாம் எவ்வளவு பெரிய மோசடி என்பது இதன்மூலம் விளங்கவில்லையா?

மதம் யானைகளுக்குப் பிடிக்கலாம்; ஆனால், மனிதனுக்குப் பிடிக்கலாமா? மதம் யாருக்குப் பிடித் தாலும் அது ஆபத்துதான் என்பது யதார்த்தமானது.

மத சம்பந்தமான இதுபோன்ற பிரச்சினையில் - ஏற்கெனவே ஒரு நிலைப்பாட்டை மத்திய அரசு எடுத்திருந்தது. 1947 ஆகஸ்ட் 15 ஆம் தேதியில் எந்த நிலைப்பாடோ அது தொடரும் என்று ஒரு முடிவு எடுக் கப்பட்டு இருந்தது. அயோத்தி பிரச்சினையில் அது ஏன் கடைப்பிடிக்கப்படவில்லை என்பது புதிராக உள்ளது.

இந்த ஒரு பிரச்சினையோடு இது முடிந்துவிடக் கூடியதுதானா? வேறு சில இடங்களில் உள்ள வழி பாட்டு நிலையங்கள்பற்றியும் பிரச்சினை எழுப்பப்பட் டால், அதன் விளைவு என்ன என்பதைச் சிந்திக்க வேண்டாமா?

இன்றைக்கு இருக்கிற பெரும்பான்மைக் கோயில் கள் ஒரு காலகட்டத்தில் புத்த விகார்களாக இருந் திருக்கின்றன என்பதற்கு எவ்வளவோ ஆதாரங்கள் உண்டே!

திருப்பதி வெங்கடாசலபதி கோயிலே புத்த விகாராக இருந்ததுதான் என்று ஆய்வுகள் கூறு கின்றன. காஞ்சிபுரத்தில் உள்ள மீனாட்சி கோயில் தாராதேவி ஆலயம் என்பதற்கும், ஏகாம்பரநாதர் கோயில் புத்தர் கோயில் என்பதற்குமான ஆதாரங் களை மயிலை சீனி. வெங்கடசாமி பவுத்தமும் - தமிழும் என்ற நூலிலே குறிப்பிட்டுள்ளார்.

பல இந்துக் கோயில்களின் இடிபாடுகளில் புத்தர் சிலைகள் கண்டெடுக்கப்பட்டுள்ளன. அயோத்தியில் பிரச்சினை எழுப்பும் இந்துத்துவாவாதிகள், இந்தப் பிரச்சினைகளையும் திறந்த மனத்தோடு எதிர்கொள்ளத் தயாராக இருப்பார்கள் என்று எதிர்பார்க்க முடியாது.

அயோத்தியில் பாபர் மசூதி இருந்த இடம் - ராமன் பிறந்த இடம்தான். இதனை நீதிமன்றம் தீர்மானிக்க முடியாது - இது எங்கள் நம்பிக்கைப் பிரச்சினை என்று இந்துத்துவாவாதிகள் தொடக்க முதலே கூறிக் கொண்டுதான் வந்திருக்கின்றனர்.

பாபர் மசூதி இடிக்கப்பட்ட இடம் இஸ்லாமியர் களுக்குத்தான் சொந்தம் என்று நீதிமன்றம் கூறினால், அதனை இந்துத்துவாவாதிகள் காவிக் கூட்டம் கண்டிப்பாக ஏற்றுக்கொள்ளப் போவதில்லை. இதற்கான முன்னோட்டமாகத்தான் தொடர்ந்து அவர்கள் கூறிக்கொண்டு வந்ததாகும்.

நீதிபதி லிபரான் ஆணையம் வெளியிட்ட தகவல் களை அவர்கள் ஏற்றுக்கொள்ளவில்லையே! பாபர் மசூதி இடிப்பில் வாஜ்பேயியையும் சம்பந்தப்படுத்தி அந்த ஆணையம் தெரிவித்துள்ள நிலையில், பூமிக்கும், ஆகாயத்துக்குமாகத் தாவிக் குதிக்கவில்லையா? நாடாளுமன்றத்தை நடத்தவிடாமல் முடக்க வில்லையா?

மற்ற மற்ற பிரச்சினைகளில் எல்லாம் நீதிமன்ற கருத்துகளை எடுத்துக்கூறி வக்காலத்து வாங்கிப் பேசும் சோ ராமசாமி போன்றவர்கள், லிபரான் ஆணையத்தின் கண்டுபிடிப்புகளை ஏற்றுக்கொள்ளும் பக்குவம் இல்லாமல்தானே எழுதுகோலைப் பிடித்தனர்.

இந்தியாவில் இந்து ராஜ்ஜியத்தை உண்டாக்கப் போகிறோம் என்று கூக்குரல் போடுபவர்கள், இசு ரேலுடன் சேர்ந்து இந்து ராஜ்ஜியத்தை வெளியில் இருந்து அறிவிக்கத் திட்டம் போட்டவர்கள், நீதிமன்ற தீர்ப்புகளை எல்லாம் மதிப்பார்கள் என்று எதிர்பார்க்க முடியாது.

தீர்ப்பு அவர்களுக்குப் பாதகமாக இருந்து சங் பரிவார்க் கும்பல் கலவரங்களில் ஈடுபட்டால், அதோடு அந்த அமைப்புகளுக்கு முடிவுரை எழுதுவதில் மத்திய அரசு உறுதியாக இருக்கவேண்டும் என்பதே நாட்டின் நலம் விரும்பிகளின் எதிர்பார்ப்பாகும். நடுவண் அரசு இதில் தெளிவாக இருந்தாகவேண்டும் என்றும் வலியுறுத்துகிறோம்.
http://www.viduthalai.in/

அனுமதியற்ற கோயில்களை அகற்றுக!

2010-09-15T09:52:00.000-07:00

அகற்றாத மாநிலங்களின் தலைமைச் செயலாளர்கள் நேரில் வரவேண்டும்!

உச்சநீதிமன்றம் கண்டிப்பு

தமிழ்நாட்டில் 77,450 கோயில்கள் அனுமதி பெறாதவை

புதுடில்லி, செப். 15- பொது இடங்களில் அனுமதியில்லாமல் கட்டப்பட்டிருக்கும் வழிபாட்டு இடங்களை அகற்றாமலோ, வேறு இடங்களுக்கு மாற்றா மலோ இருக்கும் மாநி லங்களின் தலைமைச் செயலாளர்கள் நேரில் வந்து பதில் கூறவேண் டும் என்று உச்சநீதி மன்றம் கண்டிப்பான ஓர் ஆணையை செப் டம்பர் 14 இல் பிறப் பித்தது.

தங்களுடைய பதிலை அளிப்பதற்கு உச்சநீதி மன்ற அமர்வு (பெஞ்ச்), இரண்டு வார கால அவ காசம் அளித்துள்ளது. பலமுறை இதைப்பற்றிய விசாரிப்பு நடந்தும், பல மாநிலங்கள், இதைப் பற்றிய பிரமாணப் பத் திரமோ, நடவடிக்கை எடுத்துள்ளதுபற்றிய தகவலோ தரவில்லை என்பது குறித்து உச்ச நீதிமன்றம் தன் அதிருப் தியைத் தெரிவித்தது.

தமிழ்நாட்டின்தான் அதிகம்

தமிழ்நாட்டில்தான் அனுமதியற்ற வழி பாட்டு இடங்களின் எண்ணிக்கை மிக அதிக மாகும். 77,450 கோயில் கள் தமிழ்நாட்டிலும், 58,253 ராஜஸ்தானிலும், 15,000 குஜராத்திலும் அனுமதி பெறாமல் பொது இடங்களில் கட் டப்பட்டுள்ளன.

அருணாசலப் பிர தேசத்தில் பொது இடத் தில் ஒரு வழிபாட்டுத் தலம்கூட இல்லை என்று அம்மாநில அரசு வழக் கறிஞர் குறிப்பிட்டதைக் கேட்டு, அது மிகவும் நாகரிகமான மாநிலம் என்ற புகழ்ச்சியை உச்ச நீதிமன்றத்திடம் பெற்றது.

அனுமதி பெறாத கோயில்கள், மசூதிகள், சர்ச்சுகள், குருத்துவா ரங்கள் மற்றும் பிற வழி பாட்டு இடங்களைப் பொது இடங்களில் இருந்தும், பாதைகளில் இருந்தும் அகற்றுமாறும், அவை போக்குவரத் துக்கு இடைஞ்சல் என் றும், நெரிசலை உண் டாக்குகின்றன என்றும், கூட்ட நெருக்கடிக்குக் காரணமாக இருக்கின் றன என்றும் உச்சநீதி மன்றம் கூறியிருந்தது.

அனுமதி பெறாதவை

உச்சநீதிமன்றத்தின் பல விசாரணைகள் இது குறித்து நடந்தன. அப் பொழுது மத்திய, மாநில, யூனியன் பிரதேச அரசுகள், அனுமதியற்ற வழிபாட்டு இடங்களை அகற்றி விடுவதாகவும், அவற்றால் உண்டாகும் அசவுகரியங்களைத் தாங்களும் உணர்வதாக வும் தெரிவித்திருந்தன. ஆனால், சொன்னதற்கு ஏற்ப நடவடிக்கைகள் எதுவும் நடைபெற வில்லை. 2009 ஆம் ஆண் டில், மத்திய, மாநில அரசுகள், அனுமதி பெறாத கோயில்களைத், தெருக்கள், சாலைகள், பூங்காக்கள் முதலிய இடங் களில் இருந்து நீக்க நடவடிக்கை எடுக்கக் கட்டளையிட்டது.

ஆரியம் - மதம் - கடவுளுக்கு எதிராக

2010-09-14T08:16:00.000-07:00

திராவிட நாடு இதழில் (16ச்.1.1944) மூட நம்பிக்கை, கடவுள், மதம், ஆரியத்திற்கு எதிராக அண்ணா எழுப்பிய கேள்விகள் வருமாறு:

1) நமது நாட்டில் சைவ சமயத்திற்கு முன்னால் ஏதாவது சமயம் இருந்ததா?

2) அது எது?

3) சைவ சமயம் என்பது எப்போது உண்டாயிற்று?

4) அதற்கு முதல் கர்த்தா அல்லது சமயாச்சாரி என்பவர் யாவர்?

5) சைவ சமயத்திற்கு மற்ற சமயத்தில் இல்லாத தனிக் கொள்கைகள் என்ன?

6) அதற்கு ஆதாரம் யாது?

7) சைவம் என்பது சிவன் என்னும் ஒரு உருவமுள்ள கடவுளை, வழிபடு கட வுளாகக் கொண்டதா?

8) அல்லது தனித் தெய்வமில்லாமல் ஏதாவது கொள்கைகளை மாத்திரமோ, அல்லது குணத்தை மாத்திரமோ அடிப் படையாகக் கொண்டதா?

9) சிவன் என்பது ஒரு கடவுள் பெயரா?

10) ஒரு தன்மையா?

11) ஒரு குணமா?

12) சிவனுக்கு உருவம் சொல்லப்படு கிறதே- அது ஏன்?

13) அதற்குப் பெண்டு பிள்ளைகளும் இருப்பதாக காணப்படுகிறதே, ஏன்?

14) சைவ சமயம் சம்பந்தமான பல கடவுள்களுக்கு உள்ள ஆயிரக்கணக் கான பெயர்கள் வடமொழியில் இருப் பானேன்?

15) ஆயிரக்கணக்கான கடவுள் களுக்கும் அவர்களது பெண்டு பிள்ளை களுக்கும் வேறு வேறு பெயர்கள் ஏன்?

16) சைவத்திற்கும், சமணக் கொள் கைகளுக்கும், பவுத்த கொள்கை களுக்கும் உள்ள வித்தியாசம் என்ன?

17) ஆரிய வேதத்தையும், ஜீவபலி வேள்வியையும் சைவம் ஒப்புக் கொள் ளுகின்றதா? மறுக்கின்றதா?

18) சைவ சமயாச்சாரியர்கள் என் பவர்கள் ஆரிய வேதத்தையும், அதில் காணும் வேள்விகளையும் ஒப்புக் கொள்கின்றனரா? மறுக்கின்றனரா?

19) சமணர்கள் வேத வேள்வியை நிந் தனை செய்தார்கள் என்றால் அது எந்த வேதத்தையும், வேள்வியையும்?

20) சைவ சமயத்திற்குள்ள சித்தாந் தமும், ஆகமமும் வடமொழியா? தென் மொழியா?

21) சைவ சமயத்தையே சேர்ந்த சைவக் கடவுள்கள் இருக்கும் தனித்தனி ஊர்களுக்கு தனித்தனி பெருமை ஏன்?

22) சமயாச்சாரிகள் என்போர்களால் பாடப்பட்ட ஊர்களுக்கும், பாடப்பட்ட கடவுள்களுக்கும் மாத்திரம் அதிக மதிப்பு ஏன்?

23) சைவ சமயாச்சாரியார்களும், சைவ சமய பக்தர்களும், பவுத்தர்களையும், சமணர்களையும் துன்புறுத்தியதேன்?

24) துன்புறுத்தவில்லையானால் தேவாரம் முதலியவைகளில் அவர்களை கண்டபடி இழித்துக் கூறி வைத்திருப் பதேன்?

25) வடமொழிக் கதைகளையும் வட மொழி புராணங்களையும் தள்ளிவிட்டால் சைவர்களுக்கு ஏதாவது கடவுள் உண்டா?

26) சைவத்திற்கு ஏகக் கடவுள் வணக்கமா? பல கடவுள் வணக்கமா?

27) எத்தனைக் கடவுள்கள் இதுவரை கண்டுபிடிக்கப்பட்டிருக்கின்றன?

28) இதோடு தீர்ந்ததா? இனியும் உண்டாகுமா?

29) சைவ சமயத்திற்கு கோயில் கொள்கை உண்டா?

30) விக்ரக ஆராதனை உண்டா?

31) வேறு ஒருவன் அர்ச்சகனாக இருந்துதான் கடவுளை வணங்க வேண்டுமா?

32) ஆகிய இவைகளுக்கு ஆதாரம் ஏது?

33) சைவர்களில் ஒவ்வொருவரும் அவரவர் வணங்க வேண்டிய கடவுளை நேரில் பூசனை புரிய அவரவருக்கு உரிமையுண்டா?

34) சைவத்தில் ஜாதி வித்தியாசம் உண்டா?

35) சைவக் கோயில்களில் இப் போது ஜாதி வித்தியாசம் பாராட்டப்படு கின்றதா?

36) அது சைவத்திற்கு முரணானது அல்லவா?

37) முரணானால் அம்முரணுக்கு இதுவரை சைவர்கள் ஏதாவது பரிகாரம் செய்தார்களா?

38) கடவுளை வணங்க கற்பூரம் கொளுத்தி வைத்து வணங்க வேண்டும் என்பதற்கு ஏதாவது ஆதாரம் உண்டா? எந்த ஆகமத்தில் சொல்லுகிறது?

39) ஏதாவது ஓர் ஆகமத்தில் சொல் லப்பட்டால் அது ஆரியர்களின் ஆகமமா? தமிழர்கள் ஆகமமா?

40) கற்பூரம் கொளுத்தும் வழக்கம் எது முதல் அனுஷ்டிக்கப்பட்டு வரு கிறது?

41) பிள்ளையார் என்ற ஒரு கட வுளுக்குச் சைவத்தில் இடம் இருக் கின்றதா?

42) கந்தபுராணத்தைச் சைவர்கள் ஒப்புக் கொள்ளுகின்றனரா?

43) ஒப்புக் கொள்ளுவதானால் அது சைவத்தில் பொருந்தியதுதானா?

44) சைவர்கள் சிவரகசியத்தையும் சிவ மகாபுராணத்தையும், சிவபராக்கிர மத்தையும் ஒப்புக் கொள்ளுகின்றார் களா?

45) நால்வர்கள் பிரம்மாவையும், விஷ்ணுவையும் ஒப்புக் கொள்ளுகின் றார்களா?

46) அவைத் தனித்தனி கடவுள் களா?

47) நால்வர்கள் விஷ்ணுவைத் தாழ்த்திப் பாடி இருந்தால் அது மதத் துவேஷம், அல்லவா?

48) மனு ஸ்மிருதியையும், பராசர ஸ்மிருதியையும் சைவர்கள் ஒப்புக் கொள்ளுகின்றார்களா?

49) சமணர்கள் கழுவேற்றப்பட்ட தைச் சைவர்கள் ஒப்புக் கொள்ளுகின் றார்களா? கோயில்களில் இன்னமும் திருவிளையாடல் புராண கதை உற்சவங் கள் நடக்கின்றதை மறுக்கின்றார்களா?

50) திருநீறு எதற்காகப் பூசுவது?

51) இலிங்கத்திற்கும், ஆவுடையா ருக்கும் சொல்லும் கதையை ஒப்புக் கொள்ளுகின்றார்களா, இல்லையா?

52) ஒப்புக் கொள்ளாவிட்டால் அந்தப் பழக்கம் உள்ள வடமொழி ஆதா ரத்திற்கு என்ன பதில் சொல்லக் கூடும்?

53) இலிங்கம் எனும் வார்த்தை என்ன பாஷை? அதற்கு என்ன அர்த்தம்? எந்த ஆதாரப்படி?

54) கைலயங்கிரி எது? சுப்பிரமணி யன் எது? கந்தன் எது? குமரன் எது?

55) மலையரசன் மகனென்றால் என்ன?

56) இப்பொழுது இதுவரை நடந்து வந்த கோயில் முறை, பூசை முறை, உற்சவ முறை முதலியவைகளால் ஏற்பட்ட நன்மைகள் என்ன?

57) இவை இப்படியே நடக்க வேண் டியது தானா?

58) இவைகளின் பேரால் பல லட்சம் ரூபாய்கள் செலவாகின்றதே நியாயம் தானா?

59) அதை நிறுத்தி அச்செலவையும், காலத்தையும் வேறு வழியில் திருப்ப லாமா? அல்லது இப்படியே இருக்க வேண்டுமா?

60) சைவர்கள் மேல்லோகத்தை ஒப்புக் கொண்டார்களா?

61) மறுபிறப்பை ஒப்புக் கொள்ளு கின்றார்களா?

62) திதிகளை ஒப்புக் கொள்ளுகின் றார்களா?

63) பிராமணர்களை ஒப்புக்கொள்ளு கின்றார்களா?

64) சமயாச்சாரிகளின் அற்புதங் களை எல்லாம் அப்படியே நடந்ததாகவே ஒப்புக் கொள்ளுகின்றார்களா?

65) மற்றும் சைவப் புராணங்களில் உள்ள எல்லா அற்புதங்களையும் நடந்த தாகவே ஒப்புக் கொள்ளுகின்றார்களா?

66) ஒவ்வொரு கோயிலுக்கும், ஒவ் வொரு சாமிக்கும் ஏற்பட்ட ஸ்தலமூர்த்தி தீர்த்த புராணங்களை உண்மை என் பதற்காக ஒப்புக் கொள்ளுகின்றார்களா?

67) சைவர்களுக்குச் சரியான முறை எது?

68) சைவர்களுக்கு அல்லது சைவ சாமிகளுக்குத் தேவதாசி முறைகள் உண்டா?

69) வருணாசிரமம் உண்டா?

70) உண்டென்றால் ஆதாரம் எது?

71) இல்லை என்றால் ஆதாரம் எது?

72) இப்பொழுது அமலில் இருப் பதற்குக் காரணம் என்ன?

73) சைவ மடங்கள் எதற்கு?

74) அவைகள் இதுவரைச் சாதித்த தென்ன?

75) அம்மடங்கள் இனியும் அப்படியே இருக்க வேண்டியதுதானா?

76) இம்மடங்களைத் திருத்த இதுவரை எந்த சைவராவது முயற்சி செய்தது உண்டா?

77) இப்பொழுதுள்ள சைவர்களில் சைவ சமயத்தைப் பற்றி அபிப்ராயம் சொல்ல நிபுணர் யார்?

78) அருகதை உடையவர் யார்?

79) பாரதம், இராமாயணம், பாகவதம் முதலிய வைணவப் புராணங்களில் வரும் சிவனைச் சைவர்கள் ஒப்புக் கொள்ளு கின்றார்களா?

80) வடமொழியும், அம்மொழியில் உள்ள நூல்களும் இன்றி சைவத்தை விளக்க முடியுமா?

இந்துமுன்னணியே, ஓடாதே,நில்!

2010-09-12T23:47:00.000-07:00

மின்சாரம்

திண்டுக்கல்லில் கலவரத்தைத் தூண்டும் தி.க.வினர்மீது வழக்கு

குன்னூரில் விநாயகன் பற்றி துண்டு அறிக்கைககள் கொடுத்த மாவட்ட தி.க., தலைவர்மீது வழக்கு

ராஜபாளையத்தில் துண்டறிக்கை கொடுத்த தி.க.வினர் விசாரிக்கப்படுகின்றனர்.

என்கிற சேதிகள் நாளேடுகளில் வெளி வந்துள்ளன.

ஆமாம், திராவிடர் கழகத் தோழர்கள் செய்த குற்றம் என்ன? விநாயகன்பற்றி விழிப்புணர்வூட்டும் துண்டு அறிக்கைகளை பொது மக்களிடம் கொடுத்தார்களாம்.

திராவிடர் கழகத்தினர்களுக்கு பகுத் தறிவுக் கருத்துக்களைப் பரப்பவும், மூடநம்பிக்கை இருளை விரட்டியடிக்கவும் உரிமை இல்லையா?

பக்தியை மட்டுமே பரப்பி மக்களின் புத்தியை நாசப்படுத்த வேண்டும் என்பது எழுதப்படாத சட்டமா?

பக்தியின் பெயரால் புத்தியைக் கெடுத்துக் கொண்டு, பொருளையும் பொழுதையும் நாசப்படுத்திக் கொண்டுதான் இருக்க வேண்டுமா?

அவர்களைச் சிந்திக்க வைக்கும் சீரிய வழியில் பகுத்தறிவுப் பணிகளை மேற் கொள்ளக் கூடாதா?

இந்தப் பணியை திராவிடர் கழகம் இன்று நேற்றா செய்து வருகிறது 75 ஆண்டுகளுக்கு மேலாகச் செய்து வருகிறதே.

அப்பொழுதெல்லாம் இல்லாத சட்டம் இப்பொழுது மட்டும் ஆகாயத்திலிருந்து பொத்தென்று குதித்து விட்டதா? விநாயகன் கனவில் வந்து காவி உடை இந்து முன்னணியினர் கூறுவதை காக்கிச் சட்டை காவல் துறையினர் கவனத்தில் எடுத்துக் கொள்ள வேண்டும் என்று கூறினாரா?

துண்டு அறிக்கைகளில் கூறப்பட்டவை உண்மையற்றவை என்று விவாதிக்க முன் வரட்டுமே!. தி.க.வினர் வெளியிட்ட துண்டு அறிக்கையில் இந்தந்தத் தவறுகள் இருக் கின்றன என்று கூறி மறுத்து அறிக்கை களை வெளியிடட்டுமே!

அதுதானே அறிவுடைமை? அறிவு வேலை செய்யாத இடத்தில் ஆத்திரம்தான் அலைமோதும். அந்த நிலையில்தான் இந்து முன்னணியினர் இருக்கின்றனர். இப்படிப் பட்ட காவிகளின் புகாரை ஏற்றுக் கொண்டு, காக்கிச் சட்டைகள் கருப்புச் சட்டைக் காரர்கள் மீது வழக்குத் தொடுப்பது என்றால், இது எவ்வளவு பெரிய பொறுப்பற்ற செயல்?

சேலத்தில் ராமனை செருப்பாலடித்த வழக்கே ஒன்றுமில்லாமல் போய்விட்டது. அந்த வழக்கினை நீதிமன்றம் தள்ளுபடி செய்து விட்டதே! ராமன், சீதை, லட்சுமணன் உருவங்களைக் கொளுத்தி இராவண லீலாவை அன்னை மணியம்மையார் நடத்திக் காட்டினார்களே (25.12.1974). விநாயகர் உடைப்புப் போராட்டத்தையே தந்தை பெரியார் நடத்தினாரே _ இவ்வளவுக்கும் அப்போது ஆச்சாரியார் முதல் அமைச்சர்; ஆண்டவனைக் காப்பாற்ற வேண்டும் என்று அவாளுக்கு இல்லாத அக்கறை, ராஜாவை விஞ்சும் விசுவாசிகளாக இருக்கும் சில காவல்துறை அதிகாரிகளுக்கு வந்திருக்கிறது போலும்.

விநாயகர்பற்றி அவன் பிறப்புப் பற்றி விநாயகர் புராணம் கூறுகிறது; கந்தபுராணம் பேசுகிறது -_ அபிதான சிந்தாமணி என்னும் புராணக் களஞ்சியம் புட்டுப் புட்டு வைக்கிறது.

தேவாரத்தில் திருஞான சம்பந்தனே பாடியிருக்கிறான்: சிவன் ஆண் யானையாகவும், பார்வதி பெண் யானையாகவும் மருவிப் புணர்ந்து பிள்ளையாரை பெற்று எடுத்தார்கள் என்பது தேவாரம் கூறும் ஆதாரம் பிடியதன் உருவுமை கொள மிகு கரியது

வடிகொடு தனதடி வழிபடும் அவரிடர்

கடிகண பதிவர அருளினன் மிகு கொடை

வடிவினர் பயில்வலி வலமுறை யிறையே

நாகை மாவட்டம் கீழ்வேளூர் -_ திருத்துறைபூண்டி மார்க்கத்தில் வலிவலம் எனும் ஊரில் கோயில் கொண்ட சிவனைப் பற்றிதான் திருஞான சம்பந்தன் இப்படிப் பாடியிருக்கிறார். இந்தப் பாடல் அந்த வலிவலம் கோயிலிலேயே கூட பொறிக்கப்பட்டுள்ளதே!

இந்து முன்னணியினருக்கு எரிச்சல் வந்தால் என்ன செய்திருக்க வேண்டும்? விநாயகன் ஆபாசமாகப் பிறந்தான் என்று கூறும் தேவாரத்தை அல்லவா தீயில் போட்டுப் பொசுக்க வேண்டும்!

பார்வதியின் உடல் அழுக்கி-லிருந்து பிள்ளையார் பிடித்து வைக்கப்பட்டவர் என்று சிவபுராணத்-திலும், கந்தபுராணத்திலும் கூறப்பட்-டுள்ளதே - _ இந்தப் புராணங்-களையல்லவா பூமியில் போட்டுப் புதைப்பதற்கு முன் வர வேண்டும்.

சூரபத்மனை எதிர்த்த போரில் அண்ணன் சுப்பிரமணியன் தோற்ற நிலையில், தம்பியாகிய விநாயகன் களத்தில் குதித்தான் என்றும், அசுரர்களை அழிக்க அழிக்க வீரர்கள் புற்றீசலாக வந்து கொண்டே-யிருந்தனர் என்றும், வல்லபை என்ற பெண்ணின் குறியிலிருந்து அவர்கள் உற்பத்தியாகி வந்தனர் என்றும், விநாயகன் தன் துதிக்கையால் வல்ல-பையின் பெண்குறியை அடைத்தான் என்றும், அதனால்தான் விநாயகனுக்கு வல்லபை கணபதி என்று பெயர் வந்தது என்றும் கந்தபுராணம் கதைக்கிறதே -_ மானம், வெட்கம், ரோஷம் இருந்தால் இந்த இந்து முன்னணிகள் கந்தபுராணத்தைக் கொளுத்தும் போராட்டத்தையல்லவா நடத்த வேண்டும்?

விநாயகர்பற்றிய வரலாற்றினை அறிவுடையோர் அருவருக்கத் தக்கதான ஒரு கதை வடிவிற் கட்டிவிட்டார்கள் என்று சைவ மெய்யன்பராகிய மறைமலை அடி-களார் அவர்கள் எழுதியிருக்கிறாரே! (சைவ சித்தாந்த நூற் பதிப்புக் கழகம் வெளியிட்டுள்ள கடவுள் நிலைக்கு மாறான கொள்கைகள் சைவம் ஆகா என்னும் நூலில் விநாயகனின் ஆபாசம் குறித்து வேதனையோடு எழுதியுள்ளாரே!)

மறைமலை அடிகள் என்ன கருஞ்சட்டைக்காரரா?

இந்தக் கணபதி ஓர் இறக்குமதிச் சரக்குதானே! கி.பி.641-_42இல் பல்லவ மன்னனின் சேனாதிபதியான பரஞ்-சோதி படையெடுத்து புலிகேசியைத் தோற்கடித்து வாதாபியை வென்று, அதன் அறிகுறியாக அங்கு இருந்த இந்த விநாயகனைக் கொண்டு வந்து, திருச்செங்காட்டாங்குடி என்னும் ஊரில் கோயில் கட்டி வைத்தான் என்று தமிழ் அறிஞர் பன்மொழிப் புலவர் தெ.பொ. மீனாட்சி சுந்தரம் எம்.ஏ; பி.எல்., எம்.ஓ.எல் அவர்கள் எழுதியுள்ளாரே_

(பிறந்தது எப்படியோ? _ பாரி நிலையத்தார். வெளியீடு -_ 1951) மறுப்பு உண்டா?

சிவசேனா வீரர் பால்தாக்கரேயை விட வா இவர்கள் விநாயகர்களின் பக்தர்கள்?

1995இல் ஒரு விநாயக சதுர்த்தி யின்போது அவரின் மனைவி விநாயகப் பூஜையில் மூழ்கி இருந்த நிலையிலேயே மரணம் அடைந்தார்; எவ்வளவோ முயற்சித்தும் மனை-வியைக் காப்பாற்ற முடியவில்லை. சீ... என்ன கடவுள் என்ன விநாயகன்? எல்லாம் பொய்! பொய்!! என்று கூறி வீட்டில் இருந்த விநாயகன் உள்பட சாமிப் படங்-களையெல்லாம் தூக்கி வெளியில் எறிந்தாரே (தி வீக் 19.11.1993), அவர் என்ன நாத்திகரா?

கடவுளை அவமானப்படுத்தி விட்டனர் தி.க.வினர் என்று காவல்நிலையத்தில் படைஎடுக்கும் இந்து முன்னணியினர் விநாயகர் சதுர்த்தி அன்று என்ன செய்-கிறார்கள்? விநாயகர் ஊர்வலம் நடத்தி அந்தச் சிலைகளை நீர் நிலைகளில் தள்ளி, ஏறி மிதித்து, அடி அடி என்று அடித்து மூழ்கடிக்கிறார்களே _ அது மட்டும் விநாயகன் அவமதிப்பு இல்லையா?

இந்து முன்னணியே, ஓடாதே நில் ஒழுங்காக நின்று பதில் சொல்!

திராவிடர் கழகம் வெளி-யிட்டுள்ள துண்டறிக்கையில் வல்ல-பை-யின் குறியில் விநாயகனின் தும்பிக்கை இருப்பது போன்ற படம் வெளியாகியுள்ளது. இது ஒன்றும் திராவிடர் கழகத்தரின் கற்பனையோ, வக்கிரப் புத்தியோ அல்ல.

எத்தனை எத்தனைக் கோயில் தேர்களில் இந்த உருவம் வடிக்கப்-பட்டுள்ளது. எத்தனை எத்தனைக் கோபுரங்களில் இந்த வல்லபை கணபதி காட்சிப் படுத்தப்பட்-டுள்ளார்!

வல்லபை கணபதி கோயிலே தருமபுரிக்குப் பக்கத்தில் இருக்கிறதே! ஆத்திரம் வந்தால் இந்து முன்னணி ஆத்திகப் பிரமுகர்கள் சம்மட்டியை எடுத்துக் கொண்டு போய் வல்லபை கணபதிக் கோயிலை இடித்துத் தள்ள வேண்டியதுதானே! தேர்-களைக் கொளுத்த வேண்டியது-தானே! மானமுள்ள நம் தமிழச்சிகள் எந்த வகையில் எது கொண்டு வல்லபை கணபதியைச் சாத்த வேண்-டுமோ அது கொண்டு சாத்த வேண்-டி-யதுதானே!

மூலத்தை விட்டு விட்டு மூளை கொண்டு ஆராய்பவனைக் காய்ந்-தால், காய்கிறவனுக்குக் கடுகளவும் புத்தியில்லை என்றுதான் பொருள்.

ஆத்திரப்படாமல், அருமைத் தோழா, ஒரே ஒரு நொடி -_ ஆம் ஒரே ஒரு நொடி _ இந்த ஆபாசக் கடவுள்களின் பிறப்பு _ வளர்ப்பு செய்திகளைச் சிந்தித்துப் பாருங்கள்.

கண்டிப்பாகச் சீற்றம் வரும் _ இந்துமதக் கடவுள்கள்மீதும், அவற்றைக் கற்பித்த காட்டு விலங் காண்டிகள்மீதும். ஆறுவது சினம் - _ அவ்வை வாக்கு!

www.viduthalai.com

நமது கடமை

2010-09-12T23:30:00.000-07:00

பெரியார்

உலக முழுமையும், அந்தந்த நாடுகளில் அந்தக் கட்சிகள் அரசியலைப் பிடித்து அந்தந்த தேசவாசி களுக்கு நன்மை புரிகின்றோமென்று சொல்லிக் கொண்டு, பற்பல துவாராக்களில் உழைத்து வருகின்றன. நமது ஆங்கில நாட்டின் நாஷனலிட் கட்சி, அதாவது தேசிய கட்சி என்று வழங்கும் ஒருசார்பார், தோழர் ராம்சேமக்டொனால்டின் தலைமையின்கீழ் ஆங்கில நாட்டு அரசியலை நடத்தி வருகின்றார்கள். இவர்களுடைய முக்கியப் போக்கு என்னவெனில், இருக்கும் சமுகத்திட்டத்தை வைத்துக் கொண்டு அங்கோர் சீர்திருத்தம், இங்கோர் சீர்திருத்தத்தைக் காட்டி, ஆண்டு வருவதாகும். பிரான் நாட்டிலும், பழைய சேம்பர் ஆவ் டிப்புடி என்ற பழைய பார்லிமெண்டை வைத்துக் கொண்டு, முதலாளி, சிறுமுதலாளி இயக்கங்களைப் பாதுகாத்து வருகின்றனர். ஜெர்மனியில் ஏகாதிபத்திய கெய்சர் ஆட்சியை உடைத்தும், மழைநின்றும் தூவானம் நிற்க வில்லை என்பது போல் ஜெர்மனியைப் பிடித்த சனியன் ஒழியவில்லை. அவ்வுலகில், பெரும் பான்மையோர் தொழிலாளர், விவசாயிகளாக விருக்கின்றனர், ஏகாதிபத்திய அரசில் பட்டு வந்த கஷ்டங்களுக்கு விமோசனங்களை அத்தேசவாசி கள் தற்போது பாசிடின் கையில் அகப்பட்டுக் கொண்டு வருந்துகின்றனர். அமெரிக்க நாடு டிமேக்கிராட்டிக் களென்றும், ரிப்பப்ளிக்கர்களென் றும், இவ்விரு கட்சிகளின் நடுவில் தவித்தியங் குங்காலை, ரூவெல்ட் என்னும் பெரியோர் சோஷலிசத்தை முதலாளித் திட்டத்துக்குள் நுழைத்து பார்க்கலாமாவென்று பரிட்சித்து வருகின்றார். மற்ற அமெரிக்க அய்ரோப்பிய சிற்றரரசுகளிலும் மேல் போன்ற பெரிய அரசுகள் தட்டுத் தடுமாறிக் கொண்டு வருவதைப்போல், தடுமாறிக்கொண்டிருக்கின்றன. இந்த ராஜ்யங்களில் ஒன்றிலேனும், சாந்தமாகிலும், சமாதானமாகிலும், ஏற்பட்டதாகத் தெரியவில்லை. அய்ரோப்பிய, அமெரிக்க உலகமெங்கும் குழப்பங் களே அதிகரிக்கின்றன; கஷ்டங்களும் அதிகரிக் கின்றன.

அய்ரோப்பா, அமெரிக்க உலகம் நிலை குலைந்து வருந்தி வருங்காலை, ஏனைய நாடு களில் அதனினும் பதின்மடங்கு கேடாயிருப்பதைக் காணலாம். ஜனப்பெருக்கிலும், தரித்திரத்திலும் உயர்ந்த நாடு சீன தேசமெனலாம். அதில் 40 கோடி மக்கள் இரண்டு, மூன்று தளகர்த்தராட்சியில் கட்டுண்டு கலகங்களிலேயே மூழ்கிக் கிடக்கின்ற னர். அந்நிய அரசுகளால் அந்நாட்டு கட்சிகள் தூண்டப்பட்டு, முன்னுக்குப் போக வொட்டாமல் தடுக்கப்பட்டு வருகின்றனர். அந்நாட்டு தேசியக் கட்சியார் மாலுமியற்ற கப்பல்போல் தட்டுத் தடுமாறி நிற்கின்றனர். இன்னது வேண்டுமென்ற துணிவும் அற்று, நாற்பது கோடி மக்கள் பற்றில்லாத வாழ்க்கையில் மிதந்து வருகின்றனர். விளையும் நிலங்கள் தேசமுழுவதும் நிறைந்திருந்தும், உலக நதிகளுக்கெல்லாம் நதிகள் நிலங்களை நீர்ப்பாய்ச்சச் செய்ய வந்தும் அடுத்தடுத்து பஞ்சங்களால் கோடிக் கணக்கான மக்கள் பசியால் சாகின்றனர். இந்தப் பயங்கரமான துர்பாக்கியத்தில் சீனர் இருந்தும், முதலாளி ஆதிக்கத்தில் கட்டுண்ட ஜப்பான் தேசம், அதன் உள்நாட்டுக் குழப்பத்தையும் வறுமையை யும் கவனியாது, சீன தேசத்தைப் படையெடுத்து, சென்னை ராஜதானிக்கொப்பான நீர்வளம், நிலவளம் பொருந்திய மஞ்சூரிய நாட்டைப் பிடித்துக் கொண்டது. தன்னுடைய நாட்டில் உண்டாகியி ருக்கும் அதிருப்திக்குப் பரிகாரம் ஒன்றும் தேடாது அயல்நாடுகளைப் பிடிக்கும் வண்ணம் தனது போர்த்தளத்தை அதிகரித்துக் கொண்டே வருகிறது. உலக சமாதானத்தை உருவமாக எடுத்திருக்கும் சோலை நிலங்களை, அபகரிக்கவும், ஜப்பான் பார்க் இத்தியாதி குழப்பத்தில் உலக பேரரசுகளும் சிற்றரசுகளும் தடுமாறிக் கொண்டிருக்க, நமது இந்திய தேசத்தின் நிலைமை என்ன? இந்த வேதமோதும் நாடாகிலும் சுகப்பட்டு வாழ்கின்றதா?

சுயராஜ்யம் யாருக்கு என்ற புத்தகத்தின் முதல் பாகத்தை வாசித்தவர்கள், நமது இந்திய நாட்டின் தற்கால நிலைமையை எளிதில் உணர்ந் திருக்கலாம். பகிர் முகத்தில் விசேஷமொன்றுமில்லா மையாகத் தோன்றினபோதிலும் அந்த முகத்தில் அதிருப்தியே நிறைந்துள்ளது. ரயில்கள் ஓடுகின்றன. ஆயிரக்கணக்கான பக்தர்கள் கோவில்களுக்கும், குளங்களுக்கும் யாத்திரை செல்கின்றனர். தேரும், திருவிழாக்களும் கோவில்களில் குறையவில்லை. சர்க்கார் வரி வசூலாகி வருகின்றது. சேனை, சிப்பந்தி களும், போலீசும், தத்தம் காபந்துகளைச் செய்து வருகின்றனர். இதன் மத்தியில் மக்கள் வாழ்க்கை பரிதாபகரமாக இருந்து வருவது பார்வையிலேயே தோன்றும். இந்த உள்நாட்டு மக்களின் தீமையைப் பரிகரிக்க இதுவரை ஆண்டுவந்த அரசியல் திட்டங் களுக்குப் பதிலாக புதியதோர் திட்டம் வருகையை யாவரும் எதிர்பார்க்கின்றார்கள்.

இந்தத் திட்டமாவதென்ன? அரசியல் மத்திய சபையில், 100-க்கு 200 பேர் அங்கத்தினர் நிய மிக்கப்படப்போகின்றனர். இவர்களை நியமிக்க முப்பது லட்சம் வாக்காளர்கட்குப் பதில், மூன்று கோடி வாக்காளர்கள் வரப்போகின்றார்கள். நிலம், நீர், வீடுவாசல் இல்லாத இருபது கோடி மக்களுக்கு ஓட்டுரிமை இல்லை. மகம்மதியர்களுக்குச் சில தனிப்பிரதிநிதிகளும். இந்துக்களுக்குச் சில தனிப் பிரதிநிதிகளும் சிற்சில மாகாணங்களில் கொடுக்கப் படுகின்றன. முதலாளி வகுப்பைச் சேர்ந்த நிலச் சுவான்தார்களும், வர்த்தகர்களும் சட்டசபைகளில் நிறைந்திருக்கப் போகின்றார்கள். தனிச் சொத் துரிமை, மதப் பாதுகாப்பு, ஜாதிக்காதரவு புதிய திட்டத் திலும் காக்கப்படப் போகின்றன. இனி தேச மக் களுக்கு என்ன வேண்டும்? இந்தப் பாதுகாப்புக ளோடு அய்ந்நூற்றம்பத்தாறு சிற்றரசுகளும் ஏகா திபத்திய ஆட்சியில் கலந்து கொள்ள போகின்றனர். இவர்களுடைய நவரத்தினங்களிழைத்த தலைப் பாகைகளும், வயிர முடிகளும், வயிரத் தோடாக் களும், நவரத்தினமிழைத்த கண்ட சரங்களும், காதுகளில் ஜொலிக்கும் வயிரக் கடுக்கன்களும், மகத்தான சட்டசபைகளில் ஜொலிக்கப் போகின்றன. இந்தக் காட்சியைக் காணும் முப்பது கோடி மக்களின் பசி ஆறிவிடுமன்றோ? தீரா வியாதிகளும் தீர்ந்து விடுமன்றோ? நாடும், நகரமும் தேசம் முழுமையும் பாலும், தேனும், தினைமாவும் நிறைந்தோடுமன்றோ? இந்த முக்கிய அம்சங்களை எதிர்த்து முட்டுக்கட்டை போடவோ, ஒத்துழைக் கவோ, காங்கிர சுயராஜ்யக்கட்சி மறு ஜென்ம மெடுத்துள்ளது கெல்கர்கள், தங்களது சுதந்திரக் கட்சியைப் பலப்படுத்துகின்றனர். மூஞ்சேக்களும் இந்து மகா சபைகளை வலுப்படுத்தப் பார்க்கின் றார்கள். அரசாங்கமும் இந்தக் கட்சிகளை எதிர்பார்க்கப் போகின்றது. இதன் மத்தியில் சோஷியலிடுகள் வேலை என்ன?

முக்கியமாக நமது பல்வேறுபட்ட, பல பெயர் களால் வழங்கப்பட்ட சங்கங்களை ஒன்றுபடுத்த வேண்டும். பலவிதக் கொள்கைகளையும் அபிப் பிராயங்களையும், ஒரே முகமாக மாற்றி, தேசத் திலுள்ள மக்களுக்கு உணவும், நிலமும் உலக சமாதானமும் அடைய வேண்டி அதற்கு வேண்டிய நடவடிக்கைகளைத்தேட வேண்டும். தற்காலத்திற்கு வேண்டியவை மக்களது உடலும் உயிரும் பொருந்தி வாழவேண்டியதே. இந்தத் தத்துவத்தை உணர்ந்தவர்கள் ஒருவரே. மற்ற எல்லாவிதக் கட்சியினரும் பயனற்ற வியர்த்தமான காரியங் களை மேல் போற்றிக் கொண்டு, அரசாங்கத்தில் நுழைகின்றவர்கள், ஜாதி, மதம், பொருள், செல்வம். செல்வாக்கு, சுகபோகம் இவைகளை நாடுகின்ற வர்களால் தற்கால அரசுகள் நடத்தப்பட்டு வருகின் றன. ஆனால் சோசியலிஷ்ட்களோவெனில் எது ஒழிந்தால் மக்கள் சுகப்படுவார்கள்? அவர்களைப் பிடித்தாட்டும் தீவினைகள் ஒழியும் என்ற மனப் பான்மை மேற்கொண்டவர்கள், இந்த மனப்பான் மையைப் பெருக்கவைப்பதுதான் நமது முக்கிய கடமை.

'புரட்சி' - தலையங்கம் - 22.4.1934

கோயில் விழாக்களுக்கான செலவைத் தடுத்து

2010-09-12T23:24:00.000-07:00

தந்தை பெரியார்

5.9.1970 முதல் 10.9.1970 வரை மதுரை மாவட்டத்தில் தந்தை பெரியார் ஆற்றிய சொற்பொழிவுத் தொகுப்பு

நம் இயக்க பிரசாரம் தான் மக்களை மாற்றமடையச் செய்து வருகிறது. மற்ற இயககங-களுக்கு எல்லாம் வேறு வேலை இருககிறது. தேர்தலில் ஈடு-படுவது, பதவிக்குச் செலவது என்பது இருககிறது. நம் இயக்கம் ஒன்று-தான் தேர்த-லுக்கு நிற்காமல் பிரசாரத்தை மட்டும் அடிப்படையாகக் கொண்டு பிரசாரம் செய்கிறது. இந்நாட்டிலுள்ள பெருமபாலான மக்களின் நம்பிககைக்கு, நடப்பிற்கு விரோத-மான கருத்துகளை எடுத்துச் சொல்லிவரு-வது நம் இயக்கம் ஒன்று தானாகும். இத-னால் எந்தச் சிறு பலனும் நாம் அடைவது கிடையாது.

1925-இல் சுயமரியாதை இயக்கம் ஆரமபிக்கப்பட்டது. அன்று நம் கொள்கை எதுவோ அது தான் இனறைக்கும் நம் கொள்கை-யாகும். இடை-யில் நம் மக்களின் நலனை முனனிடடுக் காமராஜரை ஆதரிக்க நேர்ந்த போது, சமுதாயக் கொள்கைகள் தீவிர-மாக பிரச்சாரம் செய்யாமல் இருக்க வேணடியதா-யிற்று. தற்போது நம் கொள்கை உள்ளவர்கள் ஆட்சிக்கு வந்திருப்பதால் சமுதாயக் கொளகை-களைத் தீவிரமாகப் பிரசாரம் செய்து வருகின்றோம். இந்தியாவி-லேயே சமுதாயததிற்காக இருக்கிற இயக்கம் திராவிடர் கழகம் ஒன்றுதான் ஆகும். அது அரசியலில் ஈடுபடு-வது கிடையாது- பதவியை இலடசியம் செய்வது கிடையாது.

திராவிடர் கழகத்திற்குக் கடவுள், மதம், சாஸ்திரம், தேசம், மொழி இவறறில் பற்று கிடை-யாது. மனித சமுதாயப் பற்று ஒன்று தான் உண்டு. தேசப்பற்று, மதப்பற்று, மொழிபபற்று, கடவுள் பற்று என்பது எல்லாம் வாய்பபால் ஏறபடு-வதே ஒழிய, இயற்கையானதல்ல. இதெலலாம் காலப் போக்கில் சுய-நலககாரர்களின் பிரசாரத்தால் ஏறபட்டதேயாகும்.

என்னைப் பொருத்தவரை இநநாட்டை இநநாட்டுககாரன் ஆள வேண்டும் என்கிற கடடாயம் கிடையாது. எந்த நாட்டுக்காரனாக இருநதாலும், நம்மை மனிதனாக மதித்து நடத்தக் கூடியவனாக இருந்தால் அவனை நான் வரவேற்பேன்.

நாம் மனிதர்களாக வாழவது பெரிதா? நம் மதம், நம் மொழி, நம் நாடு, நம் கட-வுள் என்று சூத்திரர்களாக, இழி-மக்களாக அறிவற்றவனாக இருப்பது பெரிதா? நம்மை நாய்க்கன், மராட்டி-யன், சேரன், சோழன், வெங்காயம் எல்லாம் ஆண்டி-ருக்கின்றான். அதன் பயன் என்ன? நாம் சூத்திரரகளாகத் தானே இருக்கினறோம்?

நம் இழிவை நீக்குகிறவன் எவன் ஆட்சி செய்தாலும் அவனை வர-வேறபேன். நம் மக்களுக்கு அறிவை கொடுககக்கூடிய மொழி எதுவாக இருந்தாலும் அந்த மொழியை வரவேற்பேன். பொது-வாக நம் மக்களுக்கு நமக்கு என்ன தேவையோ, அதை எது கொடுககிறதோ அதை ஏற்றுக் கொள்ள வேண்டும் என்பதே என் கருத்தாகும்.

இப்போது இந்தியா சுதநதிரம் அடைந்து- அது ஏற்படுததிக் கொண்ட அரசமைப்புச் சட்டத்தின் பெயரால் ஆட்சி நடைபெறுகிறது. இந்த அர-சமைபபுச் சட்டம் என்ன என்றால், மதம் பாது-காக்கபபட வேண்டும் அவனவன் நமபிக்கை பாதுகாக்கப்பட வேண்டும் எனபதாகும். இந்தச் சட்டத்தைக் கொண்டு நம் இழிவைப் போக்கிக் கொள்ள முடி-யாது. இந்த சட்டத்தை மதிக்காத வேறு எவ-னாவது வந்தால்தான் இந்த இழிவு ஒழிக்கப்பட முடியும். அடுத்து நம் மககளின் இழி-விற்குக் காரணமாக இருப்பது, அவரகள் நம்பி வணங்குகின்ற கட-வுளே ஆகும். அறிவோடு பார்ததால் எந்த மனி-த-னுமே கட-வுளை நம்புவது கிடையாது. பட்டை அடித்துக் கொள்ப-வன், நாமம் போட்டுக் கொளகிறவன் எல்லாம், தம் மடத-தனத்தால் போட்டுக் கொளகின்ற-வனே தவிர பக்திக்காகப் போட்டு கொள்வது கிடை-யாது.

இந்த நாட்டு மக்களின் இழிவினைப் போக்க வேண்டு-மானால் அது நம் இயக்கம் ஒன்றினால் தான் ஆகும். நம் மக்களின் இழிவை நிலை நிறுத்து-வதறகுக் கடவுள், மதம், சாதி, சமீப காலம் வரை இருந்த ஆட்சி, அரசியல் கட்சி-கள் யாவும் பாதுகாப்பாக இருககின்றன. நம் இயக்கம் ஒன்று தான் இவை யாவும் ஒழிக்கப்பட்டு நம் சமுதாய இழிவு நீக்கத்திற்காகப் பாடு-பட்டு வருகிறது. நம் நாட்டில் தோன்றிய சமுதாய சீர்திருத்த-வாதிகள் எனபோர்கள் அனை-வரும் கட-வுள், மதம், சாதி, பழைமை காப்பாற்றபபட வேண்டும்,- அதில் கைவைக்கக் கூடாது என்று சொல்லி அவற்றைக் காப்பாற்று-வதை சீர்திருத்தமாகக் கொண்டிருந்த-வர்களே ஆவார்கள்.

இந்தக் காந்தி, மகாத்மா என்று பார்ப்பானால் பட்டம் சூட்டப்பட்டவர். அவரை அறியாத பாமரப் பொது மக்கள் இவரை பெரிய மகாத்மா என்று சொலவாரகள். எங்களைப் பொருத்த-வரை அவர் சாதாரண மனிதர் தான். அவர் பெயரைச் சொல்லி ஓட்டிற்கும், பத-விக்கும் நிற்பவர்கள்தான் அவரைப் பெரிய மனிதராக்கிக் காட்டுகிறார்கள். மக்களி-டையே அவருக்குச் செலவாக்கு இருப்பதால், இன்றைய ஆட்சியாளரும் அவர் பெய-ரைச் சொல்லிக் கொண்டு அதன் மூலம் பலன் பெறப் பார்ககினறனர். இந்தக் காந்தி வருணாசிரமம்,- சாதி காப்பாறறப்படவேண்டும் என்று சொல்லி அதற்காகத் தொணடாற்றி வந்தவரே ஆவார். தாழ்த்தப்பட்ட ஆதிதிராவிடர் மக்களுக்குத் தனி கோயில், தனிப் பள்ளிக் கூடம், தனிக் கிணறு ஏற்பாடு செய்து கொடுக்கவேணடும் என்று சொனனவர்தான். அதன்படி நடந்து கொணடவர்தான். மக்கள் சமத்துவமாக வாழ வேண்டும் என்கின்ற எண்ணம் இல்லாதவர் ஆவார்.

காங்கிரசில் சாதி முறை காப்பாறறப்பட-வேண்டும். சாதி முறைப்படி நடந்து-கொள்ள வேண்டும் என்று சொன்னதாலேயே நான் அதை விட்டு வெளியேறினேன். நமககிருக்கிற சூத்திரத் தன்மையைப் பற்றி, இழிசாதி- ஈனசாதித் தன்மையைப் பற்றி யாருமே கவ-லைப்படவில்லை. நம் பண்டார சன்னதிகள் முதற்கொண்டு இதை ஏற்றுக்கொண்டு இருபபவர்களே ஆவார்கள். இந்த இழிநிலைக்கு 4-ஆம் சாதித் தன்மைக்கு அடிபபடையாக இருப்பது கடவுள் ஆனதால், அதை ஒழிக்க-வேண்டும் என்று நாங்கள் பாடுபட்டு வருகினறோம். சுயமரியாதை இயக்கம் ஒன்று தான் இதற்காகத் தொணடாற்றி வருகிறது. தி.மு.கழ-கத்தின் கொள்கையும் இது தானாகும். அர-சியலில் ஈடு-பட்டிருப்பதால் வெளியில் சொலலாமல் மறைத்துக் கொண்டிருககின்றனர்.

இந்தக் கோயில்களை எலலாம் இடித்துத் தரைமட்டம் ஆக்க வேணடும், அதில் உள்ள குழவிக் கற்களை எல்லாம் உடைத்து ரோட்டிற்கு ஜல்லி-யாகப் போட வேண்டும். பார்ப்பானை எல்லாம் இந்த நாட்டை விட்டு விரட்ட வேண்டும். அல்லது அவன் நமமோடு சேர்ந்து மணவெட்ட, மூட்டை சுமக்க, ஏர் உழ வரவேண்டும். அரசாங்கம் நாம் சொல்கிறபடி நடக்கககூடியதாக இருக்க-வேண்டும். கோயில்களை இடிக்க, சிலை-களை உடைக்க, கோயில் கட்டு-வதைத் தடுக்க அரசாங்கம் ஆதரவு கொடுப்பதாக இருக்கவேணடும். தேர்த திருவிழா- உறசவங்களை எல்லாம் தடை செய்யக் கூடிய-தாக இருக்க வேண்டும். இந்தக் கோயிலகளுக்கு உற்சவங்களுக்கு, திரு-விழாக்களுக்கு செலவழிக்கிற பணததைக் கொண்டு மககளுக்கு விஞ்ஞான, அதிசய- அற்புதங்களைக் கண்டுபிடிககச் செலவிட வேண்டும். அபபடிச் செய்தால் நாம் மற்ற மேல் நாட்டுககாரனைவிட, சிறந்த விஞஞானச் சாதனஙகளைச் செய்ய முடியும். இபபோது நாம் மேல் நாட்டுககாரன் கண்டு பிடித்த சாதனஙகளைக் கொண்டு வாழ்ந்து வருகின்றோம்.

விடுதலை- 3.9.1970

பெரியார் பிஞ்சு பழகு முகாம்

2010-09-12T23:09:00.000-07:00

விநாயகனை கைது செய்து

2010-09-12T23:06:00.000-07:00

கோவை, செப்.12- மூலக்கடவுளாம், முழு முதற்கடவுளாம், எதையும் விக்னம் இல் லாமல் நிறைவேற்றுப வன் எனக் கூறப்படும். விநாயகன் கடவுள் - சிவ பெருமானின் மூத்த மகன் என்று ஆத்திகர் களால் அழைக்கப்படும் விநாயக கடவுளை கோவை செல்வபுரம் கல்லாமேடு பகுதி காவல்துறையினர் கைது செய்து சிறை வைத்தனர்.

விநாயகனை கூண் டோடு தூக்கும் பொழுது தடுத்த ஆண், பெண், குழந்தைகள் உள்பட 146 பேரையும் காவல் துறை யினர் கைது செய்தனர். இதுபற்றிய செய்தி வரு மாறு:

கோவை செல்வபுரம் கல்லாமேடு பண்ணாரி மாரியம்மன் கோவில் பகுதியில், இந்து முன் னணி சார்பில், விநாயகர் சதுர்த்தி விழா நடத்த ஏற்பாடு செய்யப்பட் டது. மூன்றரை அடி உயர விநாயகர் பொம்மையை நேற்று முன்தினம் வைத் தனர். சதுர்த்தி விழாவை யொட்டி, 20 ஆண்டு களாக அந்த இடத்தில் இந்து முன்னணியினர் விநாயகர் சிலை வைப் பது வழக்கமாம். கடந்த ஆண்டு இந்து முன்ன ணியைச் சேர்ந்த ஒருவர் இறந்ததால், சிலை வைக்கவில்லையாம்.

இந்த ஆண்டு வழக் கம் போல் சிலை வைப்பதற்கு காவல்துறை யினரிடம் இந்து முன்ன ணியினர் அனுமதி கோரினர். சிலை வைக்கக் கூடாது காவல்துறை எதிர்ப்பு

வேண்டுகோளை நிராகரித்த காவல்துறை யினர் , பிள்ளையார் பொம்மையை வைக்கக் கூடாது என தடை விதித்தனர். இதை ஏற்றுக் கொள்ளாத இந்து முன்னணியினர், பொறுப்பாளர் குணசே கரன் தலைமையில் மூன்றரை அடி விநாயகர் பொம்மையை நேற்று முன்தினம் இரவு அங்கே வைத்தனர். தகவலறிந்த காவல்துறை துணை ஆணையர் நாகராஜன், உதவி ஆணையாளர்கள் குமாரசாமி, பாலாஜி சரவணன் ஆகியோர், "சிலை வைக்கக்கூடாது' என எதிர்ப்பு தெரிவித் தனர். காவல்துறையினரிடம், முறையாக அனுமதி பெறாமல் விநாயகர் சிலையை வைக்கக் கூடாது எனக் கூறி, அப்புறப்படுத்த முயன்ற னர். இதை கவனித்த பெண்கள், விநாயகரை சுற்றிவளைத்து அப்புறப் படுத்தவிடாமல் தடுத் தனர்.

இதையடுத்து, காவல் துறையினரால் அங் கிருந்த இந்து முன்னணி தொண்டர்களை கைது செய்து வேனில் ஏற்றி னர். விநாயகரை சுற்றி வளைத்து நின்ற பெண் களை தவிர்த்து, விநாய கர் சிலையை காவல் துறையினரால் கைப் பற்ற முடியவில்லை. விநாயகன் கைது!

அதனால், கடவுள் விநாயகனையும், பெண் களையும் சேர்த்து கைது செய்து காவல்துறை யினர் வேனில் ஏற்றினர். ஆண்கள், பெண்கள், சிறுவர்கள் என்று மொத்தம் 146 பேரை காவல்துறையினர் கைது செய்தனர். கைது செய்தவர்களை பாது காப்பாக வைக்க கோவை நகரிலுள்ள பல திருமண மண்டபங் களை காவல்துறையினர் தேடி அலைந்தனர். விசேச நிகழ்ச்சிகள் நடந்து கொண்டிருந்த தால் காலியாக எதுவும் இல்லை. கோவை அண் ணாமலை ஓட்டல் பகுதியில் வாகனத்தை நிறுத்தி கைது செய்தவர் களை இறங்க அறிவுறுத் தினர். ஒருவரும் இறங்கா மல் போராட்டத்தில் ஈடுபட்டனர். இதனால், ஸ்டேட் பாங்க் சாலையில் கடும் போக்குவரத்து நெரிசல் ஏற்பட்டது.

காவல்துறையினர், கைது செய்தவர்களை காவல் பயிற்சி பள்ளி மைதானத்திற்கு கொண்டு சென்றனர். அங்கு கைது செய்யப்பட்டவர்களை இறக்கி விட்டனர். விநாயகனையும் இறக்கி வைத்தனர். இதை யடுத்து, கைது செய்யப் பட்டவர்களுக்கு மதிய உணவு காவல்துறையின ரால் வழங்கப்பட்டது. வாங்க மறுத்து அனை வரும் பட்டினிப் போராட் டத்தில் ஈடுபட்டனராம்.

நேற்று காலை நைட்டி அணிந்த நிலையில் கைது செய் யப்பட்ட பெண்கள் பலர் உணவருந்தாமல் காவல் பயிற்சி மைதானத் திலேயே வைக்கப்பட் டனர். இதனிடையே இந்து முன்னணி நிரு வாகிகள் மற்றும் காவல் துறையினருக்குமிடையே சிலை வைப்பது தொடர் பாக பேச்சு வார்த்தை நடந்ததாம். இதில் எந்த முன்னேற்றமும் நேற்று மாலை வரை ஏற்பட வில்லையாம்.
நன்றி- விடுதலை

தந்தை பெரியார் 132 வது பிறந்த நாள் விழா

2010-09-12T23:02:00.000-07:00

தமிழ் இனி தலைநிமிரும்!

2010-09-09T07:27:00.000-07:00

ஒரு மிகப்பெரிய சரித்திர நிகழ்வு நடந்தேறியிருக்கிறது. ஆனால், நாம் அதன் முக்கியத்துவத்தையும், இதனால் தமிழுக்கு ஏற்படவிருக்கும் வளர்ச்சியையும் உணராமல் இருக்கிறோம். தமிழ்வழிக் கல்வி பயின்றவர்களுக்கு அரசு வேலைவாய்ப்பில் 20 விழுக்காடு ஒதுக்கீடு என்பது என்ன சாதாரண விஷயமா?

முன் எப்போதும் இல்லாத பேரழிவைத் தமிழ்மொழி சமீபகாலமாகச் சந்தித்துக் கொண்டிருக்கிறது. வேறு எந்த மொழியினரும் காட்டாத பிறமொழி மோகத்தைத் தமிழன் ஆங்கிலத்திடம் காட்ட முற்பட்டிருக்கும் காலகட்டம் இது. தமிழில் படிப்பது இருக்கட்டும், தமிழில் பேசுவதேகூட கௌரவத்துக்கு இழுக்கு என்று இன்றைய இளைஞர்கள் மத்தியில் ஒரு தவறான கருத்து வேரூன்றிவிட்டிருக்கும் அவலம். பெற்றோர்கள் தங்கள் குழந்தைகள் வீட்டிலும்கூட ஆங்கிலம் பேசினால்தான் பெருமை என்று கருதிப் புளகாங்கிதப்படும் நிலைமை. இப்படி ஒரு சூழலில், தமிழக அரசு கொண்டுவந்திருக்கும் அவசரச் சட்டம், இருட்டுக் குகையில் வெளியில் செல்ல வழி தெரியாமல் திணறுபவனுக்கு எங்கோ ஒரு ஒளிக்கீற்று திடீரெனத் தெரியவந்தாற்போன்ற பேருவகையை, நம்பிக்கையை ஏற்படுத்தி இருக்கிறது.

இந்தியாவிலுள்ள வேறு எந்த மாநிலத்தவரும் மொழியினரும், ஆங்கிலம், இந்தி என்று எத்தனை மொழிகள் தெரிந்திருந்தாலும், தங்களுக்குள் தங்கள் வீட்டில், நண்பர்களுடன் பேசும்போது தாய்மொழியில் மட்டுமே பேசுவதை வழக்கமாகக் கொண்டிருக்கிறார்கள். ஆனால், தமிழன் மட்டும்தான் தமிழ் தெரியாது என்று பெருமிதத்துடன் கூறிக்கொள்ளும் ஒரு இனத்தவனாகக் காணப்படுகிறான். பலர் தங்கள் குழந்தைகள் தமிழ் தெரியாமல் வளர்வது தவறில்லை என்று கூடக் கருதுகிறார்கள்.

இதற்கு முன்பே தலையங்கத்தில் நாம் குறிப்பிட்டிருக்கும் விஷயம்தான் என்றாலும் அதை மீண்டும் கூறுவதில் தவறில்லை. ஐம்பதுகளிலும் அறுபதுகளிலும் தங்கள் குழந்தைகளுக்கு, அதுவரை தங்கள் தாய் தகப்பன் பெயரைச் சூட்டி மகிழ்ந்தது போய், நல்ல தமிழில் பெயர்களைச் சூட்டவேண்டும் என்கிற தமிழ் உணர்வு மேலெழுந்தது. தமிழ்ச்செல்வன், கயல்விழி, தென்னவன், நெடுஞ்செழியன் என்றெல்லாம் பெயர் சூட்டப்பட்ட குழந்தைகள் படித்து வளர்ந்து திருமணம் செய்து கொண்டபோது, எண்பதுகளிலும் தொண்ணூறுகளிலும் தங்களது குழந்தைகளுக்கு வைத்த பெயர்கள், எந்தவித அர்த்தமும் இல்லாத சினிமா நடிக, நடிகைகளின் பெயரும், ரமேஷ், சுரேஷ், ராஜேஷ் போன்ற வடமொழிப் பெயர்களும். இப்போது அதுவும்போய் சன்னி, புன்னி என்று அர்த்தமில்லாமல் பெயர் சூட்டும் அவலநிலை ஏற்பட்டு விட்டிருக்கிறது.

தமிழகத்தில் மட்டும்தான், தாய்மொழியில் படிக்காமல் தமிழே தெரியாமல் ஒரு குழந்தை படித்து முனைவர் பட்டம் வரை பெற முடியும் என்கிற நிலைமை தொடர்கிறது. தற்போதைய அரசு ஆட்சிப் பொறுப்பேற்றவுடன் செய்த ஒரு மகத்தான முடிவு, தமிழைக் கட்டாயப் பாடமாக அறிவித்தது. அத்துடன் நின்றுவிடாமல் இப்போது அரசு வேலைவாய்ப்பிலும் தமிழ்ப் பாடமொழியில் படித்தவர்களுக்கும் முன்னுரிமை வழங்குவது என்று பிறப்பித்திருக்கும் அவசரச் சட்டம், தமிழன்னைக்குச் செய்திருக்கும் அளப்பரிய திருத்தொண்டு.

நமக்குத் தெரிந்து தொல்காப்பியர் காலத்திலிருந்தோ, அதற்கு முன்போ கூட வடமொழி இருந்திருக்கிறது. வடமொழியால் சங்க இலக்கியங்கள் தடைபடவில்லை. தமிழின் வளர்ச்சியை வடமொழி தடுக்கவில்லை. சொல்லப் போனால், தமிழ்தான் சம்ஸ்கிருதத்துக்கே தந்தை மொழியாக இருந்திருக்கக்கூடும் என்பதற்குப் பல சான்றுகளை முன்வைக்க முடியும். வடமொழிக்குப் பிறகு ஒன்பதாம் நூற்றாண்டில், இஸ்லாமியப் படையெடுப்பைத் தொடர்ந்து உருது தமிழகத்துக்கு வந்தது. உருது தமிழுக்கு வளம் சேர்த்ததே அன்றி, தமிழ் வளர்ச்சியைத் தடை செய்துவிடவில்லை. அதேபோல, விஜயநகர சாம்ராஜ்யப் படையெடுப்பால் வந்த தெலுங்கும், மராட்டியப் படையெடுப்பால் வந்த மராட்டியும் தமிழின் வளர்ச்சிக்குத் தடையாக இருக்கவில்லை. இந்த மொழிகளால் எல்லாம் தமிழை வழக்கொழிந்து போக வைக்க முடியவில்லை.

ஆனால் ஆங்கிலேயர்கள் நுழைந்து வெறும் நானூறு ஆண்டுகள் கூட ஆகவில்லை. நாம் தமிழைத் தமிழனிடம் தேடவேண்டிய அவலநிலை அரங்கேறி விட்டிருக்கிறது. இதற்குக் காரணம், வடமொழியோ, உருதோ, தெலுங்கோ, மராட்டியோ ஆட்சி மொழிகளாக இங்கே கோலோச்சவில்லை. ஆங்கிலேயர்கள் வந்தவுடன், ஆங்கிலம் படித்தவர்களுக்குத்தான் அரசு வேலைவாய்ப்பு என்று ஆகிவிட்டபோது, தமிழ் தமிழனின் மனதிலிருந்து தடம்புரளத் தொடங்கிவிட்டது. மொழிப்பற்றை அவனது வயிற்றுப் பசி விழுங்கி ஏப்பம் விட்டுவிட்டது.

இந்தியா சுதந்திரம் அடைந்தவுடன், அமைந்த மாநிலங்களில் மாநில மொழிகள் ஆட்சி மொழியாக்கப்பட்டிருக்கவேண்டும். ஆங்கிலமும், இந்தியும் தொடர்பு மொழிகளாக உயர்மட்ட அளவிலும், மாநில மொழிகள் அன்றாட அலுவல் மொழியாகவும், மாநில மொழி படித்தவர்களுக்கு மட்டுமே வேலைவாய்ப்பு என்றும் அரசு முடிவெடுத்திருந்தால், இந்த அளவுக்கு ஆங்கில மோகம் வளர்ந்திருக்காது. தமிழும் இத்தகைய பின்னடைவைச் சந்தித்திருக்காது.

தமிழ்ச் செம்மொழி மாநாட்டில் அறிவித்தபடி, இப்போது முதல்வர் கருணாநிதி சொன்னதைச் செய்து காட்டிவிட்டார். ஏன் 20 விழுக்காடு மட்டும் ஒதுக்கீடு? தமிழ் மொழியைப் படித்தவர்களுக்கு மட்டுமே வேலை என்று சட்டம் இயற்றக்கூடாதா என்று சிலர் விதண்டாவாதம் பேசக்கூடும். அப்படிச் செய்திருந்தால், ஆந்திரத்தில் ஏற்பட்டதுபோல, பிரச்னை உச்ச நீதிமன்றம் வரை சென்று, சட்டம் ரத்தாகி இருக்கும். "முதலில் 20 விழுக்காடு ஒதுக்கீடு சட்டமாகட்டும், பிறகு படிப்படியாக உயர்த்திக் கொள்ளலாம்' என்கிற முதல்வரின் சாதுர்யமான முடிவு அவரது நீண்ட அரசியல் அனுபவத்தையும், நிர்வாகத் திறமையையும் வெளிச்சம் போடுகிறது.

ராஜாஜியின் சாதனை என்று நினைவுகூற மதுவிலக்கு; காமராஜின் சாதனை என்று சரித்திரம் பதிவு செய்வது இலவசக் கல்வித் திட்டம்; அண்ணாவின் பங்களிப்பு என்பது தமிழ்நாடு என்கிற பெயர்மாற்றம்; எம்.ஜி.ஆரை நினைவில் நிறுத்துவது சத்துணவு. முதல்வர் கருணாநிதியைப் பற்றி வருங்காலம் பதிவு செய்யப் போவது, தமிழ் வழிக் கல்விக்கு அரசு வேலைவாய்ப்பில் முன்னுரிமை அளித்தவர் என்பதாகத்தான் இருக்கும்.

அதற்காக, தமிழகம் இந்தச் சட்டத்தைக் கரவொலி எழுப்பி வரவேற்க வேண்டும். இப்படி ஒரு சட்டத்தைப் பிறப்பித்து தமிழுக்கு மறுவாழ்வளித்த தமிழக முதல்வருக்கு ஒவ்வொரு தமிழனும் தலைவணங்கி நன்றி செலுத்தவேண்டும்!

இந்த ஒரு சட்டத்தின் விளைவாகத் தமிழ் மீண்டும் தலைநிமிரும்!

நன்றி- தினமணி (09-09-10)

மகிழ்ச்சி தரும் தகவல்!

2010-09-09T07:21:00.000-07:00

ஜாதிவாரி கணக்கெடுப்பு
மத்திய அமைச்சரவை ஒப்புதல்

புதுடில்லி, செப். 9- ஜாதி வாரி கணக்கெடுப்புப் பற்றி முடிவெடுக்க இன்று மத்திய அமைச்சரவை கூடியது.

இக்கூட்டத்தில், ஜாதிவாரி கணக்கெடுப்பை நடத்துவது என்று மத்திய அமைச்சரவைக் கூட்டத்தில் முடிவெடுக்கப்பட்டது. அடுத்த ஆண்டு தனியாக ஜூன் - செப்டம்பர் மாதங்களுக்குள் ஜாதி வாரி கணக்கெடுப்பு நடத்தப்படும் என்றும் அமைச்சரவைக் கூட்டத்தில் முடிவெடுக்கப்பட்டது. இது தாழ்த்தப்பட்ட, பிற்படுத்தப்பட்ட மிகவும் பிற்படுத்தப்பட்ட மக்களுக்கு மகிழ்ச்சி தரும் செய்தியாகும்.

--------------------------------------------------------------------------------

விநாயகர் சதுர்த்தியா?

2010-09-08T09:56:00.000-07:00

வரும் 11 ஆம் தேதி சனியன்று விநாயகர் சதுர்த்தியாம். இந்து மதத்தின் யோக்கியதையைத் தெரிந்துகொள்ள வேண்டுமானால் அதன் கடவுள்களின் பிறப்பு, வளர்ப்பு, செயல்பாடுகளை ஒரு பார்வை பார்த்தாலே போதும்.

இவற்றைவிட அருவருப்பு ஆபாசம், படு முட்டாள் தனம் வேறு எதுவும் இருக்க முடியாது - கேள்விப் படவும் முடியாது. கற்பனைக்கு எட்டாத அளவுக்கு ஆபாசத்தின் ஊற்றுகள் இவை.

பிள்ளையார் என்ற விநாயகன் பிறப்புப்பற்றி ஒரு கதையா? இரு கதைகளா? உண்மையாக இருக்கும் எதற்கும் எப்படி பல பிறப்புகள் இருக்க முடியும்?

பிறப்பு என்பது எப்படி ஒருவருக்குப் பலவகையாக இருக்க முடியும்? பார்வதிதேவியின் அழுக்கிலிருந்து பிறந்தார் பிள்ளையார் என்று சொன்னால், அது அரு வருப்பாக இருந்தாலும், அறிவுக்குப் பொருத்தமற்றதாக இருந்தாலும், பிறப்பு என்பதால் அது ஒன்றோடு ஒன்றாக மட்டுமே நிறுத்தப்பட்டு இருக்கவேண்டும்; நந்தவனத்துக்குச் சென்றபோது, அங்கு ஓர் ஆண் யானையும், பெண் யானையும் கலவி செய்ததைப் பார்த்த பார்வதிக்கும், பரமசிவனுக்கும் காமவெறி எடுத்து, பரமசிவன் ஆண் யானையாகவும், பார்வதி பெண் யானையாகவும் உருமாறிப் புணர்ந்து பெற்ற பிள்ளைதான் பிள்ளையார் என்பது இன்னொரு பிறப்புக் கதை.

இன்னொரு பக்கத்தில் என்ன சொல்லுகிறார்கள்? கடவுள் பிறப்பு - இறப்பு அற்றவர் - உருவம் அற்றவர் என்று கதைக்கின்றனர். அப்படி சொல்லுபவர்களே இப்படி கடவுள் பிறப்புக் கதைகளை ஆபாசமாகத் தீட்டி வைத்துள்ளனர். அவற்றுக்குத் தடபுடலாக விழாவும் கொண்டாடுகின்றனர்.

இந்தப் பிள்ளையார் பிரம்மச்சாரி என்பது ஒரு புராணம் - இல்லை, இல்லை; சத்தி, முத்தி என்று இரண்டு மனைவிகள் உண்டு என்பது இன்னொரு புராணம்.

தாயைப்போலவே தனக்குப் பெண்டாட்டி வேண்டும் என்று கேட்டதாக இன்னொரு புராணம்.

வரலாற்றுப் பின்னணியில் பார்க்கும்போது, புத்தர் பிறந்த பிறகு எப்படி கிருஷ்ண அவதாரம் என்ற ஒன்றைக் கற்பித்து, புத்தர் போதித்த நெறிமுறைப் பண்புகளுக்கு மாறாக கிருஷ்ணன் என்ற காமக் கடவுளைக் கற்பித்து மக்களைப் பாலியல் உணர்ச்சிப் பக்கம் தள்ளி, இந்து மதத்திற்கு உயிர்ப் பிச்சை கொடுத்தார்களோ, அதேபோல, புத்தர் விகாரங்களை உடைத்து, அந்த இடங்களில் எல்லாம் இந்த விநாயகனைக் கொண்டுவந்து வைத்துவிட்டனர். புத்தருக்கு விநாயகர் என்ற பெயருண்டு - விநாயகர் என்றால் தலைவன் என்று பொருள். இந்தப் பெயர் மோசடி, ஆள் மாறாட்டம் செய்து, புத்தர் சிலைகள் இருந்த இடங்களில் எல்லாம் இந்த விநாயகன் சிலைகளைக் கொண்டுபோய் வைத்துவிட்டனர். ஆய்வாளர் மயிலை சீனி. வேங்கடசாமி அவர்களால் அடுக்கடுக்கான ஆதாரங்களின் அடிப்படையில் எழுதப்பட்ட பவுத்தமும் தமிழும் என்னும் நூலைப் படித்தால் நன்கு அறியலாம்.

இந்த விநயாகன் தமிழ்நாட்டில் இறக்குமதி செய்யப்பட்ட ஒன்றுதான். சோழ நாட்டின் அமைச்சராக விருந்த சேக்கிழார் படையெடுத்துச் சென்று புலிகேசி யைத் தோற்கடித்து, வாதாபியை வெற்றிகொண்டு, அதன் அடையாளமாக அங்கு இருந்த பிள்ளையாரைக் கொண்டு வந்து திருச்செங்காட்டாங்குடியில் கோயில் எழுப்புவித்தான் என்று டாக்டர் இராசமாணிக்கனார் கூறுகிறார். திருஞானசம்பந்தனின் பாடல் வரிகளும் இதற்குச் சாட்சியம் கூறுகின்றன.

மகாராட்டிரத்தில் பாலகங்காதர திலகர் என்கிற சித்பவன் பார்ப்பனர்தான் இந்த விநாயகரைப் பெரும் அளவுக்குப் பிரச்சாரம் செய்து மக்கள் மத்தியில் பிடிப்பை ஏற்படுத்தியவர்.

தமிழ்நாட்டில், பிள்ளையார் ஊர்வலம் என்பதெல் லாம்கூட, அந்த ஆசாமி அம்மாநிலத்தில் நடத்தியதன் பிரதிபலிப்புதான். மகாராட்டிரத்தில் ஒருமுறை பிளேக் நோய் ஏற்பட்டபோது, அந்த நோய்க்குக் காரணம் எலிகள் என்பதால், எலிகளை ஒழிக்க வெள்ளைக்கார அரசு திட்டம் தீட்டிச் செயல்படுத்தியபோது, விநாயகன் வாகனமான எலியை மிலேச்சனான கிறிஸ்துவன் வெள்ளைக்காரன் கொல்லுவது இந்துக்களின் மனதைப் புண்படுத்துவதாகும் என்ற வெறிப் பிரச்சாரம் கிளப்பப்பட்டதால், இரு வெள்ளைக்கார அதிகாரிகள் சுட்டுக்கொல்லப்பட்டனர் என்பது எத்தகைய கொடுமை!

இதில் இன்னொன்றையும் கவனிக்கவேண்டும். கடவுள் வழிபாட்டில் சில நிலைப்பாடுகளைக் கூறி வைத்துள்ளனர்.

துவிஜர்களாகிய பார்ப்பனர்களுக்குத் தெய்வம் - கடவுள் என்பது அக்னி; முனிவர்களுக்குத் தெய்வம் என்பது இருதயத்தில், புத்தி குறைந்தவர்களுக்குத் தெய்வம் என்பது சிலையில். சம பார்வை உடையவர்களுக்குத் தெய்வம் என்பது எங்கும் - என்று உத்தர கீதை கூறுகிறது.

இதன்படி பார்த்தால் பிள்ளையார் சதுர்த்தி கொண் டாடி பிள்ளையார் சிலையைக் கும்பிடுபவர்கள் யார் என்றால்- புத்தி குறைந்தவர்கள் என்று பெறப் படுகிறது.

பிள்ளையார் சிலையை மட்டுமல்ல; கோயில் களுக்குச் சென்று சாமி சிலைகளைக் கும்பிடுவோர் அனைவருமே புத்தி குறைவானவர்கள் என்பதை ஒப்புக்கொள்ளவேண்டும்.

விநாயகர் சதுர்த்தி கொண்டாடும் பக்தர்களே, சிந்திப்பீர்!
www.viduthalai.com

பூணூல் கொழுப்பு!

2010-08-24T08:37:00.000-07:00

ஜாதிவாரிக் கணக்கெடுப்பு குறித்து நேற்றைய தினமணியில் (23.8.2010) அன்புள்ள ஆசிரியருக்கு பகுதியில் இது தேவையா? எனும் தலைப்பில் கீழ்க் கண்ட பெட்டிச் செய்தி ஒன்று இடம் பெற்றுள்ளது.

ஜாதிவாரிக் கணக்கெடுப்பால் என்ன ஆகப் போகிறது? அமைச்சரவை (பிரதமர் தலைமையில்) ஜாதி வாரிக் கணக் கெடுப்புக்கு ஒப்புதல் தந்துள்ளதாக செய்தி வெளியாகியுள்ளது. சமீபத்தில் காடுகளில் புலிகள் எத்தனை? சிங்கங்கள் எத்தனை? யானைகள் எத்தனை? எனக் கணக்கிட்ட செய்தி வெளியாகியது. நல்லவேளை நரிகள் எத்தனை? நாய்கள் எத்தனை? பூனைகள் எத்தனை? என்ற கணகெடுப்பு ஒன்றுதான் நடக்கவில்லை!

அதிகமான ஜாதிகள் உள்ளவர்கள் விகிதாசாரப்படி, முன்னுரிமை கோரி நாங்கள்தான் ஜாதியில் அதிகமாக உள்ளோம் என போராட மைனாரிட்டி ஜாதிகள், அதெல்லாம் சரியல்ல. பன்றி பல குட்டிகள் போட்டு என்ன பிரயோஜனம்? நாங்கள் ஜாதியில் குறைந்தாலும் சிங்கம் என்பார்கள்.

ஆக, இப்படி போராட்டம் பெரிதாகி வெடிக்க அதில் பலர் சாக, அதற்கு ஆதரவாக இப்போது காஷ்மீரில் நடக்கும் அராஜகம் போல் அராஜகம் வெடிக்க வருங்கால இந்தியாவுக்கு இது தேவையா?

எவன் திறமை மிக்கவனோ - அவனே உயர்ந்த ஜாதி! எவன் தேசபக்தி மிக்கவனோ அவனே பெரிய சக்தி! இறைவா! இந்தத் தலைவர்களின் பொய் முகங்களை நீதான் உலகுக்கு உணர்த்த வேண்டும்!

இதனைப் படிக்கும்போது ஜாதிவாரிக் கணக்கெடுப்புக்கு எதிராக உள்ளவர்களின் மனப்பான்மை எந்த உஷ்ணத்தில் கொழுந்துவிட்டு எரிகிறது என்பதை எளிதில் உணரலாம்.

நல்லவேளை, நரிகள் எத்தனை? நாய்கள் எத்தனை? பூனைகள் எத்தனை? என்ற கணக்கெடுப்பு ஒன்றுதான் நடக்கவில்லை என்று தனது ஆத்திரத்தின் மூலம் அவரது கீழ்மையான குரைச்சல் இதில் வெளிப்படுத்தப்பட்டுள்ளது.

நாய்கள் கணக்கை- ஜாதிவாரிக் கணக்கெடுப்போடு ஒப்பிட்டு எழுதியிருப்பதைக் கவனித்தில் கொள்ள வேண்டும்.

மைனாரிட்டி ஜாதிகள் - பன்றி பல குட்டிகள் போட்டு என்ன பிரயோஜனம்? நாங்கள் ஜாதியில் குறைந்தாலும் சிங்கம் என்பார்கள்- என்பதன் மூலம் பெரும்பான்மை மக்கள் பன்றிக் குட்டிகளோடு ஒப்பிடப்பட்டுள்ளனர்.

அசல் ஆர்.எஸ்.எஸ். நெய்யில் பொரித்த பண்டமாக இருக்கக்கூடிய ஒருவர் ஆசிரியராக இருக்கும் இந்த ஏட்டில் இதைத்தான் எதிர்பார்க்க முடியும் என்று சமாதானம் அடைந்துவிட முடியாது. ஆட்டைக் கடித்து, மாட்டைக் கடித்து, மனிதனைக் கடித்த கதையாக தினமணி தனது தீய, ஆலகால நஞ்சினைக் கக்கிக் கொண்டு திரிகிறது.

தாழ்த்தப்பட்ட, பிற்படுத்தப்பட்ட, சிறுபான்மை மக்கள் வருண வெறி நாகங்களை அடையாளம் காணக் கடமைப் பட்டுள்ளனர்.

ஜாதியை ஒழித்துக் கட்டியே தீரவேண்டும் என்ற ஜாதி ஒழிப்பு ஆவேசத்தில் எழுதப்பட்ட கடிதமா இது? அல்ல, அல்ல. ஆவணி அவிட்டமாகிய இன்று பழைய அழுக்குப் பூணூலை அப்புறப்படுத்தி விட்டு, தடித்த புது முறுக்குடன் புதிய பூணூலைத் தரித்துப் பலமுறை இழுத்துவிட்டு அழகு பார்க்கும் கூட்டம்தான் இந்த வகையில் மூக்கணாங்கயிறு இல்லாத பொலி காளை போல துள்ளுகிறது.

ஜாதிவாரிக் கணக்கெடுப்பு நடந்தால் காஷ்மீரில் நடப்பது போல அராஜகம் வெடிக்க ஆரம்பிக்குமாம். இந்தியாவுக்கு இது தேவையா என்று மூக்கை ரத்தம் கசியக் கசிய சிந்துகிறது.

உரிமை பாதிக்கப்பட்ட மக்கள், அந்த உரிமை எந்த வகையிலாக இருந்தாலும் அதற்காகப் போர்க் கோலம் பூணத்தான் செய்வார்கள்.

தாழ்த்தப்பட்ட, பிற்படுத்தப்பட்ட மற்றும் சிறுபான்மை மக்களுக்கான உரிமைகளைப் புரிந்துகொண்டு அதற்கான வாய்ப்புகளை சட்ட ரீதியாக அளிக்கத் தவறினால், அந்த மக்களின் குமுறல் எரிமலையாகி ஒரு நாள் வெடிக்க ஆரம்பித்தால், ஆதிக்கவாதிகளின் கதி என்னவாகும் என்பதைப் புரிந்து கொள்ள வேண்டும்.

உலகம் முழுமையும் உரிமையின் கூர் வாட்கள் கடந்த காலத்திலும் சரி, நிகழ் காலத்திலும் சரி, ஆதிக்க வாதிகளை எப்படியெல்லாம் சிதைத்துள்ளன என்ற வரலாறு தரும் பாடத்தைப் படித்துக் கொள்ளவில்லையானால், புத்திசாலித் தனமாக அதன் வீரிய வீச்சைப் புரிந்துகொண்டு செயல்பட முன்வரவில்லையானால் வட்டியும் முதலுமாக - அதற்கு எதிர்ப்பாக இருப்பவர்கள் அனுபவித்தே தீர வேண்டும் என்று எச்சரிப்பது நமது கடமையாகும்.

இட ஒதுக்கீடு வந்தால் தகுதி, திறமை தற்கொலை செய்துகொண்டுவிடும் என்று கூறிப் பார்த்தனர்; அது எடுபடவில்லை; இட ஒதுக்கீடு அடிப்படையில் படித்துத் தேர்ந்தோர் தங்களின் திறமைகளைச் சாதனைகள் மூலமாகப் பட்டொளி வீசிப் பறக்கிறார்கள்.

கடைசியில் தங்களுக்கும் இத்தனை விழுக்காடு இட ஒதுக்கீடு தேவை என்ற மனு போடும் நிலைக்கு வந்தார்கள் இட ஒதுக்கீடு எதிர்ப்பாளர்கள் என்பதை மறந்துவிட்டு, தினமணி தன் ஆவணி அவிட்டப் புத்தியைக் காட்டலாமா?

எவன் திறமை மிக்கவனோ, அவனே உயர்ந்தவன் - எவன் தேசபக்தி மிக்கவனோ அவனே பெரிய சக்தி என்று மகரிஷி மாதிரி உபந்நியாசம் ஒரு பக்கத்தில்.

திறமைக்கும், தேச பக்திக்கும் அளவுகோல் என்ன? மனப்பாடம் செய்து தாள்களில் வாந்தி எடுத்துப் பெறும் மதிப்பெண்கள்தானா? வகுப்பில் மக்குப் பையன் என்று கூறப்பட்ட தாமஸ் ஆல்வா எடிசன்தான் ஆயிரத்துக்கும் மேற்பட்ட புதியனவற்றைக் கண்டுபிடித்துத் தந்தவர் என்பதை யெல்லாம் தினமணிகள் வசதியாகச் சாமர்த்தியமாக மறந்து விடும்.

இறைவா! இந்தத் தலைவர்களின் பொய் முகங்களை நீதான் உலகுக்கு உணர்த்த வேண்டும் என்று இறுதியாக மங்கலம் பாடிக் கடிதம் முடிக்கப்பட்டுள்ளது.

இறைவனன்றிதான் ஒன்றும் அசையாதே. அப்படியானால் இப்பொழுது நடைபெற்று வரும் (ஜாதி வாரிக் கணக்கெடுப்பு உள்பட) அனைத்தும் அவனால்தான் நடைபெறகிறது என்று ஒப்புக்கொண்டு கிருஷ்ணா, ராமா என்று முணுமுணுத்து பஜனை செய்துகொண்டு கயிற்றுக் கட்டிலில் படித்துக் கிடக்க வேண்டியதுதானே! அதற்குப் பிறகு என்ன ஜாதி முறுக்கும் - பூணூல் கொழுப்பும்?
www.viduthalai.com

தந்தை பெரியார் பிறந்த நாள் விழா!

2010-08-22T22:38:00.000-07:00

> கழகத் தோழர் வீடு என்றால் கழகக் கொடி பறக்கவேண்டும்
> கழகத் தோழர் வீட்டில் விடுதலை கழக நூல்கள் கண்டிப்பாக இடம்பெறவேண்டும்
> தலைமைக் கழகம் முதல் கிளைக் கழகம் வரை வலைப்பின்னல் (நெட் வொர்க்) தேவை

தந்தை பெரியார் 132 ஆம் ஆண்டு பிறந்த நாள் விழாவினை
தமிழ்நாடே திகைக்கும் வகையில் கொண்டாடுவோம்!
திருச்சி கழகச் செயல் மறவர்கள் கூட்டத்தில் கழகத் தலைவர் ஆற்றிய வழிகாட்டும் எழுச்சியுரை

திருச்சி பெரியார் மாளிகையில் நடைபெற்ற, கழகச் செயல் மறவர்கள் கூட்டத்தில் தமிழர் தலைவர் அவர்களின் வழிகாட்டும் உரை (18.8.2010).

திருச்சி, ஆக. 19 திருச்சி பெரியார் மாளிகையில் திராவிடர் கழக மாநிலப் பொறுப்பாளர்கள், தலைமைச் செயற்குழு உறுப்பினர்கள், மாநில செயலாளர்கள், அமைப்பாளர்கள், மண்டல திராவிடர் கழகத் தலைவர்கள், மண்டல செயலாளர்கள், மாவட்டக் கழகத் தலைவர்கள், செயலாளர்களின் கலந்துறவாடல் கூட்டம் நேற்று (18.8.2010) மாலை 6 மணிக்கு நடைபெற்றது.

குமரிமுதல் திருத்தணிவரை உள்ள கழகப் பொறுப் பாளர்கள் திரண்டிருந்தனர். பாசறைக் கூட்டம் போல தோழர்கள் திரண்டிருந்தனர். கலந்துறவாடல் கூட்டத் திற்குத் தலைமை வகித்த திராவிடர் கழகத் தலைவர் கி. வீரமணி அவர்கள் தமது உரையில் சிறப்பாகக் குறிப் பிட்டதாவது:

புதிய பொறுப்பாளர்களுக்கு முதலாவதாக தமது பாராட்டுகளையும், வாழ்த்துகளையும் தெரிவித்துத் தமது உரையைத் தொடங்கினார்.

(1) கழகத் தோழர்களின் சந்திப்பும், கலந்துறவாடலும் அடிக்கடி நடைபெறவேண்டும். ஒரு கருப்புச் சட்டைக்காரர் இன்னொரு கருப்புச் சட்டைக்காரரிடம் பாசம், அன்பைச் செலுத்தவேண்டும் ஒற்றுமை உணர்வு மேலோங்கிக் காணப்படவேண்டும்.

(2) தந்தை பெரியார் இயக்கத்தை யாரை நம்பி நடத்தினார்? தொண்டர்களை நம்பித்தான் நடத்தினார். மிட்டா மிராசுகளை, பெரும் பணக்காரர்களை நம்பி இயக் கத்தை நடத்தவில்லை. அத்தகையவர்களை உபயோகப் படுத்தியிருப்பார் அவ்வளவுதான்.

ஜஸ்டீஸ் கட்சி பணக்காரக் கட்சிதான். ஆனால், அவர் களால் அந்தக் கட்சியை நடத்த முடியாத நிலையில், தந்தை பெரியார் அவர்களிடம்தான் அந்தக் கட்சியை ஒப் படைத்தனர்.

(3) முன்பு எந்தக் காலகட்டத்தையும் விட இயக்கம் சிறப்பாகச் செயல்பட்டுக் கொண்டிருக்கிறது. எடுத்துக் காட்டாக இம்மாதம் 8 ஆம் தேதி வாலாஜாவில் நடைபெற்ற மண்டல மாநாடு இளைஞர்களின் பாசறையாகக் காட்சி அளித்தது. இரண்டு நாள் பயிற்சி முகாமும் நடத்தப் பட்டது. மாநாட்டையொட்டி நடத்தப்பட்ட மூட நம்பிக்கை எதிர்ப்புப் பேரணி அப்பகுதி மக்களிடம் பெரும் எழுச்சியை ஏற்படுத்தியது என்பதில் அய்யமில்லை.

மிகச் சிறப்பாக மாநாட்டை நடத்திய தோழர்களுக்குப் பாராட்டுகளை மீண்டும் மீண்டும் தெரிவித்துக் கொள்கி றேன்.

பெரியார் தந்த புத்தி

(4) நமக்குச் சொந்த புத்தி தேவையில்லை பெரியார் தந்த புத்தியே போதும் என்று சொல்லுவது வார்த்தை அழகுக்காக அல்ல. அது அனுபவ ரீதியானது. ஆசாபாசத்திற்கு அப்பாற்பட்டது அப்பழுக்கற்றது. இலட்சியத்துக்காக எந்த விலையையும் கொடுக்கத் தூண்டக் கூடியது இன்றைக்கு 60, 70 ஆண்டுகளுக்கு முன்பாக தந்தை பெரியார் எழுதிய எழுத்துக்களை இன்று படித்தால்கூட மிகவும் ஆச்சரியமாக இருக்கிறது. தொலைநோக்கோடு அய்யா எடுத்துச் சொன்ன கருத்து களை நாம் பின்பற்றினாலே போதும்.

(5) நம்மை அழிக்க எதிரிகள் பல ஆயுதங்களைப் பயன்படுத்துவார்கள். துரோகிகளை உற்சாகப்படுத்து வார்கள். அதைப்பற்றியெல்லாம் நாம் கவலைப்படத் தேவையில்லை; நமது செயல்பாடுகள்மூலம் அவற்றை எளிதில் முறியடித்துவிட முடியும்.

வலைப்பின்னல்!

(6) மாநிலம் மண்டலம் மாவட்டம் ஒன்றியம் நகரம் கிளைக் கழகம் என்று ஒரு வலைப் பின்னல் (நெட்வொர்க்) அடிப்படையில் கழக நிகழ்ச்சிகள் நடை பெற்றாகவேண்டும்.

குழந்தைகள் முகாம் முதல் மாணவர்கள், இளை ஞர்கள், மகளிர் முகாம்கள்வரை தொடர்ந்து நடைபெற்றாக வேண்டும். காலத்துக்கேற்ற அணுகுமுறைகளைக் கையாளுவோம்.

(7) கழகம் மக்கள் இயக்கமாகும். கழகப் பணி களுக்காக மக்களிடம் செல்லவேண்டும்; நிதி திரட்ட வேண்டும். அப்படித்தான் நம் இயக்கம் வளர்ந்து வந்துள்ளது. ஒரு பொதுக்கூட்டம் என்றால்கூட கடைக் குக் கடை சென்று நிதி வசூல் செய்யவேண்டும். தனிப்பட்ட நமக்காக அடுத்தவரிடம் பணம் கேட்டால் கூச்சம் வரும் கழகப் பணிக்காக பொது பணிகளுக்காக நிதி திரட்டுவதில் கூச்சப்படக் கூடாது.

அமைப்புப் பணிகள் சிறந்தோங்க நிதி என்பது மூச்சுக் காற்றாகும்.

மகளிர் அணியை உற்சாகப்படுத்துவீர்!

(8) ஆண் ஆதிக்க உணர்வு என்பது பொதுவாக சமூகத்தில் நிலவக் கூடியதுதான். நம் இயக்கத்தில் அதற்கு இடம் கிடையாது. மகளிர் அமைப்பை வளர்க்கவேண்டும்; உற்சாகப்படுத்தவேண்டும் அவர்களுக்குத் தேவையான உதவிகளையும் செய்யவேண்டும். பெண்கள் முன்னின்று நடத்தும் பிரச்சாரம் இரட்டிப்புப் பலன்களைத் தரும்.

நமது மாநாட்டில்தான் பெண்களுக்கென்று தனி இடம் என்பது கிடையாது. காரணம் கொள்கையும் ஒழுக்கமும் நமது இரு கண்களாகும்.

அடுத்த தலைமுறைக்கும் கொண்டு செல்வோம்!

(9) நமது பிள்ளைகளைக் கொள்கை ரீதியில் வளர்த்தெடுக்கவேண்டும். கழக நிகழ்ச்சிகளுக்குக் குடும்பத்துடன் கலந்துகொள்ளும் நிலை ஏற்பட்டாலே நமது குழந்தைகளிடத்தில் கொள்கைகள் தாமாகவே சென்றடையும். நமது கொள்கைகளை அடுத்த தலைமுறைக்குக் கொண்டு சேர்ப்பதில் அக்கறை காட்டவேண்டும்.

கழகத் தோழர் வீடுகளில் கழகக் கொடி பறக்கவேண்டும்

(10) வீட்டுக்கு வீடு விடுதலை செல்லவேண்டும். தமிழன் இல்லம் என்பதற்கு அடையாளம் அங்கு விடுதலை வரவேண்டும் என்றார் மறைந்த தவத்திரு குன்றக்குடி அடிகளார். கழக இல்லம் என்பதற்கும் அடையாளம் அதுதான். விடுதலையைப் படிக்காத தோழர்கள் இருட்டில் அமர்ந்தவர்கள் ஆவார்கள். கழகத் தோழர்கள் இல்லங்களில் இயக்க நூல்கள் இருக்கவேண்டும். குடிஅரசு தொகுப்புகள் ஒவ்வொரு கழகத் தோழர் இல்லத்தில் கண்டிப்பாக இடம்பெறவேண்டும். நம் சந்ததியினருக்கு நாம் சேர்த்து வைக்கும் சொத்து என்பது தந்தை பெரியார் அவர்களின் பகுத்தறிவுக் கருவூலங்கள்தாம். வாய்ப்புக் கிடைக்கும் பொழுதெல்லாம் அவற்றைப் படிக்கவேண்டும் பிள்ளைகளிடத்தில், குடும்பத்தவர்களிடத்தில் எடுத்துச் சொல்லவேண்டும்.

கழகத்தவர் வீடு என்றால் அதில் கண்டிப்பாகக் கழகக் கொடி பறக்கவேண்டும் இது ஒரு புற அடையாளமாகும்.

தந்தை பெரியார் பிறந்த நாள் விழா!

(11) தந்தை பெரியார் 132 ஆம் ஆண்டு பிறந்த நாள் விழா வெகு எழுச்சியுடன் கொண்டாடப்படவேண்டும். நாடெங்கும் சூறாவளியாகப் பிரச்சாரம் நடைபெற வேண்டும். திராவிடர் கழகத் தோழர்களுக்கு என்ன வந்தது இதுவரை கண்டிராத வேகம் எழுச்சி கண்டு பொதுமக்கள் ஆச்சரியப்படவேண்டும் எதிரிகள் திகைக்கவேண்டும் துரோகிகள் மருண்டு ஓட வேண்டும்.

திராவிடத்தால் வீழ்ந்தோம் என்பவர்கள் திகைக்க வேண்டும்.

திராவிடத்தால்தான் எழுந்தோம் உயர்ந்தோம் முதலில் மனிதனானோம் என்பதை தமிழ்நாட்டின் கடைகோடி மனிதனும் புரிந்துகொள்ள, தெரிந்துகொள்ள இந்த வாய்ப்பைப் பயன்படுத்திக் கொள்வோம்.

(12) மாணவர்கள் மத்தியில் தந்தை பெரியார் பிறந்த நாளையொட்டி பேச்சுப் போட்டி, மிகவும் விரிந்த முறையில் நடத்தத் திட்டமிடப்பட்டுள்ளது. திராவிடர் கழகத் தோழர்களும், பகுத்தறிவாளர் கழகத் தோழர்களும் இணைந்து பணியாற்றிடவேண்டும். ஆயிரக்கணக்கில் மாணவர்கள் இப்போட்டியில் பங்கேற்க ஆவன செய்யவேண்டும் என்று குறிப்பிட்டார்.

--------------------------------------------------------------------------------

1936 குடிஅரசு இதழிலிருந்து

12.1.1936 ஞாயிறன்று மாலை சென்னை பச்சையப்பன் கல்லூரி பெரிய மண்டபத்தில் சென்னை சுயமரியாதைச் சங்கத்தின் 3ஆம் ஆண்டு விழாவில் தந்தை பெரியார் ஆற்றிய உரையை குடிஅரசு (19.1.1936) இதழில் வெளிவந்ததை, கழகத் தலைவரின் ஆணைப்படி கழகத் துணைப் பொதுச் செயலாளர் உரத்தநாடு இரா.குணசேகரன் திருச்சி கலந்துரையாடல் கூட்டத்தில் படித்தார்.
நன்றி- விடுதலை

ஆவணி அவிட்டம் பூணூல் புதுப்பித்தலாம்!

2010-08-22T22:03:00.000-07:00

ஆரியர் உருவாக்கிய பொருளற்ற மூட விழாக்களில் பூணூல் விழா குறிப்பிடத்தக்கவொன்று பார்ப்பான் வாழ்வின் நான்கு கட்டங்களில் முதன்மையான பிரமச்சரியத்திற்குத் தொடர்புடையது இது.

திருமணமாகாத மாணவர் பரு வத்தில் பார்ப்பன இளைஞன் வேதங் களை முழுமையாகக் கற்றுக் கொள் ளுவதற்கெனத் தன் குருவுடனேயே தங்கி வாழக் கடமைப்பட்டவன்.

அவன் கருவான காலத்திலிருந்து ஆசானிடம் கற்று முடித்துத் திரு மணம் பண்ணிக் கொள்ளும் வரை யிலான பிரமச்சரியக் கட்டத்தில், அவனின் பெற்றோரிடமிருந்து அவன் மீது படியும் பாவக் கறையினைக் கழுவிக் கொள்ளும் வண்ணம் கீழ்க்கண்ட 12 தூய்மைப்படுத்தும் சடங்குகள் வற்புறுத்தப்படுகின்றன.

கர்ப்பதானம், புண்சவனம், சீமந் தோநயனம், ஜாத கர்மம், நாமகரணம், நிஷ்க்கரணம், அன்னப்ராசனம், சுத கர்மம், உபநயனம், சமாவர்த்தனம், கேசந்தம், விவாஹம்.

இவற்றுள் சட்டக் கட்டாய மாகக் கருதப்படும் முகாமையான இரண்டு சடங்குகள் சுதகர்மமும் உபநயனமும் ஆகும். இவ்விரண்டி லும் ஒரு சிறு குடுமியை விட்டு வைத்து, தலையில் நடுவட்ட மழிப்பு நிகழ்த்தும் சுதகர்மத்திற்கும் மேலாக உபநயனம் என்னும் பூணூல் அணி யும் சடங்கு மதிக்கப்படுகிறது. பூணூல் அணியும் முன்பு வரை அவன் சூத்திரத் தன்மையுடன் இருப் பதாயும், அணிந்தவுடன் அவன் இரண்டாம் முறையாகப் புதிய பிறப்பு எடுப்பதாயும் தத்துவம் கற் பிக்கப்படுகின்றது. இதை அச் சிறுவ னின் எட்டாம் அகவையிலேயே நடத்தி விடலாம்.

பருத்தி நூல்கள் மூன்றினை ஒன் றாகச் சுருள் செய்து மாலை வடிவ மாக்கிப் பார்ப்பனச் சிறு வனின் இடது தோளிலிருந்து வலது இடுப்பு வரையிலும் குறுக்கே அணிவிக்கப் படும் முப்புரி நூலுக்கு யக்ஞோப விதா எனப் பெயர்.

இச்சடங்கின் தொடக்கத்தில் பார்ப்பனச் சிறுவன் சூரியனுக்கு எதிரே நின்று மும்முறை தீ வலம் வரவேண்டும். பிறகு குரு காயத்ரி மந்திரத்தைப் பத்து முறை ஓதி யக்ஞோபவிதா முப்புரிக்குத் தெய் வத் தன்மை ஏற்றிவிட்டு, அதனைப் பையனை மாட்டிக் கொள்ளச் செய்வார். பூணூலணிந்த புதிய பிறவி, தனக்கும் தன் ஆசானுக்கும் தேவையான உணவுக்கென்று விழா வில் வந்து குழுமியுள்ள கூட்டத்தி னரிடம் பிச்சை கேட்டுக் கையேந்து வான்.

பின்னர் சாவித்ரி ஜெபம் பண்ணு மாறு குரு அவனைப் பயிற்றுவித்து, வேதமோதி சமயச் சடங்குகளை நிறைவேற்றும் தகுதியை அவனுக்கு உண்டாக்குவார். இறுதியாக அவ னுடைய இடையில் மூஞ்சைப் புல் லாகிய அரைஞாண் கட்டப்பட்டு பூணூலணியும் உபநயனச் சடங்கு முடிக்கப் பெறுகிறது.

காலப் போக்கில் க்ஷத்திரியரும், வைசியரும் தங்களை முப்புரி நூல் அணியும் சடங்கிற்கு உட்படுத்திக் கொண்டு இரு பிறப்பாளர் பட்டி யலில் இணைந்து கொண்டாலும், இன்று நடைமுறையில் இவ்விரு வர்ணத்தாரும் சூத்திரராகவே பாவிக் கப்படுகின்றனர். எனவே இவர்களின் பூணூல் மாட்டும் செயலுக்குச் சிறப்பேதும் கிடையாது.

பார்ப்பனர்களைப் பார்த்து ஆசா ரியாரும், பத்தரும், செட்டியாரும் கூடப் பூணூல் போட்டுக் கொள் வதுண்டு. விசுவ பிராமணர்கள் என்று சொல்லிக் கொள்வார்கள். ஆனால் சாத்திரத்தில் இதற்கு இடம் உண்டா என்றால் அதுதான் இல்லை.

இந்த மாதம் 24 ஆம் தேதி (ஆவணி 8) பார்ப்பனர்கள் பூணூலைப் புதுப் பித்துக் கொள்ளப் போகிறார்களாம். இட ஒதுக்கீட்டில் இன்னும் ஜாதி ஏன்? ஜாதி வாரி கணக்கெடுப்பு கூடாது என்கிற பார்ப்பனர்கள்தான் ஒவ்வொரு ஆண்டும் ஆவணி அவிட் டத்தன்று பூணூலைப் புதுப்பித்துக் கொள்கின்றனர்.

வாலாஜா படைத்த வரலாறு

2010-08-12T07:02:00.001-07:00

அய்யாவை அழைத்து அக மகிழ்ந்த ஊர்

தமிழ்நாட்டில் முதன்முதலாக உருப்பெற்ற நகராட்சி வாலாஜா. சென்னையிலிருந்து வெள்ளை யர் அரசு ஏற்படுத்திய முதல் தொடர்வண்டி வழித் தடம் வாலாஜா. அறிவுலக ஆசான் அய்யாவை அழைத்து வரவேற்பு அளித்து அகமிக மகிழ்ந்த ஊர் வாலாஜா.

தமிழ்நாட்டில் வாலாஜா பெயரில் வாலாஜா நகரம், வாலாஜா ஏரி, வாலாஜாபாத் உண்டு. அந்த வரிசையில்தான் வாலாஜாபேட்டை நகரமும். மத மாச்சரியங்கள் மறந்து அமைதியாய் வாழ்ந்திருக் கும் மக்களிடையே மதவெறியர்களின் ஆரவாரம்-வெற்றுக்கூச்சல். மதவெறிக்களமாக மாறிவிடக் கூடாதே எனும் பதைபதைப்பில் திராவிடர் கழகம்-தமிழர் தலைவரின் கட்டளைக்கிணங்க காரியத்தில் இறங்கியது.

மனிதநேயத்தை மலரச் செய்ய....

மனித ஒற்றுமையை வளர்த்தொடுக்கவும், மனிதநேயத்தை மலரச் செய்யவும், கழக செயல் வீரர்களின் செயல்பாட்டு விளையாக அரக் கோணம் கழக மாவட்டத்தின் சார்பில் வாலாஜா நகராட்சி திருமண மண்டபத்தில் பெரியாரியல் பயிற்சி முகாம் 200 இளம் குருத்துகள் (மாண வர்களே பெரும்பாலும்) பங்கேற்க சீருற நடை பெற்றது.

ஆகஸ்ட் 7, 8 ஆகிய இரு நாள்களும் வரலாற்றுச் சிறப்புமிக்க வாலாஜாவில் எங்கு பார்த்தாலும் கழக் கொடிகளும், கருப்புச் சட்டைகளின் நடமாட்டத்துடனும் காட்சிகள். மதவெறியை அடிக்கடி தூண்டிடும் தூபம் போட்டிடும் இந்து முன்னணி வகையறாக்களுக்கு வாலாஜா ஒரு முக்கிய கேந்திரம். இந்து மக்களின் உரிமையைப் பாதுகாத்திட வேலூரில் மாநாடு வேறு. இந்த சூழ்நிலையில்தான் இளைய தலைமுறையை மதவாதப் பிடிக்குள் சிக்காமலிக்க தமிழர் தலைவரின் ஆணைப்படி இந்த பயிற்சி முகாம்.

பெரியாரியல் பயிற்சியின் நோக்கம்!

அறிவில் தெளிவை, சிந்தனைப் போக்கில் அறிவியல் மனப்பான்மையை, எந்த ஒன்றையும் பகுத்தறிவு நோக்கில் அணுகிடும் போக்கை- நடைமுறையை மாணவர்கள் - இளைஞர்கள் உள்ளத்தில் ஏற்படுத்திட வேண்டும் என்பதே பெரியாரியல் பயிற்சி பட்டறையின் நோக்கம். மாவட்ட கழக நிருவாகிகள், கோ.பெருமாள், சொ.சீவன்தாசு, பாணாவரம் மா.பெரியண்ணன் மற்றும் இளைஞரணி, மாணவரணி நிருவாகிகள் சிறப்பாகவும், பொறுப்பாகவும் செயலாற்றி பயிற்சிப் பட்டறையில் 200 பேர்களை பங்கேற்கச் செய்தது பாராட்டுக்குரியது.

வீ.அன்புராஜ் தொங்டகி வைத்தார்

ஆகஸ்ட் 7ஆம் தேதி காலை 10மணிக்கு பயிற்சிப் பட்டறையை சுருக்கமான தமது வழிகாட்டுதல் உரையோடு தலைமை நிலையச் செயலாளர் வீ.அன்புராஜ் தொடக்கி வைத்தார். எப்போதும் இளைய தலைமுறையினருக்கு எடுத்துக்காட்டாகத் திகழும் அவரின் சுறுசுறுப்பு, அளவான பேச்சு, உட்கார்ந்து பணிசெய்ய விரும்பாத நடை, கொள்கையின் மீது அளவற்ற ஈடுபாடு, இயக்கத்தின் போக்கில் புலிப்பாய்ச்சலை, புதுமையை புகுத்திட வேண்டும் என்று அறிவியல் நோக்கு கழகத் தோழர்களின் செயல்பாட்டில் புதுவேகத்தை ஏற்படுத்துவதாய் இருப்பதை நேரில் நிகழ்வுகளில் காணமுடிகிறது.

வாலாஜா வில் தொடக்க நிகழ்வில் பயிற்சி முகாமில் அவரின் பங்கு பணி இருக்கும் போதே- மறுநாள் ஆந்திர தலைநகர் அய்தராபாத்தில் பெரியார் திரைப் பட தெலுங்கு பதிப்பு தொடக்க நிகழ்ச்சி பற்றியும், அய்யா பெரியாருக்கு அங்கு எப்படியாவது சிலையினை திறந்திட வேண்டும் என்பது பற்றியும் ஆன எண்ண ஓட்டம்-செல்பேசி உரையாடல் என அவரின் செயல்பாடு வியக்க வைத்தது. துணைப் பொதுச்செயலாளர் துரை. சந்திரசேகரன் தலைமையில், பொதுச் செயலாளர் கள் கலி. பூங்குன்றன், சு.அறிவுக்கரசு ஆகியோர் முன்னிலையில் தொடக்க நிகழ்ச்சி 5 நிமிடத்தில் முடிவுற்று வகுப்புகள் தொடங்கிட வகை செய்து அவர் புறப்பட்டார்.

வாலாஜாவில் நடைபெற்ற பெரியாரியல் பயிற்சி முகாமில் பங்கேற்ற தோழர்கள் (8.8.2010).

தலைப்பும்-வகுப்பும்

புதிய வரவுகளான மாணவர்களுக்கும், இளைஞர்களுக்கும் பெரி யாரை அடையாளப்படுத் திடும் பெரியார் ஓர் அறி முகம் எனும் தலைப்பிலான முதல் வகுப்பினை கவிஞர் கலி.பூங்குன்றன் எடுத்தார். இயக்க வரலாறு, கடவுள் மறுப்பும் தமிழர் தலைவரின் சிறப்பும் எனும் தலைப்பு களில் பொதுச்செயலாளர் சு.அறிவுக்கரசு, இதிகாசப் புரட்டு, எனும் தலைப்பில் துரை.சந்திரசேகரன், பார்ப் பனர் பண்பாட்டு படை யெடுப்பு பெரியாருக்குப் பின் திராவிடர் கழகம் ஆகிய தலைப்புகளில் கவிஞ ரும், பெண்ணுரிமை பற்றி துணைப் பொதுச் செயலா ளர் டாக்டர் பிறைநுதல் செல்வி, சாமியாடுதல் மோசடியே எனும் தலைப்பில் டாக்டர் இரா. கவுதமன், தமிழரா-திராவிடரா? இந்துத்துவா? ஆகிய தலைப்புகளில் பேராசிரியர் கு.வெ.கி.ஆசான் ஆகியோர் வகுப்புகள் எடுத்தனர். பழ.வெங்கடாசலம் நடத்திய மந்திரமா? தந்திரமா? நிகழ்ச்சி காஞ்சி கதிரவனின் அறிவியல் விளக்க குறிப்புகள் சிறப்புற அமைந்தன.

இளம் குருத்துகள் எளிதில் புரிந்துகொள்ளும் வண்ணம் தமிழர் தலைவர்

இரண்டாம் நாள் முகாமில் தமிழர்தலைவராம் நம் கழகத் தலைவர் சமூக நீதி எனும் தலைப்பில் வகுப்புரிமை வரலாற்றை, இடஒதுக்கீட்டின் தொடரோட்டத்தை மிகவும் எளிமையாக இளம் மாணவர்களும், இளைஞர்களும் எளிதில் விளங்கிக் கொள்ளும் வண்ணம் வகுப்பு நடத்தினார்.

திரா விடர் கழகத்தின் அணுகு முறையை பற்றிய வகுப்பு இயக்கத்தின் நடை முறையை-வரலாற்றுப் போக்கை விளக்குவதாய் இயக்க வரலாற்றோடு இணைந்த தமிழர் தலைவரின் வகுப்பு அமைந்தது.

கேள்வியும் கிளத்தலும்

மாணவர்கள் எழுப்பிய அய்ய வினாக்களுக்கு அருமையான விளக்கங்களை பதிலுரையாகத் தந்த தமிழர் தலைவரின் அணுகுமுறை இளைய தலை முறையையும், பெரியார் பெருந்தொண்டர் களையும், இயக்கத்துக்கு அப்பாற்பட்டவாகளை யும் ஈர்ப்பதாய் இருந்தது.

சான்றிதழ் வழங்கினார்

இருநாள் பயிற்சி முகாமிலும் பங்கேற்ற 200 மாணவர்-இளைஞர்களுக்கும் உரிய சான்றித ழினை தமிழர் தலைவர் வழங்கினார். கொள்கை விளக்க நடன நிகழ்ச்சி குடியாத்தம், பெரியார் பிஞ்சுகளான இர.க.அறிவுச்சுடர், இ.அ.மதிவதனி ஆகியோரின் கழக பாடல்களுக்கான பரதநாட் டியம் (நடன நிகழ்ச்சி), அருமையாக அரங்கேற்றப் பட்டது. முடிவில் மாவட்ட செயலாளர் சொ.சீவன்தாசு நன்றி கூறினார்.

நேரிடை களப்பயிற்சியாக....

பயிற்சி முகாமில் பங்கேற்ற மாணவர்களுக்கும், இளைஞர்களுக்கும் நேரிடை களப்பயிற்சியாக 8.10.2010 மாலை நடைபெற்ற மூடநம்பிக்கை ஒழிப்பு ஊர்வலமும், திறந்தவெளி மண்டல மாநாடும் அமைந்தது. மக்களை வீதிதோறும் சென்று சிந்திக்கத் தூண்டிய நிகழ்வாக மூட நம்பிக்கை ஒழிப்பு ஊர்வலம் அமைந்தது.

இப்படை தோற்கின் எப்படை வெல்லும்?

ஊர்வலத்தில் வேலூர் மண்டலத்தின் மாவட்ட கழக நிருவாகிகளும், தோழர்களும், கொடி பிடித்த கைகளுடன் முழக்கமிட்டு வந்த காட்சி இப்படை தோற்கின் எப்படை வெல்லும்? எனும் கேள்விக் குப் பதிலாய் அமைந்தது.

மகளிரணியினரின் தீச்சட்டி,

இளைஞர்களின் அரிவாள் மீது நிற்பது

காவடி ஆட்டம், முதுகில் அலகு குத்தி

கார் இழுத்து வந்த காட்சி, குபீர் தீ உமிழும்

நிகழ்ச்சி என மூடநம்பிக்கை ஒழிப்புப் பேரணி களை கட்டியது.

திறந்தவெளி மாநாடு

அறிவார்ந்த சமுதாய புனரமைப்புக்குத் தேவையான தீர்மானங்கள் நிறைவேற்றப்பட்டும், அய்யாவின் அரிய கருத்துக் கருவூலமான குடிஅரசு தொகுப்புகள் வெளியீடும், போட்டி போட்டு அதனை வாங்கிய காட்சியும், ஒரத்தநாடு ஒன்றியம் விடுதலைக்கு சந்தா வழங்கிய காட்சியும், தமிழர் தலைவரின் சங்க நாதமும் மண்டல மாநாட்டின் முத்தாய்ப்பான நிகழ்வுகள் இளை ஞர்களை எழுச்சிகொள்ளச் செய்வதாய் அமைந் தது. மாபெரும் மக்கள் திரள் கட்சியைத் தாண்டி மதவெறிக்கு எதிராக திரண்டிருந்த காட்சி இயக்கத்தின் மனிதநேயப் பணிகளுக்கு உள்ள மக்கள் ஆதரவை எடுத்துச் சொல்வதாய் அமைந்தது.

மொத்தத்தில் வாலாஜா புதிய வரலாறு படைத்தது என்பதே உண்மை!

- துரை.சந்திரசேகரன்
துணைப் பொதுச் செயலாளர்

சாவுக்கு பின்னும் ஜாதியை நிலைநாட்டும் சடங்குகள்

2010-08-11T06:02:00.000-07:00

மனிதன் தன் வாழ்க்கையில் குழந்தைப் பருவம் முதல் கிழப்பருவம் வரை அடையும் தன்மையும் இயற்கை யின் தத்துவமேயாகும். அவனுடைய அங்கங்கள் (உறுப்புகள்) குழந்தைப் பருவம் முதற் கொண்டு சிறிது சிறிதாக வளர்ந்து கொண்டே வருகின்றன. அந்த வளர்ச்சி அவன் உண்ணும் ஆகாரங்களையும் மன நிம்மதியான வாழ்க்கையையும் பொறுத்ததாகும். இப்படி வளர்ச்சியடையும் உடல் ஒரு குறிப்பிட்ட அளவுக்கு வந்தவுடன், அதன் பிறகு வளருவது நின்று விடுகிறது. பிறகு அவ்வுறுப்புகளுக்குக் கொடுக்கப்படும் சக்திகளுக்கு ஏற்றவாறு இயங்கும் தன்மை கொண்டவையாக இருக்கின்றன.

அந்த உறுப்புகள் எத்தனை நாளுக்குத்தான் அப்படியே இருக்க முடியும்? அவையும் ஒரு குறிப்பிட்ட காலம்வரை இயங்கும் சக்தியைக் கொண்டவைகளாக இருக்கின்றன. நாளடைவிலேயே அங்கங்களுக்குள்ள சக்தி சிறிது சிறிதாகக் குறைவதற்கு ஆரம்பிக்கிறது. இப்படியே ஒவ்வொரு அங்கமும் பலவீனம் அடைந்து வரும் காலத்தில் மனிதன் கிழப் பருவத்தை அடைந்து கொண்டே வருகிறான். கிழப்பருவம் வளர்ச்சியடைந்து கொண்டே வந்து, முற்றிலும் கிழத்தன்மை அடைந்தவுடன், உடலின் உறுப்புகள் யாவையும் ஒருவித சக்தியும் இன்றி அங்கும் இங்கும் அசையக்கூட போதிய சிறிதளவு பலம்கூட இல்லாமல் போய்விடுகின்றன.

அத்தன்மை வந்தவுடன் மனிதன் உடலினுள் இருக்கும் உறுப்புகளும் அதே தன் மையை அடைந்து உண்ணும் உணவை ஜீரணிக்கவும், அதைப் பக்குவம் செய்து, சத்தைக் கிரகிக்கும் உறுப்புகள் போதிய பலமும் இன்றிப் போய், உணவும் செல்வதற்கும் இல்லாமல் போய்விடுகிறது. பின்பு மனிதனுக்கு இறுதியில் எஞ்சி நிற்பது காற்று ஒன்று தான். அக்காற்று மூக்குக்கும் சுவாச உறுப்புகளுக்கும் இடையில் உள்ள துவாரத்தின் வழியே போய்வந்து கொண்டிருக்கிறது.

சுவாசிக்கும் காற்றில் மனிதன் பிராணவாயுவை உட்கொண்டு கரியமிலவாயுவை வெளியிடுகிறான். அந்த ஆராய்ச்சிப்படி இதுவரை அவன் பிராண வாயுவைக் கிரகித்து, கரியமிலவாயுவை வெளியிட்டு வருகிறான். இந்தத் தன்மையும் ஏற்பட சுவாச உறுப்புக் கள் பலமுடன் இருந்து இயங்கினால்தானே முடியும்? ஆனால் இயற்கையின்படி எல்லா உறுப்புகளும் பலவீனம் அடைந்தது போல் சுவாச உறுப்புகளும் பலவீனம் அடைய ஆரம்பிக்கின்றன. அவைகளுக்குப் போதிய அளவு அதாவது ஒரு சிறிது அளவு காற்றையாவது இழுத்து கிரகிக்கும் பலம் உள்ள வரை மனிதன் மேல் மூச்சு கீழ்மூச்சு வாங்குகிறான் என்று கூறுகிறோமே அந்த நிலையை அடைகிறான்.

இறுதியில் அந்தப் பலம் கூட இல்லாமல் சுவாச உறுப்புகள் முற்றிலும் பலவீனம் அடைந்து விடுவதால் சிறிது கூட காற்றைச் சுவாசிக்க முடியாமல் போய் விடுகிறது. அப்போதுதான் மனிதன் இறந்து விடு கிறான் என்று சொல்லப்படுகிறது. அவன் உடலில் காற்று போய், உடல் உறுப்புகளையும், இரத்தத்தையும் சுத்தம் செய்து கொண்டு வந்ததன் காரணமாக உடலில் எந்தவிதக் கெடுதலும் ஏற்படுவதில்லை. சுவாசிக்கப் பட்ட பிராணவாயு உடம்பில் உள்ள இரத்தத்தைச் சுத்தம் செய்வதனால் செய்யப்பட்ட இரத்தம் பரவிய உடலின் தசைகள் கெட்டுப் போகாமல் இருக்கின்றன.

ஆனால் மனிதன் இறந்தவுடனோ சுவாசம் இல்லை. அதனால் உடலின் தசைகள் கெடுவதற்கு ஆரம்பிக் கின்றன. அந்தப் பிணம் எவ்வளவு நேரம் இருக்கிறதோ அதற்குத் தகுந்தபடி கெட்டுப் போய்விடும். அதைத் தகுந்தபடி எரித்துவிடாமலோ இருக்கப்பட்டு விடு மானால் அந்த உடல் அழுகிக் கொழகொழத்துப் போய் சகிக்க முடியாதபடி துர்நாற்றமடிக்க ஆரம்பிக்கிறது. அதற்கென்றே உடலைப் புதைத்தோ அல்லது எரித்தோ விடுகிறார்கள். இப்படி மனிதன் பிறந்தது முதல் இறந்ததுவரை உண்டாகும் சம்பவங்கள் அத்தனை யையும் நேரில் காணுகிறோம். சுவாசிக்கும் காற்று நின்றவுடன் உடலை அடக்கம் செய்கிறார்கள்.

இத்தன்மை மனிதன் என்று சொல்லப்படுபவர்கள் அத்தனை பேருக்கும் அவ்வித முடிவுதான். தாழ்ந்த ஜாதி என்று ஆக்கப்பட்டிருப்பவர்களுக்கும் இதே நிலைதான், மேல்ஜாதி கடவுளுக்கும், அடுத்த ஜாதி என்று ஆக்கப்பட்டிருப்பவர்களுக்கும் இந்நிலைதான். அவன் யோக்கியனானாலும், முனிவரானாலும், சித்தரானாலும், மகாபக்திமான் ஆனாலும், கடவுள் அவதாரம் ஆனாலும், தியாகி ஆனாலும், மற்றும் மந்திரியானாலும் நாட்டின் தலைவன் என்பவன் ஆனாலும். இன்னும் புலவன், சிற்பி, பாடகன், ஓவியன், மற்றும் எப்பேர்பட்ட வெங்காயமா னாலும், இந்த நிலையை அடைந்தே தீரவேண்டும்; இது இயற்கையே ஆகும். இப்படி மனிதனுக்கு மட்டுமல்ல; உயிர் உள்ளது என்று எவை எவை சொல்லப்படுகின்றனவோ அவைகள் அத்தனையும் இப்படிப்பட்ட இயற்கைத்தன்மையை அடைந்தே தீருகின்றன - மரம் பட்டுப் போய் விட்டது என்றால், அது வளர்ச்சி இன்றிப் போய்விட்டது என்பது பொருள். அதுமுதல் அந்தப் பட்டுப்போன மரம் காய்ந்துபோக ஆரம்பிக்கிறது; ஒருவித ஈரப்பசையும் இன்றி வெற்றுக்கட்டையாக ஆகிவிடுகிறது, இப்படியே உயிருள்ளது என்பவைகள் அத்தனையும் செத்துப் போகும் நிலையை அடைகின்றன.

செத்துப்போகுதல் என்பது சத்துப் போய்விடுதல் என்பது பொருள். வளருவதற்கு வேண்டிய சத்துக்கள் என்னென்னவோ அத்தனையும் இல்லாமல் போய்விட்ட பிறகு, அதாவது சத்துப்போய்விட்ட பின் அதை சத்துப் போகுதல் என்பது செத்துப் போகுதல் என்று ஆகி இருக்கிறது.

மரம் செத்துப் போனவுடன் அதை அடுப்பு எரிக்க உபயோகிக் கிறோம். நாய் மாடு, கழுதை செத்தவுடன் புதைக்காவிடில் அழுகிப் புழு, பூச்சி பிடித்து விடுகிறது. இறுதியில் அதுவும் மண்ணுடன் மக்கிப் போய்விடுகிறது. செத்துப்போனது என்ற பிறகு அதைப் பற்றி ஒன்றுமே கிடையாது. அதன் முடிவு அத்துடன் சரியாகிவிடுகிறது. இதை நாம் கேள்விப்படவில்லை; சாஸ்திரத்தில் படிக்கவில்லை. கடவுளும், வெங்காயமும் கூறியதாக நான் உங்களிடம் கூறவில்லை. நேரில் கண்டவை; நீங்களும் நேரில் காணுகிற விஷயமே அன்றி, நான் அவன் சொன் னான், இவன் சொன்னான் என்று சொல்லவில்லை; எனவே இந்த முடிவுக்குப் பிறகு என்ன இருக்க முடியும்? ஒன்றுமே கிடையாது. அத்துடன் வாழ்க்கை இறுதி யடைந்து போய் விடுகிறது.

பார்ப்பனன் தங்கள் வாழ்க்கைக்குச் சாதகமாகப் பலவழிகளைக் கையாளுகின்றான். மனிதன் இறந்தவுடன் அந்த உடலை அவரவர் மதப்படி, அதிலும் மதத்தின் உட் பிரிவாக அமைக்கப்பட்டுள்ள ஜாதிமுறைப்படி எரிக்கவோ, புதைக்கவோ வேண்டும் என்று எழுதி வைத்திருக்கிறான். அதன்படி மக்களும் இது எங்கள் ஜாதி வழக்கம் என்று கூறிக்கொண்டு, புதைப்பவர்கள் புதைப்பதும், எரிப்பவர்கள் எரிப்பதுமாக இருக்கின்றனர்.

இதனால் என்னவென்றால் அந்தந்த ஜாதிக்காரன் அவனுடைய பின்சந்ததிகள் இன்னஜாதியைச் சேர்ந்த வர்கள் அவர்களும், அதே முறையைப் பின்பற்ற வேண்டும் என்ற முறையை நிலைநாட்டுவதன் மூலம் நடத்தப்படு கின்றன. எனவே மனிதன் இறந்த பின்னும் கூட பார்ப்பான் மதப்பிரச்சாரத்திற்கென்று இன்னின்ன பழக்க வழக்கம் என்று ஏற்படுத்தி இருக்கிறான்.

அத்துடன் விடவில்லை. செத்துப்போனவுடன் உடலிலிருந்து ஆத்மா என்று ஒன்று பிரிந்துவிடுகிறதாம். அது இங்கே தங்காமல் நேராக மேல்லோகம் போகிறதாம்! இவ்வளவு இயற்கைத் தன்மைகளையும் கண்டபின் ஆத்மா என்பது எங்கே இருக்கிறது? அது எப்படிப் பிரிகிறது? என்றால் அது உருவம் அற்றது, கண்ணுக்குத் தெரி யாதது என்று கூறினார்கள். அந்த ஆத்மா நேராக மேல் உலகம் சென்று அங்கு அது, இங்கு செய்த பாவபுண்ணி யத்துக்கு ஏற்றபடி தண்டனை பெறுகிறதாம். பாவம் செய்த ஆத்மா நரகத்தில் தள்ளப்படுகிறதாம். புண்ணியம் செய்த ஆத்மா மோட்சத்தில் தள்ளப் படுகிறதாம். இங்கேதான் உடல் நம் கண்முன்பாகவே எரிக்கப்பட்டது அல்லது புதைக்கப்பட்டது. உருவம் அற்ற ஆத்மா எப்படி அங்கே தண்டனை பெறும்? என்று கேட்டால் அந்த ஆத்மாவுக்கு வேறொரு உடலை மேல் உலகத்தில் கொடுக்கிறார்களாமே! அந்த உடலை இந்த ஆத்மா உடுத்திக் கொண்டவுடன் மனித உருவம் அடைகிறதாம். அதே உடலுக்கு அங்கே தண்டனை கிடைக்கிறதாம். இதில் என்ன நியாயம் இருக்கிறது என்பதைச் சிந்திக்க வேண்டும். பாவமோ புண்ணியமோ செய்த உடல் நம் கண்முன் இங்கே இருக்க, அங்கே வேறொரு உடல் பாவத்தின் தண்டனையையோ, புண்ணியத்தின் சுகத்தையோ அனுபவிக்கிறதாம். அப்படியானால் உண்மையில் பாவம் செய்த உடலைத் தண்டிக்க வேண்டும்; உண்மையில் புண்ணியம் செய்த உடல் சுகமடைய வேண்டும். இதை விட்டு விட்டு, ஏதும் அறியாத வேறொரு உடலை வதைப்பதும், சுகப்படுத்துவதும் என்ன நியாயம் என்று கேட்டால் உடனே இவன் நாத்திகம் பேசுகிறான் என்றுதான் சொல்லத் தெரியுமே தவிர, தக்க பதில் ஒன்றும் கூற முடியாது.

மறுபடியும் அந்த ஆத்மா உலகில் உருவம் எடுத்து வருகிறதாம்! அந்த உருவம் பாவ புண்ணியத்திற்கு ஏற்றபடித் தக்க உருவம் அடைகிறதாம். அதில் ஃபஸ்ட் கிளாஸ் (முதல்தரம்) உருவம் என்று சொல்லப்படுவது பார்ப்பன உருவம். மற்றவை எல்லாம் அதற்குக் கீழ்ப்பட்டவை. மனித உருவத்திலேயே பார்ப்பான் தவிர்த்த மற்ற கீழ்ஜாதி உருவங்கள் தரம் பிரித்து உயர்ந்த ஜாதி தாழ்ந்த ஜாதி என்பதற்குத் தகுந்தபடி அமைக்கப்பட்டிருக் கின்றன. மனித உருவத்துக்குக் கீழ் மிருக உருவம்! அதிலும் தரம் பிரித்து அமைத்து மற்றப்படி மரம், செடி, கொடி இப்படி அமைக்கப்பட்டிருக்கின்றன.

இதை ஏன் கூறுகிறேன் என்றால் அயோக்கியப் பார்ப்பனர்கள் தங்களை மட்டும் பெரும் புண்ணியாத் மாக்கள், மற்றவர்கள் எல்லாரும் பெரும் சண்டாளர்கள் என்பதை வாய்விட்டுக் கூறுவதற்குப் பதிலாக இப்படி எழுதி வைத்திருக்கிறார்கள் என்பதைக் கூறவேயாகும். இப்படி நம்மை எந்த விதத்தில் இழிவு படுத்தவேண்டுமோ அம்முறைகளில் எல்லாம் இழிவுபடுத்தி இருக்கிறார்கள்.

அந்த ஆத்மாதான் மேல்லோகத்தில் புண்ணியத்திற் கேற்றபடி மோட்சத்திலேயோ அல்லது பாவத்திற்கேற்றபடி நரகத்திலேயோ தள்ளப்பட்டிருக்கிறதே, பிறகு இங்கே எப்படி வந்தது? அதனதன் நல்வினை தீவினைக்குத் தகுந்தபடி மோட்சம்- நரகத்தில் போய்ச்சேருகிறது என்ற பிறகு இங்கே எப்படிக் குதித்து வரமுடியும்? அப்படி யானால் மோட்சத்திலிருந்து தப்பி ஓடிவந்ததா? நரகத்தை விட்டு ஓடிவந்து விட்டதா? அப்படி அங்கு போய்ச் சேருகிற ஆத்மா சாந்தியடைய இங்கே பார்ப்பானுக்குத் தானதர்மம் செய்தால் போதுமாம்! உடனே அது அவர்களுக்குப் போய்சேருகிறதாம்! அதை அடைந்த அவர்கள் சுகம் அடைகிறார்களாம்! என்ன முட்டாள் தனம் என்பதைச் சிந்திப்பதே இல்லை. 100-க்கு 100 முட்டாள்களாக இருப்பவர்கள்தான் இன்னமும் இதை நம்பிக்கொண்டு பார்ப்பானுக்கு அள்ளிக் கொடுக்கின்றனர். கையில் பணம் காசு இல்லை என்றால் கூட கடன் வாங்கியாவது திவசமும், கருமாதியும் செய்கிறான்.

இப்படித் திவசம் செய்வது குறிப்பிட்ட நாள் வரையிலும் என்று கூட இல்லை. இவன் உயிர் இருக்கும்நாள்வரை அவன் தகப்பனுக்குத் திவசம் செய்கிறான். பார்ப்பான் கூறி இருக்கிறபடி மேலே சென்ற ஆத்மா பிறகு என்ன உருவம் எடுத்ததோ தெரியவில்லை. அந்த உருவம் எடுத்த பிறகும் இவன் திவசம் செய்தானாகில், பார்ப்பான் கூறுகிறபடி அந்த ஆத்மா எங்கே இருந்தாலும் அந்த தானப் பொருள்கள் போய்ச்சேர வேண்டும். அப்படி இது வரை யார் அடைந்திருக்கிறார்கள்?

அப்படியே அவன் கூறுவது உண்மை என்றாலும் இக்கூட்டத்தில் உள்ள அத்தனை பேரும், ஏன் இவ்வூரில் உள்ள அத்தனை பேரும் மற்றும் இந்நாட்டு மக்கள் அத்தனை பேரும் இதற்கு முன் ஏதாவது ஒரு பிறவியில் இருந்திருக்க வேண்டும்; நாம் இல்லை என்றாலும் மற்ற சீவராசிகளாவது முதலில் மனித உருவத்தில் இருந்திருக்கவேண்டும். அவைகள் இறந்தவுடன் அதனதன் பிள்ளைகள் திவசம் கொடுப்பார்கள். அத்தனை பேருக்கும் இல்லை என் றாலும் ஒருசிலருக்காவது தன்னுடைய பிள்ளைகள் திவசம் கொடுப்பார்கள்; அப்படிக் கொடுப்பது இப்போது இவர்களுக்கு வந்து சேரவேண்டும். நியாயப்படி அதுதான் முறையாகும் - ஆனால் இதுவரை அப்படி யாரும் அடைந்ததாகக் கிடையாது. கேள்விப்பட்டது கூட இல்லை. எனவே பார்ப்பானுக்குக் கொடுத்த பின் அதை ஜீரணித்துவிடுகிறான். பிறகு எங்கே இவன் அப்பனுக்கு மேல்உலகத்துக்கு? போகமுடியும்? அப்படியே பார்ப்பான் மேல் உலகத்துக்கு அனுப்பும் சக்தி கொண்ட மந்திரம் கொண்டவனாக இருந்தால் இன்றைக்கு எவ்வளவோ காரியத்துக்குப் பயன்படும். ஆனால் அத்தனையும் புரட்டு என்பதற்கு நடந்த சம்பவம் ஒன்றைக் குறிப்பிடுகிறேன்.

ஒரு பார்ப்பனனிடம் ஒரு மடையன் திவசம் கொடுத்துக் கொண்டிருந்தானாம். அப்போது பார்ப்பனன் சொல்படி அந்த மடையன் ஆற்றில் உள்ள தண்ணீரைக் கையால் அள்ளித் தெளித்துக் கொண்டிருந்தான். அதன் காரணம் என்ன வென்றால் இவன் இறைக்கும் தண்ணீர் மேல் உலகத்திற்குப் போய் இவனுடைய முன்னோர்களுக்குப் பயன்படு கிறது என்பதாகும். அந்த அடிப்படையில் புரோகிதன் மந்திரம் கூற இவன் தண்ணீர் இறைக்கிறான்.

அப்போது அதைப் பார்த்த ஒருவன், தானும் தண்ணீரைக் கரையின் மேல் வாரி இறைத்தான். அதைக் கண்ட புரோகிதன் நீ ஏன் தண்ணீர் இறைக்கிறாய் என்றதற்கு நான் என்னுடைய ஊரில் உருளைக் கிழங்குத் தோட்டம் வைத்திருக்கிறேன். அதற்குத் தண்ணீர் இறைத்து அதிக நாள்கள் ஆகின்றன. இப்போது நீங்கள் மந்திரம் சொல்லும் போது இறைத்தால் இந்தத் தண்ணீர் என்னுடைய உருளைக்கிழங்குத் தோட்டத்துக்கு போய்ச்சேரும், என்றானாம்.

அதற்குப் புரோகிதன் அது எப்படி அவ்வளவு தூரம் போய்ச் சேரும்? என்று கேட்க அதற்கு இவன் நீங்கள் இன்றைக்கும் தண்ணீர் எங்கேயோ கண்ணுக்குத் தெரியாமல் ஒருவரும் காண முடியாத அவ்வளவு உயரத்தில் இருக்கும் மேல் உலகத்திற்குப் போகிற பொழுது இது இங்கே அடுத்த ஊரில் உள்ள என் தோட்டத்திற்குப் போகாமல் இருக்க முடியுமா? என்று கேட்டானாம். பிறகு புரோகிதன் நம்முடைய சாயம் வெளுத்தது என்று நினைத்து தலைகுனிந்து போய்விட்டானாம்.

(விடுதலை, 21.2.1956)

கோயிலைச்சுற்றுகிறதாம் பேய்!

2010-08-11T05:58:00.000-07:00

அம்மன் சக்தி எங்கே?

மேட்டூர் ஆக 9, கிராமத்தில் உள்ள பக்தர்கள் பலர் உடல்நலக் குறைவால் பாதிப்பதற்கு கோவிலை சுற்றி உலவும் பேய்களே காரணம் என குறி சொன்னதால், நேற்று பக்தர்கள் கோவிலில் இருந்து பேயை விரட்டி அம்மனுக்கு பூஜைகள் செய்தனராம்.

சேலம் மாவட்டம் மேட்டூர் தாலுகா, சாம்பள்ளி கோயில்பாளையம் கிராமத்தில் மாரியம்மன் கோவில் உள்ளது. கிராம மக்கள் நான்கு மாதத்திற்கு முன் கோவிலை புதுப்பித்து குடமுழுக்கு நடத்தினர். குடமுழுக்கு நடத்திய பின், விழா குழுவினர் பலர் உடல் நலக்குறைவால் பாதிக்கப்பட்டதாக தெரிகிறது.அதற்கு என்ன காரணம் என கிராம மக்கள் சிலர் ஒரு சாமியாரிடம் குறி கேட்டுள்ளனர். கோவிலுக்கு கும்பாபிஷேகம் நடத்திய போதிலும், கெட்ட ஆவி ஒன்று கோவிலை சுற்றி உலவுவதால் அம்மனால் பக்தர்களுக்கும், கிராமத்திற்கும் நல்லது செய்ய முடியவில்லை. கோவிலை சுற்றி உலா வரும் பேயை விரட்டினால், விழா குழுவினருக்கு நோய் பாதிப்பு வராது என சாமியார் குறி சொல்லியுள்ளாராம்.

அதனை தொடர்ந்து பக்தர்கள் நேற்று காலை கோவில் அருகிலுள்ள வேப்பமரத்திற்கு பூஜை செய்து, அருகில் மாவில் பொம்மை செய்து, அதில் கோவிலைச் சுற்றி திரியும் ஆவியை அடைத்து, ஊர் எல்லைக்கு வெளியில் கொண்டு சென்று மறைவான இடத்தில் வைத்தனர்.

பின்னர் பேய் ஊருக்குள் நுழையக்கூடாது என்பதற்காக பெண்கள் கிராமத்தின் எல்லையை சுற்றிலும் மஞ்சள் கலந்த தண்ணீர் தெளித்தனர். பேயை விரட்டிய பின் நேற்று மாலை கோவிலில் உள்ள அம்மனுக்கு சிறப்பு பூஜை நடந்ததாம். கோவிலை சுற்றித் திரியும் ஆவியை பக்தர்கள் பூஜை செய்து அகற்றிய சம்பவம் அப்பகுதியில் பரபரப்பை ஏற்படுத்தியதாம்.

இதுகுறித்து அப்பகுதி பொதுமக்கள் சிலர் கூறுகையில், மாரியம்மன் கோவிலுக்கு குடமுழுக்கு நடத்திய பின்னர் நிருவாகிகள் பலர் உடல் நலக்குறைவால் பாதித்தனர். எனவே, அவர்களுக்கு மீண்டும் உடல் நலக்குறைவு வராமல் இருக்கவும், மழை வேண்டியும் மாரியம்மனுக்கு சிறப்பு பூஜை நடத்தி, ஊருக்குள் கெட்ட ஆவிகள் நுழையாமல் இருக்க பெண்கள் ஊர் எல்லையை சுற்றிலும் தண்ணீர் ஊற்றினார்களாம். மற்றபடி எதுவும் இல்லை,'' என்றனர்.
www.viduthalai.com

அட, மூடத்தனத்தின் முடை நாற்றமே!

2010-08-11T05:41:00.000-07:00

ஊருக்குள் ஆவி நடமாட்டமா?

நாமக்கல், ஆக.9, நாமக்கல் அருகே வாகை மரத்தில் குடியேறிய தொழிலாளியின் ஆவி ஊருக்குள் நடமாடி நண்பர்களை மிரட்டுவதாக பரபரப்பு ஏற்பட்டது. இதையடுத்து தொழிலாளியை புதைத்த இடத்தில் கோழிகளை பலியிட்டு சிறப்பு பூஜைகள் செய்தனராம்.

நாமக்கல் மாவட்டம் வேலகவுண்டம்பட்டி அருகே உள்ள செக்குப்பட்டி காலனியில் ஏறத்தாழ 100 குடும்பத்தினர் வசித்து வருகின்றனர். இந்த காலனியை சேர்ந்த லோகநாதன் (வயது 40) என்ற கூலி தொழிலாளி சமீபத்தில் பள்ளிபாளையம் அருகே ரெயிலில் அடிப்பட்டு இறந்தார். இதைத்தொடர்ந்து அவரது உடலை பெற்று வந்த உறவினர்கள் இங்குள்ள சூடுகாட்டில் புதைத்து விட்டனர். இந்த நிலையில் கடந்த 10 நாட்களாக லோகநாதனின் ஆவி, அங்குள்ள வாகை மரம் ஒன்றில் தங்கி கிராமத்திற்குள் நடமாடுவதாக கிராம மக்களிடையே பீதி பரவியது.

இதற்கிடையே அந்த கிராமத்தை சேர்ந்த இளம்பெண் ஒருவருக்குள் அந்த ஆவி புகுந்து கொண்டதாக கிராமமக்கள் கூறுகின்றனராம். அத்துடன் அந்த ஆவி, இளம்பெண் மூலம் லோகநாதனின் நண்பர்களையும் மிரட்டி வந்ததாக கூறப்படுகிறது. எனவே, ஆவியை விரட்ட, கிராம மக்கள் ஊர் எல்லையில் உள்ள முனியப்ப சுவாமியிடம் குறி கேட்டனர். குறி கூறுபவர், வீதி வீதியாக சுற்றிவந்து, ஆங்காங்கே கோழிகளை பலி கொடுத்து, லோகநாதனின் உடலை புதைத்த இடத்தில் சிறப்பு பூஜைகள் செய்தால் மட்டுமே ஆவியை விரட்ட முடியும் என்று கூறினாராம்.

அதன்படி, முனியப்ப சுவாமி வேடம் அணிந்து வந்த பூசாரி இரவில் தீப்பந்தம் ஏந்தி கிராமத்தில் வீதி, வீதியாக வலம் வந்தார். அத்துடன் லோகநாதனின் ஆவி குடியிருப்பதாக கூறப்படும் மரத்திற்கு தீ பந்தம் காட்டப்பட்டது. மேலும், லோகநாதனின் உடல் புதைக்கப்பட்ட இடத்தில் சிறப்பு பூஜைகளும் நடத்தப்பட்டனவாம்.

இந்த பூஜையில் அந்த கிராமத்தில் உள்ள ஆண்கள் கலந்து கொண்டனர். பெண்கள் எவரும் வெளியில் வரவில்லை. தற்போது ஆவி விரட்டப்பட்டு விட்டதாக கிராமமக்கள் நிம்மதியுடன் உள்ளனராம்.
www.viduthalai.com

இலங்கை அரசின் நிவாரணம்: நடவடிக்கை சரியில்லை

2010-08-11T05:22:00.000-07:00

லண்டன், ஆக. 11 இலங் கையில் நடைபெற்ற போருக் குப் பின் மேற்கொள்ளப்பட வேண்டிய நிவாரணப் பணி களை உரிய முறையில் மேற் கொள்ளத் தவறிய செயலுக்கு, இலங்கை அரசின் அறிக்கை யின் அடிப்படையிலேயே இலங்கை அரசுக்கு, உலகின் பல நாடுகளின் ஓய்வு பெற்ற தலைவர்கள் இணைந்து செயல்படும் மூத்தோர் என்னும் அமைப்பின் தலைவர் டெஸ்மாண்ட் டூடு கண்டனம் தெரிவித்துள்ளார்.

ஈழத்தமிழ்க் குடி மக்களின் மீது தற்போது மேற் கொள்ளப்பட்டு வரும் அடக்குமுறை மற்றும் சித்தரவதை யும், மனித உரிமை ஆர்வலர்கள், பத்திரிகையாளர்கள் மற்றும் அரசுக்கு எதிரான கருத்தைக் கொண்டவர்கள் காணாமற்போவதும் உண்மையில் பேரச்சத்தை ஏற் த்துவதாக உள்ளது என்று டூடு கூறியதாக பி.பி.சி. செய்தி நிறுவனம் தெரிவித்துள்ளது. இவர் தென் ஆஃப்ரிக்க நாட்டின் உண்மையைக் கண்டறிந்து, நிவாரணம் தேடும் ஆணையத்தின் முன்னாள் தலைவர் ஆவார்.

பின்லாந்தின் முன்னாள் குடியரசுத் தலைவர்

எவர் ஒருவரும் நம்பிக்கையுடன் எதிர் பார்க்கும் அளவுக்கு இலங்கை அரசு தன் செயல்பாடுகளை உயர்த்திக் கொள்ளவில்லை. அரசின் செயல்பாடுகள் மேலும் வெளிப் படையானவையாக இருக்க வேண்டும் என்பதுடன் முறை யான ஊடகச் செய்திகள் வெளியிடப்பட அனுமதிக்கப்படும் ஒரு சகஜமான சூழ்நிலை நிலவவேண்டும் என்று பின்லாந்து நாட்டின் முன்னாள் குடியரசுத் தலைவர் மார்ட்டி அஹ்திசாரி கூறினார்.

மனித இனத்தின் துன்பங்களுக்கான முக்கிய கார ணங்களைப் போக்க உலகத் தலைவர்கள் பலரையும் உறுப்பினர்களாகக் கொண்ட இந்த மூத்தோர் அமைப்பை நெல்சன் மண்டேலா 2007 ஆம் ஆண்டில் உருவாக்கினார். இலங்கையில் போருக்குப் பின் மேற் கொள்ளப்பட வேண்டிய நிவாரணப் பணிகள் இலங்கையில் இன்னமும் மேற்கொள்ளப்படாமல் இருப்பதும், அரசினைக் குறை கூறுபவர்கள் சித்திரவதை செய்யப்படுவதும் பேரச்சம் தரத்தக்கவை என்று இந்த அமைப்பு தனது அறிக்கையில் குற்றம் சாற்றியுள்ளது.

மனித உரிமைகள் பற்றிய இலங்கை அரசின் மோசமான அணுகுமுறை, நல்லாட்சி தரத் தவறியது, தனது செயல்பாடுகளுக்குப் பொறுப்பாகப் பதில் அளிக்கத் தவறியது ஆகியவற்றைக் கண்டிக்காமல் உலக நாடுகள் அமைதியாக வேடிக்கை பார்த்துக் கொண்டிருப்பது, இது போன்று செயல்பட மற்ற நாடுகளுக்கும் ஊக்கமளிக்கும் என்று இந்த அறிக்கை தெரிவிக்கிறது.

இந்த மூத்தோர் குழுவில் அயர்லாந்து நாட்டின் முன்னாள் குடியரசுத் தலைவர் மேரி ராபின்சன், அய்க்கிய நாடுகள் அவையின் முன்னாள் பொதுச் செயலாளர் கோஃபி அன்னான், அல்ஜீரிய நாட்டின் முன்னாள் அயல்துறை அமைச்சர் லக்தர் பிராஹிமி, அமெரிக்க முன்னாள் அதிபர் ஜிம்மி கார்டர், பின்லாந்து நாட்டின் முன்னாள் குடியரசுத் தலைவர் மார்ட்டி அஹ்திசாரி ஆகியோர் உறுப்பினர்களாக உள்ளனர்.

நீதிக்கட்சி தோன்றக் காரணமே பார்ப்பனர்கள்தான்!

2010-06-09T06:54:00.000-07:00

நிதியமைச்சர் பேராசிரியர் க. அன்பழகன் நீதிக்கட்சி வரலாறு நூல்களை வெளியிட, டி.கே.எஸ். இளங்கோவன் எம்.பி. பெற்றுக்கொண்டார். தமிழர் தலைவர் கி. வீரமணி, நூலாசிரியர் க. திருநாவுக்கரசு, பேராசிரியர் சுப. வீரபாண்டியன், தொ.மு.ச. தலைவர் செ. குப்புசாமி மற்றும் சிங்கார ரத்தினசபாபதி (சென்னை, 8.6.2010).
திராவிட இயக்க ஆய்வாளர் க. திருநாவுக்கரசு தி.மு.க. தொழிலாளர் அணி மாத ஏடான உழைப்பாளி இதழில் 40 மாதங்கள் எழுதிய நீதிக்கட்சி வரலாறு தொடர் நீதிக்கட்சி வரலாறு என்ற பெயரில் இரு தொகுதிகளாக, நூலாக வெளிவந்துள்ளன. 1078 பக்கங்களைக் கொண்ட இந்த இரு தொகுதிகள் நக்கீரன் பதிப்பகத்தால் வெளியிடப்பட்டுள்ளது.

ரூ.1200 விலையுள்ள இந்த இரு தொகுதிகளும், வெளியீட்டு விழா நடைபெற்ற நேற்று (8.6.2010) ரூபாய் ஓராயிரத்துக்கு விற்பனை செய்யப்பட்டது.

இந்த நூலுக்கு முதலமைச்சர் மானமிகு மாண்புமிகு கலைஞர், நிதியமைச்சர் மானமிகு மாண்புமிகு பேராசிரியர் க. அன்பழகன், திராவிடர் கழகத் தலைவர் மானமிகு கி. வீரமணி ஆகியோர் அணிந்துரைகளை வெகுசிறப்புடன் அளித்துள்ளனர்.

நீதிக்கட்சி _ அது தோன்றுவதற்குரிய சூழல் தொடங்கி, நீதிக்கட்சி திராவிடர் கழகமாக பெயர் மாற்றம் பெற்றதுவரை (1944) 108 தலைப்புகளில் எழுதப்பட்டுள்ளது.

திராவிட இயக்கத் தலைவர்களின் அரிய படங்கள், அறிக்கைகள், நீதிக்கட்சியின் சட்ட திட்டங்கள், தலைவர்களின் முக்கிய உரைகள் பிற்சேர்க்கையில் கொடுக்கப்பட்டுள்ளன.

தமிழர் இல்லத்து நூலக அலமாரியில் இடம்-பெறவேண்டிய வைப்பு நிதி என்று தமிழர் தலைவர் மானமிகு கி. வீரமணி அவர்களால் அணிந்துரை வழங்கப்பட்ட இந்த இரு தொகுதிகளின் வெளியீட்டு விழா சென்னை பாவாணர் நூலகக் கட்டடத்தில் நேற்று மாலை (8.6.2010) 7 மணிக்கு நடைபெற்றது.

சென்னையில் மய்யப் பகுதியில் குளிரூட்டப்பட்ட அருமையான இந்த அரங்கம் இதுபோன்ற அறிவு சான்ற விழாக்களுக்கு வெகு பொருத்தமானதாகும்.

மாலை 6 மணிக்கே அரங்கம் நிரம்பி வழிந்தது. பல்துறைப் பெருமக்கள் சங்கமித்தனர்.

நிகழ்ச்சிக்கு தொ.மு.ச. தலைவர் மக்களவை முன்-னாள் உறுப்பினர் செ. குப்புசாமி தலைமை வகித்தார். அவர்தன் உரையில் சுயமரியாதை உணர்வும், இனமான உணர்வும் நம் மக்களிடம் வளர்ந்திட இந்த இரு நூல்களையும் படிக்கவேண்டும் என்று கேட்டுக்-கொண்டார். தொடக்கத்தில் தொ.மு.ச. பொதுச்-செயலாளர் மு. சண்முகம் வரவேற்புரை வழங்கினார்.

தொ.மு.ச.வின் உழைப்பாளி இதழில் வெளிவந்த கட்டுரைகள் இரு தொகுதிகளாக வெளிவருவது எங்-களுக்குக் கிடைத்த பெருமை என்றார் வரவேற்புரை ஆற்றிய தோழர் மு. சண்முகம்.

தொ.மு.ச. செயலாளர் பேரூர் நடராசன் நிகழ்ச்சிக்கு முன்னிலை வகித்தார்.

தொ.மு.ச. பொருளாளர் சிங்கார ரத்தின சபாபதி வாழ்த்திப் பேசினார்.

திராவிட இயக்க ஆய்வாளர் க. திருநாவுக்கரசு

நூலாசிரியர் க. திருநாவுக்கரசு தமது உரையில் திராவிட இயக்க வரலாறு மொத்தம் பத்து தொகுதி-களாகக் கொண்டு வரத் திட்டமிட்டுள்ளதாகவும், இப்பொழுது முதற்கட்டமாக இரு தொகுதிகளாக வெளிவந்துள்ளதாகவும் குறிப்பிட்டார்.

நூலாசிரியர் திருநாவுக்கரசு அவர்களுக்கு தி.மு.க. பொதுச்செயலாளரும், தமிழ்நாடு நிதி அமைச்சருமான பேராசிரியர் பொன்னாடை அணிவித்தார். திராவிடர் கழகத் தலைவர் கி. வீரமணி அவர்களும் ஆடை போர்த்திப் பாராட்டினார். பல்வேறு அமைப்புகளைச் சேர்ந்-தவர்கள் சால்வைகளையும், கைத்தறி ஆடை-களையும் அணிவித்து தத்தம் அன்பினைப் பொழிந்தனர்.

நூல்கள் வெளியீடு

இரு தொகுதிகளையும் மாண்புமிகு நிதியமைச்சர் க. அன்பழகன் வெளியிட வடசென்னை மக்களவை உறுப்பினரும், தி.மு.க. அமைப்புச் செயலாளருமான டி.கே.எஸ். இளங்கோவன் பணம் கொடுத்து முதல் பிரதிகளைப் பெற்றுக்கொண்டார்.

ரூபாய் 800 அளித்து முன்பதிவு செய்து கொண்டவர்-களும், மற்றவர்களும் விழா மேடைக்கு வந்து பேரா-சிரியர் அவர்களிடம் பெற்றுக் கொண்டனர்.

டி.கே.எஸ். இளங்கோவன்

முதல் பிரதிகளைப் பெற்றுக்கொண்ட டி.கே.எஸ். இளங்கோவன் தன்னுரையில் முக்கியமாகக் குறிப்பிட்டதாவது:

தி.மு.க. இன்று ஆட்சிப் பொறுப்பில் இருக்கிறது என்றால், அதற்கு மூல வித்து நீதிக்கட்சியே! தேவதாசி முறை ஒழிப்பு, பள்ளிகளில் தாழ்த்தப்பட்ட சமூகப் பிள்ளைகளும் கட்டாயம் சேர்ப்பு, பேருந்துகளில் தாழ்த்-தப்-பட்டவர்களை அனுமதிக்கவில்லை என்றால், பேருந்து-களின் உரிமம் பறிப்பு, இந்து அறநிலைய சட்டம், இட ஒதுக்கீடு என்கிற அரிய சட்டங்களையும், திட்டங்களை-யும் கொண்டு வந்தது நீதிக்கட்சி ஆட்சியே என்று குறைந்த நேரத்தில் செறிவாகப் பல தகவல்களையும் எடுத்துக் கூறினார்.

பேராசிரியர் சுப. வீரபாண்டியன்

திராவிட இயக்கத் தமிழர் பேரவையின் பொதுச்-செயலாளர் பேராசிரியர் சுப. வீரபாண்டியன் நூலினைத் திறனாய்வு செய்தார்.

எடுத்த எடுப்பிலேயே ஒரு கைதட்டல் அவருக்காகக் காத்திருந்தது. இங்குக் கூடியிருக்கும் அனைவரும் பார்ப்பனர் அல்லாத மக்களின் பிரதிநிதிகள் என்று சொன்னதுதான் அந்தக் கைதட்டலுக்குக் காரணமாகும்.

தமிழர்களுக்கு அரிய சொத்தினைக் கொடுத்ததற்காக நூலாசிரியருக்கு நன்றியைத் தெரிவித்துக் கொண்டார்.

சுமக்கக் கூடாதா?

தொகுதிகள் இரண்டும் கனமானவைதான். சுமந்து செல்லுவதற்குக் கஷ்டம்தான் என்றாலும், இரண்டாயிரம் ஆண்டுகளாக இழிவைச் சுமந்து கிடந்த மக்கள் _ அந்த இழிவைத் துடைக்கும் உந்து சக்தியாக வெளி-வந்திருக்கும் இந்த இரு தொகுதிகளையும் சுமக்கக் கூடாதா என்ற நியாயமான வினாவையும் நயமாகத் தொடுத்தார்.

திராவிடரின் அறிவை அழிப்பதுதான் ஆரியம் தழைக்க வழி என்று வைதீகம் நினைத்தது _ செய்தது என்று பேராசிரியர் அவர்கள் அணிந்துரையில் குறிப்-பிட்டதைப் பீடிகையாகக் கொண்டு தன் திறனாய்வைத் தொடர்ந்தார் சுப.வீ.

இரு தொகுதிகளிலும் உள்ள சில பகுதிகளைச் சுவைபட எடுத்துக்காட்டவும் செய்தார்.

1938 இல் இந்தி எதிர்ப்பின் காரணமாக தந்தை பெரியார் கைது செய்யப்பட்டார். பின் சிறையிலிருந்து விடுவிக்கப்பட்டார்.

ஏ.டி. பன்னீர்செல்வம் அதுபற்றிக் கருத்துக் கூறினார்.

பெரியாருக்குச் சிறையில் ஏதாவது நேர்ந்துவிட்டால், காங்கிரஸ் சர்க்காருக்குப் பெரிய அபகீர்த்தி வரும். அதற்குப் பயந்து கொண்டு விடுதலை செய்து-விட்டார்கள் என்று கூறினார் பன்னீர்செல்வம்.

அதற்கு ஆனந்தவிகடன் எழுதிய பதில் என்ன தெரியுமா? அபகீர்த்திக்குப் பயப்படுபவர்கள்தான் காங்-கிரஸ்காரர்கள். ஆனால், அபகீர்த்தியைப்பற்றிப் பயப்-படாத-வர்கள்தான் நீதிக்கட்சிக்காரர்கள். அவர்களுக்கு வேண்டியது எல்லாம் உத்தியோகம், பதவி, பட்டம், சம்பளம் இவ்வளவுதான் என்று ஆனந்தவிகடன் தலையங்கம் தீட்டியது எல்லாம் இந்நூலில் பதிவாகியுள்ளது. இதன்மூலம் அக்கால பார்ப்பனர்களின் மனப் போக்கைப் புரிந்துகொள்ள முடிகிறது.

நீதிக்கட்சி இந்து அறநிலைய பாதுகாப்புச் சட்டம் கொண்டு வந்ததையும், அதனையொட்டி இப்பொழுது தி.மு.க. ஆட்சியில் சிதம்பரம் நடராஜர் கோயில் அரசின் கட்டுப்பாட்டின்கீழ் கொண்டு வந்ததையும் ஒப்பிட்டார் சுப.வீ.

சிதம்பரம் கோயிலில் ஆண்டு வருமானம் ரூ.37,199 என்றும், செலவு ரூ.37,000 என்றும், மீதி வெறும் ரூ.199 என்றும் நீதிமன்றத்திலேயே கணக்குக் கொடுத்தார்கள் அக்கோயில் தீட்சதர்கள். அக்கோயில் இந்து அறநிலை-யத் துறையின்கீழ் வந்ததும், வெறும் 14 மாதங்களிலேயே ரூபாய் 29 லட்சம் வருமானம் கிடைத்துள்ளது என்ற விவரத்தைப் பொருத்தமாகக் கூறினார்.

கலைஞர் இவ்வளவு திட்டங்களை அறிவித்துச் செயல்படுத்துகிறாரே_ இதற்கெல்லாம் வருவாய் எங்-கிருந்து கிடைக்கிறது என்று கேட்டால், இதுபோல்தான் கிடைக்கிறது (பலத்த கைதட்டல்) என்றார்.

இந்து அறநிலையப் பாதுகாப்புச் சட்டத்தை நீதிக்கட்சி கொண்டு வந்தபோது, சத்தியமூர்த்தி அய்யர் என்ன பேசினார் என்பதை_ இந்த நூலில் குறிப்பிடப்-பட்டுள்ளதை எடுத்துக்காட்டினார்.

ஜஸ்டீஸ் கட்சிக்காரர்கள் இதுவரை கல்வி, உத்தி-யோகத்தைப் பற்றித்தான் பேசி வந்தார்கள். இப்பொழுது கடவுள்மீதும், கை வைத்துவிட்டார்கள். இனியும் இவர்களை விட்டு வைக்கக் கூடாது என்று பேசினார்.

இந்து அறநிலையப் பாதுகாப்புச் சட்டத்தைக் கொண்டு வந்த பிரதம அமைச்சர் பனகல் அரசர் எவ்-வளவு லாவகமாக அதனைச் செய்தார் என்று நூலி-லிருந்து எடுத்துக்காட்டினார். கோபால்சாமி அய்யங்கார் என்ற பார்ப்பனரை சிறப்பு உறுப்பினராக (Expert Member) நியமித்துக் கொண்டுதான் இந்தச் சட்டத்தைக் கொண்டு வந்தார்.

அதேபால, அந்தச் சட்டத்தைக் கொண்டு வந்து நிறை-வேற்றியவுடன், அதன் முதல் தலைவராக நியமிக்-கப்பட்டவரும் ஒரு பார்ப்பனரே _ உயர்நீதிமன்றத்தின் நீதிபதியாக இருந்து ஓய்வு பெற்ற சதாசிவ அய்யர்தான் அவர்.

(யானையைக் கொண்டு யானையைப் பிடிப்பது என்பது இதுதானோ!)

பனகல் அரசரைப்பற்றி பார்ப்பனர்கள் மகாமகா தந்திரசாலி என்று சொல்லுவார்கள் என்று தந்தை பெரியார் குறிப்பிட்டுள்ளார்.

அது இதுதான் போலும்!

நீதிக்கட்சிக்காரர்கள் வெள்ளைக்காரர்களுக்கு விசுவாசிகளாக இருந்தனர் என்ற காங்கிரஸ் குற்றச்சாற்று. உண்மை என்னவென்றால், காங்கிரஸ் மாநாட்டில் வெள்ளைக்காரர்களுக்கு ராஜ விசுவாச தீர்மானம் நிறைவேற்றியது போன்ற தகவல்களையும் எடுத்துக்காட்டத் தவறவில்லை.

ஆதிதிராவிடர் என்று பெயர் மாற்றம், குறவர் மக்களுக்கு 22 சலுகைகள் போன்ற நீதிக்கட்சி ஆட்சி-யின் சாதனைப் பட்டியல் சுப.வீ. உரையில் இடம்-பெற்றிருந்தது.

இனமான பேராசிரியர் க. அன்பழகன்

தி.மு.க. பொதுச்செயலாளரும், தமிழ்நாடு அரசு நிதித்துறை அமைச்சருமான மானமிகு மாண்புமிகு பேராசிரியர் க. அன்பழகன் அவர்கள் இறுதியாக ஆற்றிய உரையில் முக்கியமாகக் குறிப்பிட்டதாவது:

நூலாசிரியரின் முயற்சி என்பது பெரிய முயற்சி. தேடித்தேடி ஆதாரங்களைக் குவித்து நூல் உரு-வாக்கப்பட்டுள்ளது. வெறும் உரைகள்மூலம் விளங்கிக் கொள்ள முடியாது. படிப்பதன்மூலமாகத்தான் தெரிந்து-கொள்ள முடியும். திராவிட இயக்கத்துக்குக் காப்பு அரண் இந்நூல்.

யாருக்கு அய்யம் ஏற்பட்டாலும், புரிந்துகொள்ளவும், தெளிந்து கொள்ளவும் இந்நூல் பயன்படும்.

சமூகநீதிக்காகத் தோன்றியதுதான் நீதிக்கட்சி. அந்நாளில் வெள்ளைக்காரனை விரட்டத் தோன்றியது காங்கிரஸ் கட்சி.

கல்கத்தாவில் காங்கிரஸ் மாநாடு நடந்தது. அதில் முன்னாள் நீதிபதி சங்கரன் நாயரும் கலந்துகொண்டார். காங்கிரஸ்காரரான சீனிவாசய்யரும் போயிருந்தார். மாநாடு முடிந்தது. சங்கரன் நாயரைப் பார்த்து சீனிவாசய்யர் சொன்னார்: சங்கரா நீ உன் பந்திக்குப் போ! நான் எங்கள் பிராமணன் பந்திக்குப் போகிறேன் என்றார். காங்கிரஸ் மாநாட்டிலே இப்படி ஒரு பேதமா? உறுத்தியது சங்கரன் நாயருக்கு.

சர் பிட்டி தியாகராயர் சென்னை மாநகர மேயர். பெரும் தனவந்தர். சென்னை மயிலாப்பூர் கோயில் கும்பாபிஷேகத்துக்கு ரூ.500 நன்கொடையும் வழங்கி இருந்தார். அந்தக் காலத்தில் 500 ரூபாய் என்றால், இப்பொழுது ரூபாய் 5 லட்சத்துக்குச் சமம்.

புத்தி வந்தது தியாகராயருக்கு

கும்பாபிஷேகத்தன்று என்ன நடந்தது? சென்னை கார்ப்பரேஷனில் தியாகராயருக்கும் கீழே வேலை செய்யும் பார்ப்பனர்கள் விழா மேடைக்குச் சென்றார்கள். நானும் வரலாமா? என்று கேட்டார் தியாகராயர். நீங்கள் எல்லாம் வரக்கூடாது _ மீறி வந்தால் தோஷம் ஏற்பட்டுவிடும் என்றார்கள். அப்பொழுதுதான் முதன்முதலாகப் புத்தி வந்தது தியாகராயருக்கு.

டாக்டர் டி.எம். நாயர் மலையாள நாட்டைச் சேர்ந்த-வர். மாரவாட் மாதவநாயரான டி.எம். நாயர் மருத்துவத் துறையில் முதுகலை பட்டம் பெற்றவர். பட்டம் பெற்ற-வுடன் சொந்த ஊருக்குச் சென்றார். அங்கிருந்த நம்-பூதிரிகள் நாயரைப் பார்த்துக் கேட்டனர்.

சூத்திரனாகிய நீ எல்லாம் வெளிநாடு சென்று படிக்கலாமோ? என்று கேட்டனர். உறுத்தியது டாக்டர் நாயருக்கு.

அப்பொழுதெல்லாம் சென்னையில் பார்ப்பனர்கள் நடத்தும் உணவு விடுதிகளில் பார்ப்பனர் அல்லாதார் முதலியார், பிள்ளை, செட்டியார் என்று எந்தப் பயலும் உள்ளே சென்று சாப்பிட முடியாது.

அந்த நேரத்தில்தான் டாக்டர் சி. நடேசனார் தமிழின மாணவர்களுக்காக விடுதி _ ஹாஸ்டல் ஒன்று ஏற்பாடு செய்தார்.

டாக்டர் முத்துலட்சுமி அம்மையார் கோயில்களில் பெண்களைப் பொட்டுக்கட்டிவிடும் தேவதாசி ஒழிப்பு மசோதாவைக் கொண்டு சென்றார்.

சத்தியமூர்த்தி அய்யர் போன்ற பார்ப்பனர்கள் எதிர்த்தனர். தேவதாசி முறை என்பது தெய்வகாரியம்; அதில் அரசாங்கம் தலையிடக் கூடாது என்று வாதாடினர்.

முத்துலட்சுமி அம்மையார்தான் பதிலடி கொடுத்தார் சட்டசபையில், அந்தத் தெய்வ காரியத்தை இதுவரை நாங்கள் செய்து வந்தோம்; இனிமேல் அந்தத் தெய்வ காரியத்தை உங்கள் குடும்பப் பெண்கள் செய்யட்டுமே! என்றார் (பலத்த கரவொலி) அடங்கிப் போனார்கள்.

குடந்தையிலே அரசு கல்லூரியில் பார்ப்பன மாணவர்-களுக்குத் தனித் தண்ணீர்ப் பானை. பார்ப்பனர் அல்லாதாருக்குத் தனித் தண்ணீர்ப் பானை. அதனை எதிர்த்துத் தோன்றியதுதான் திராவிடர் மாணவர் கழகம்.

சேரன்மாதேவியில் நடந்தது என்ன?

சேரன்மாதேவியில் காங்கிரஸ் சார்பில், அதன் நிதியில் குருகுலம் நடத்தப்பட்டது. வ.வே.சு. அய்யர்தான் அதன் நிருவாகி. பார்ப்பனர்களுக்குத் தனிப் பந்தி, முதல் பந்தி, பார்ப்பனர் அல்லாதாருக்கு வேறு பந்தி. ஏன் இந்தப் பேதம் என்று எதிர்த்துக் கேட்டார் பெரியார்.

இதுதான் அய்தீகம் என்றார் வ.வே.சு. அய்யர். பெரி-யாருக்குக் கோபம் வந்தது, இழுத்து மூடினார்.

1905 இல் நீதிபதி சங்கரன்நாயர் ஒரு கருத்தைச் சொன்னார். இந்தியாவில் ஜாதி ஏற்ற தாழ்வு இருக்-கிறது. மேநாடுகள்போல ஜனநாயக அரசாங்கத்தை நாம் நடத்த முடியாது. நாம் சுதந்திரம் பெறவும், அனு-பவிக்-கவும் தகுதி உள்ளவர்கள்தானா? என்ற கேள்வியை எழுப்பினார்.

ஹிந்து பத்திரிகை கண்டித்தது. ஆசிரியருக்குக் கடிதங்கள் பகுதியில் எழுதினார்கள்.

ஒரு நீதிபதியாக இருந்துகொண்டு சுதந்திரத்துக்கு விரோதமாகப் பேசலாமா? என்றெல்லாம் ஆத்திரம் பொங்க எழுதித் தீர்த்தார்கள்.

அப்பொழுது பாரதியாரும் ஒரு கடிதத்தை எழுதினார் இந்து ஏட்டுக்கு. இந்து ஏட்டில் அது வெளிவந்தது.

நீதிபதி சங்கரன் நாயர் அப்படி என்ன சொல்லி-விட்டார்? இங்கிலாந்து நாட்டில் செருப்புத் தைக்கும் ஒரு தொழிலாளி பிரதமராக வர முடியும்; இந்தியாவில் அந்த நிலை உண்டா?

சமஸ்கிருதம் படித்த ஒரு பார்ப்பனர் அல்லாதார் சங்கராச்சாரியாராக வர முடியுமா? என்று அந்தக் கடிதத்தில் பாரதியார் குறிப்பிட்டு இருந்தார்.

உண்மையைச் சொல்லப்போனால், நீதிக்கட்சியை உண்டாக்கக் காரணமாக இருந்தவர்களே பார்ப்பனர்கள்தான் (பலத்த கரவொலி!).

நான் உயர் நிலைப் பள்ளியில் படிக்கத் தொடங்கிய காலத்திலிருந்து ஒவ்வொரு வகுப்பிலும் எனக்கு ஆசிரியராக வந்தவர்கள் அனைவரும் பார்ப்பனர்களே.

38 ஆசிரியர்கள் அந்தப் பள்ளியில் பணியாற்றி-னார்கள் என்றால், இரண்டே இரண்டு பேர்கள்தான் பார்ப்பனர் அல்லாதார். ஒருவர் மேன்யுவல் டிராயிங் ஆசிரியர்; இன்னொருவர் தமிழாசிரியர்.

எங்கள் ஆசிரியர் வகுப்பிலேயே எப்படியெல்லாம் பேசுவார்? பார்ப்பன மாணவன் சரியாகப் படிக்கா-விட்டால், நீ ஒழுங்காகப் படிக்காவிட்டால், தர்ப்பைப் புல்லை எடுத்துக்கொண்டுதான் போகவேண்டும். அப்படிப் போகத்தான் உனக்கு ஆசையா? என்று கேட்பார்.

பார்ப்பனர் அல்லாத மாணவன் ஒழுங்காகப் படிக்காவிட்டால், மாடு மேய்க்கப் போகவேண்டியவன் எல்லாம் படிக்க ஆசைப்படலாமா? சுடுகாட்டில் வேலை செய்கிறவன் பிள்ளை படிக்க வந்தால், படிப்பும் சுடுகாட்டுக்குத்தான் போகும் என்று வெளிப்படை-யாகவே வகுப்பில் பேசுவார்கள்.

அப்படியெல்லாம் அவர்கள் பேசியதால்தான் நான் இந்த இயக்குத்துக்கு வந்தேன் (பலத்த ஆரவாரம்!).

சூத்திரன் என்று அப்பொழுதெல்லாம் வெளிப்-படையாக சொல்லுவார்கள். டாக்டர் படித்த பார்ப்-பான்கூட, எதிரே ஒரு சூத்திரன் வந்தால், ஏன் தள்ளிப் போகக்கூடாதா? உரசிக்கிட்டுத்தான் போகவேண்டுமா? என்று கேட்பார்.

இப்பொழுது சூத்திரன் என்று சொல்லத் தைரியம் உண்டா? இதுதான் நீதிக்கட்சியின், சுயமரியாதை இயக்கத்தின் சாதனை.

ஆனால், நம்ப ஆளு இதனை மறந்துவிட்டானே!

நாம் இன்று அமைச்சராக இருக்கலாம். நம் பதவிகள் மட்டும்தான் கண்களுக்குத் தெரிகிறது.

இந்த நிலை எல்லாம் எப்படி வந்தது? எப்பொழுது வந்தது? பட்டம் பெற்று இருக்கிறான். பெரிய பெரிய உத்தியோகங்களிலும் இருக்கிறான். இவை எல்லாம் எந்தப் பயலின் சொந்த யோக்கியதையில் வந்தது? (கைதட்டல்).

நீதிக்கட்சி போட்ட பிச்சையல்லவா இவை எல்லாம்? (பலத்த கைதட்டல்) என்று கூறினார் பேராசிரியர்.

இறுதியாக உழைப்பாளி இதழின் துணை ஆசிரியர் ஆ.சீ. அருணகிரி நன்றி கூறிட, இரவு 8.45 மணிக்கு நூல் வெளியீட்டு விழா நேர்த்தியாக நிறைவுற்றது.

பாராட்டு

ஒளி அச்சு_ டி. சீனிவாசன், ஓவியர் _ அலாய் சியஸ், நக்கீரன் பதிப்பகம் _ தி. சிற்றரசு ஆகியோர்க்கு நிதி அமைச்சர் பேராசிரியர் சால்வைகள் போர்த்திச் சிறப்பு செய்தார்.

மின்சாரம்

வாழும் கலை ரவிசங்கரின் பின்னணி என்ன?

2010-06-07T21:22:00.000-07:00

வாழும் கலை போதிக்கும் சிறீ ரவிசங்கர் என்பவர் பார்ப்பன ஊடகங்களால் தூக்கிப் பிடித்து நிறுத்தப்-படுகிறார். ஆசிரமவாசிகளின் அந்தரங்கங்கள் எல்லாம் ஆபாசமானதாகவும், அருவருப்பானதாகவும், மக்களைச் சுரண்டுவதாகவும், பொருள் குவிப்பதாகவும்தான் இருந்து வருகின்றன. அன்றாடம் வரும் தகவல்கள் எல்லாம் இதனை உறுதிப்படுத்துகின்றன.

ரமணரிஷி என்ற ஒருவர் திருவண்ணாமலையில் இருந்தார். ஆன்மிகத்தின் பெயரால் கோடி கோடியாக பணம் சம்பாதித்தார். கடைசியில் தன் அண்ணன் மகனுக்கு அந்தச் சொத்துகளை எழுதி வைத்தார். அது தொடர்பான வழக்கு நீதிமன்றம் சென்றது. துறவிக்கு_ - சந்நியாசம் வாங்கியவருக்கு அண்ணன் மகன் என்ற உறவெல்லாம் கிடையாதே என்று நீதிமன்றத்தில் குறுக்கு விசாரணை நடந்தபோது, நான் துறவியல்லவே! நான் எப்போது சந்நியாசம் வாங்கினேன்? என்று பல்டி அடித்தாரா இல்லையா?

பெரிய பெரிய ஆசிரமம் நடத்துபவர்கள் எல்லாம் பெங்களூருவை ஏன் தேடிச் செல்கிறார்கள் என்பது மிக முக்கியமான கேள்வியாகும். அரசியல்வாதிகளாக அங்கு இருப்பவர்கள் பெரும்பாலோர் ஆன்மிகவாதி-களாக இருக்கிறார்கள் என்பது ஒரு காரணமாக இருக்கலாம்.

யோகா என்று கூறப்படும் உடற்பயிற்சிக் கலையை ஆன்மிகக் குதிரையில் பூட்டி சவாரி செய்கிறார்கள் இந்த ஆசிரமவாசிகள். இடை இடையே வசீகரமான, ஆளை மயக்கும் உபந்நியாசங்கள்! அதில் ஏமாந்த சீட கோடிகள் இவர்களுக்காக எதையும் செய்யத் தயாராக இருக்கிறார்கள்.

இந்த ரவிசங்கரின் பூர்வோத்திரத்தை அறிந்தவர்கள் ஆசாமி ஏதோ வேடம் போடுகிறார் என்பதை எளிதில் தெரிந்து கொள்ளலாம். ஊரை விட்டு ஏன் ஓடிவந்தார் என்பதெல்லாம் அவருக்கு மரியாதையைச் சேர்க்கக்-கூடியதல்ல.

நித்தியானந்தா சாமியாருக்கு ஏற்பட்ட நெருக்-கடிக்குப் பிறகு இந்த சாமியார்களுக்கு எல்லாம் நெரி கட்டிவிட்டது. தங்களைத் தக்க வைத்துக் கொள்வதில் அதிக அளவு கவனம் செலுத்த வேண்டிய நெருக்கடிக்கு ஆளாகி விட்டனர்.

பெங்களூருவில் உள்ள ரவிசங்கரை நோக்கி யாரோ சுட்டதாக ஒரு தகவல்! காவல்துறையின் புலன் விசாரணை ஒரு விதமாக இருக்கிறது; ரவிசங்கர் தரப்பில் வேறு வகையாகச் சொல்லப்படுகிறது.

ரவிசங்கர் சீடர்களுக்குள் பிரச்சினை இருக்கிறது. அதன் விளைவாக இந்தத் துப்பாக்கிச் சூடு நடந்திருப்பதாகக் காவல் துறை கூறுகிறது.

இதுபோல பல சாமியார்களுக்கும் ஏற்கனவே பல நிகழ்வுகள் நடந்திருக்கின்றன. புட்டபர்த்தியில் சாயிபாபாவைக் கொலை செய்வதற்குச் சீடர்கள் முயற்சித்த போது, அறைக்குள் ஓடிப்போய் தாழ்ப்பாள் போட்டுக் கொண்டதால் உயிர் தப்பித்தார்.

அமிர்தானந்த மயி அம்மையாரை ஒரு சீடன் கத்தியால் குத்த முயன்ற நிகழ்ச்சியும் இந்த இடத்தில் நினைவு கூரத்தக்கதாகும். அதுபோல இப்பொழுது ரவிசங்கர் விஷயத்திலும் நடந்திருக்கிறது.

ரவிசங்கர் விஷயத்தில் வேறு சில கருத்துகளும் கூறப்படுகின்றன. ரவிசங்கருக்கு இப்பொழுது ஒய் பிரிவு பாதுகாப்புத்தான் அளிக்கப்பட்டு வருகிறது. அவருக்கு இசட் பிரிவு பாதுகாப்பு கொடுக்கப்பட வேண்டும் என்பதற்காக ஆர்வக் கோளாறினால் அவருடைய சீடர்கள், பக்தர்கள் இந்த வேலையைச் செய்திருக்கலாம் என்ற ஒரு கருத்தும் வெளிவந்துள்ளது.

(ஆண்டவனோடு அந்தரங்கத்தில் பேசுபவர்களுக்கு ஒய் பாதுகாப்பு, இசட் பாதுகாப்பு தேவையா?)

தன் மீது பக்தர்கள் மத்தியில் அனுதாபம் வரு-வதற்குக்கூட கில்லாடி சாமியார் இது போன்ற சித்து விளையாட்டுகளில் ஈடுபட்டிருக்கலாம். எது உண்மையோ அது வெளியில் கொண்டு வரப்-பட்டே தீர வேண்டும்! கெட்ட நோக்கத்தோடு துப்பாக்-கிச் சூடு நடந்திருந்தால், குற்றவாளி கண்டு பிடிக்கப்-பட்டு கண்டிப்பாகத் தண்டிக்கப்பட்டே ஆகவேண்டும்.

அதே நேரத்தில் இந்தச் சாமியார்களின் அன்றாட வேலைகள் என்ன? அவர்களால் மேற்கொள்ளப்படும் பணிகளால் சமுதாயத்திற்கு நன்மையா? அல்லது தனி மனிதருக்கு நன்மையா? என்பதெல்லாம் அறிவியல் ரீதியில் ஆராயப்பட வேண்டும்.

இந்தச் சாமியார்களின் வேடத்தை நம்பும் மக்கள் தங்கள் ;பொருள்களை இழக்கிறார்கள், காலத்தைக் கரியாக்கு கிறார்கள். இந்த மனிதசக்தி நாசத்திலிருந்து காப்பாற்றப்பட வேண்டும்.

மேலும் இவர்களுக்கு இவ்வளவு சொத்துகள் எப்படி குவிகின்றன? வரவுக்கான கணக்குகள் என்ன? வெளிநாடுகளில் கூட சொத்துகளைக் குவித்து உள்-ளார்களே, இது எப்படி சாத்தியம்? (சந்திரா சாமியார்கள் ஆயுத பேரம் நடத்தி கோடீஸ்வரர்கள் ஆக-வில்லையா?)

சமுதாயத்தில் பல அவலங்கள் தலை தூக்குவதற்கு இந்தச் சாமியார் தொழில் கரணியாக இருப்பதால் இதன் பின்னணியைக் கண்டறிந்து தீர்வு காணவேண்டியது மிகவும் அவசியமாகிறது.

சாமியார்களால் சமுதாய முன்னேற்றத்திற்கோ, பொருளாதார வளர்ச்சிக்கோ ஒன்றும் ஆகப் போவதில்லை; மாறாக மனித சக்தி பாழ்படுத்தப்படுகிறது. இது குற்றங்களிலேயே மாபெரும் குற்றமாகும். எனவே இவர்கள் மீது விசாரணைகள் அவசியம்தேவை! மத்திய மாநில அரசுகள் அலட்சியப்படுத்தக்கூடாது!

ராஜபக்சே திருத்தவே முடியாத ஒரு சிங்களத் தீவிரவாதி:

2010-06-07T21:20:00.001-07:00

சிங்கப்பூரின் முதல் பிரதமர் லீ குவான் யூ பரபரப்பு

சிங்கப்பூர்: இலங்கை அதிபர் ராஜபக்சே ஒரு சிங்களத் தீவிரவாதி. அவரை திருத்தவே முடியாது என்று சிங்-கப்பூரின் முதல் பிரதமரும், சிங்கப்-பூரின் நவீன சிற்பியும், தற்போதைய பிரதமரின் தந்தையுமான லீ குவான் யூ பரபரப்பாக கூறியுள்ளார். ‘Citizen Singapore: How To Build A Nation’ என்ற நூலில்தான் இவ்வாறு ராஜபக்சே குறித்து படு காட்டமாக கூறியுள்ளார் லீ.

அதில் சில பகுதிகள்...

இலங்கையில் சிங்களவர்கள் எப்-போது முதல் இருக்கிறார்களோ அப்-போதிலிருந்தே தமிழர்களும் இருக்-கின்றனர்.

தமிழர்களும் சிங்களவர்களும் இணைந்து வாழ்வதற்கான சூழல் இல்லை. இலங்கை ஒற்றை நாடாக இருக்கும் வரை மகிழ்ச்சியான நாடாக இருக்க முடியாது.

இலங்கையில் தமிழர்களுக்காகப் போராடி வந்த விடுதலைப்புலிகள் வீழ்த்தப்பட்டுவிட்டனர். இதன் மூலம் இலங்கை இனச் சிக்கலுக்குத் தீர்வு காணப்பட்டுவிட்டது என்று இலங்கை அதிபர் ராஜபக்சே கூறி வருகிறார். இதை மற்றவர்களும் நம்ப வேண்டும் என்று எதிர்பார்க்கிறார். ஆனால், தமி-ழர்கள் அடங்கிக் கிடக்க மாட்டார்-கள். சிங்களவர்களுக்குப் பயந்து ஓடி விடவும் மாட்டார்கள்.

இலங்கை அதிபர் ராஜபக்சேவின் பேச்சுக்களை நான் படித்திருக்கிறேன். அவர் ஒரு சிங்களத் தீவிரவாதி. இதை நான் நன்றாக அறிவேன். அவரது மனதை மாற்றவோ, அவரைத் திருத்-தவோ முடியாது என்று கூறியுள்ளார் லீ.

நூலாசிரியர் கேட்ட சில கேள்வி-களுக்கு லீ அளித்துள்ள பதில்கள்...

இலங்கை இன்று மகிழ்ச்சியுடன் இல்லை. மெஜாரிட்டியான சிங்கள-வர்கள், விடுதலைப் புலிகளை அழித்து-விட்டனர். உண்மைதான். ஆனால், சிறுபான்மையினரான தமி-ழர்களை வெல்லும் தகுதியும், துணிச்-சலும் அவர்களுக்கு நிச்சயம் இல்லை. யாழ்ப்பாணம் தமிழர்களை அவர்-களால் நிச்சயம் வெல்லவே முடியாது. அதனால்தான் அவர்களை நசுக்கி, ஒடுக்க முயலுகிறார்கள். முன்பும் இப்படித்தான் செய்தார்கள். இது-தான் ஆயுதப் போராட்டமாக வெடித்தது. இப்போதும் அதையே செய்ய முய-லுகிறார்கள். ஆனால் ஒட்டுமொத்த தமிழ் இனத்தையும் அழித்து விட முடியும் என்ற அவர்களின் எண்ணம் நிச்சயம் ஈடேறாது என்று நான் கருதுகிறேன். இலங்கையில் இன்று நடந்துகொண்டிருப்பது அப்பட்ட-மான ஓர் இன அழிப்பு என்பதில் சந்தேகமே இல்லை.

தமிழர்கள் மீண்டும் ஆயுதப் போராட்டத்தை தொடங்குவார்களா என்பதை என்னால் சொல்ல முடி-யாது. ஆனால் நிச்சயம் தமிழர்கள் பொறுமையோடு நீண்ட காலம் காத்திருக்க மாட்டார்கள் என்றே நான் கருதுகிறேன். அதற்கேற்பத்தான் சிங்கள அரசு இப்போது நடந்து-கொண்டிருக்கிறது.

என்னைப் பொறுத்தவரை, சிங்-களவர்களை விட தமிழர்களுக்குத்-தான் அதிக மரியாதை தரப்பட வேண்டும். அதற்கு முற்றிலும் தகுதி-யானவர்கள் தமிழர்கள்தான். மலே-சியா, சிங்கப்பூரில் போய்ப் பார்த்தால் மலாய் இனத்தவரை விட சீனர்களும், தமிழர்கள் உள்-ளிட்டோரும்தான் கடுமையாக உழைக்கிறார்கள். அதேபோல இஸ்ரேலியர்களும், ஜப்பானியர்-களும் மிகக் கடுமை-யான உழைப்பாளிகள். எதிர்கால உலகம் சீனர்கள் மற்றும் ஆசியர்களிடம்-தான் இருக்கப் போகிறது என்று கூறியுள்ளார் லீ.

இந்த நூலை முன்னணி பத்-திரிகையாளரும், லாஸ் ஏஞ்சல்-ஸைச் சேர்ந்தவருமான பேராசி-ரியர் டாம் பிளேட், லீயிடம் பேட்டி கண்டு எழுதியுள்ளார். இதை வெளியிட்ட நிறுவனம் டைம்ஸ் குழுமத்தைச் சேர்ந்தது என்பது குறிப்பிடத்தக்கது.

தமிழர்களும், சிங்களவர்களும் இணைந்து வாழவே முடியாது, தமிழ் ஈழம் மலர்ந்தால்தான் இலங்கையில் அமைதி திரும்பும் என்பதை தனது கருத்தின் மூலம் அழுத்தம் திருத்தமாக லீ வலி-யுறுத்தியுள்ளார் என்பது குறிப்-பிடத்தக்கது.

எனக்கு நீ வேண்டாம், தேவை-யில்-லாத சுமை என்று ஒரு நாள் மலேசியா, சிங்கப்பூரை தனியாக கழற்றி விட்டது. அப்போது நிலை குலைந்து போனார்கள் சிங்கப்பூர் மக்கள். ஆனால் அவர்களைத் தேற்றி, தனது தலைமையில் சிங்-கப்பூரை இன்று அட்டகாசமான பொருளாதார சக்தியாக மாற்றிய பெருமைக்குரியவர் லீ குவான் யூ என்பது குறிப்பிடத்தக்கது

பலே அரசு!

2010-06-07T21:03:00.000-07:00

மயிலாடன்

கேள்வி: ஏராளமான கோயில்கள் தோன்றிக் கொண்டே இருக்கிறதே, பெரியாரின் கடவுள் மறுப்புக் கொள்கைகள் புதைகுழிக்குள் போய்விட்டதா?

- ச.ந. தர்மலிங்கம்,
சத்தியமங்கலம்

பதில்: புதிதாய்த் தோன்று-வது கோயில்கள் அல்ல; உண்டியல்கள். பெரியாரின் கொள்கைகள் புதை குழியில் போவதற்கானவை அல்ல. புதை குழியில் புதைய இருப்-பவர்களைக் காப்பாற்றுவ-தற்காக.

(குமுதம், 9.6.2010, பக்கம் 18, அரசு பதில்கள்)

பரவாயில்லையே, அரசு உருப்படியாக ஒரு பதிலை சித்திரம் செதுக்கியதுபோல பிசிறு இல்லாமல் கடைந்தெ-டுத்து வார்த்துக் கொடுத்துள்-ளாரே _ பலே, பலே! என்று பாராட்டவேண்டும்தான்!

கோயில்களில் உண்டியல் வைக்கக்கூடாது என்று ஒரு சட்டம் போடட்டும் _ முதலில் கோயில் அர்ச்சகனே கோயி-லுக்குப் போவானா என்பது-தான் முக்கிய கேள்வியாக இருக்கும்.

இந்து அறநிலையத்துறை சிதம்பரம் கோயிலுக்குள் உண்டியலை வைத்து, தன் கட்டுக்குள் அதனைக் கொண்டு வந்து விட்டது என்றவுடன், அந்தக் கோயில் தீட்சதப் பார்ப்பனர்கள் என்ன செய்தார்கள்? நமக்குக் கிடைக்காதது நாசமாகப் போகவேண்டும் என்ற பரந்த இதயத்தால் அந்த உண்டிய-லுக்குள் எண்ணெய்யையும், நெய்யை-யும் ஊற்றி ரூபாய் நோட்டு-களைப் பாழடித்-தார்களே _ அதன் பொருள் என்ன?

சாணக்கியனாகிய கவுடில்-யனின் திட்டப்படி கோயில்கள் என்பவை வருவாய்க்காக அரசன் பயன்படுத்திக் கொள்ளவேண்டும் என்பது-தானே!

பக்தி என்பது ஒரு பிசி-னஸ் என்று சங்கராச்சாரியார் கூறவில்லையா? கொலை, கொள்ளை செய்யத் துணி-கிறவர்களில் அனேகப் பேர் பக்தர்களாகவே இருந்து, ஆண்டவனிடத்தில் பிரார்த்-தனை செய்துகொண்டு தப்பித்-துக் கொள்வதற்கு வழி தேடு-கிறார்கள். நாத்திகத்திற்கும் இப்படி எடுத்துப் போவதற்கும் சம்பந்தம் இருப்பதாக நான் நினைக்கவில்லை. பொதுவாக பேராசை ஜாஸ்தியாகிவிட்டது. பணமுடை அதிகரித்துள்ளது.

_இப்படி சொல்லியிருப்-பவர் யார் என்றால் காஞ்சி ஜெயேந்திர சரஸ்வதிதான் (குமுதம், 12.9.1996)

உண்மை இவ்வாறு இருக்-கும்போது பெரியாரின் கடவுள் மறுப்புக் கொள்கை புதை குழிக்குள் போய்விட்டது என்று கூறுவது அபத்தமே!

தங்கத்தாலேயே கோயில் முழுவதும் ஒருவர் கட்டுகிறார் என்றால், இதற்குப் பணம் கொடுத்தவர் பகவானா? மக்களைச் சுரண்டுவது, தவ-றான வகையிலே கறுப்பாக வந்தது இந்தப் பணம் என்-ப-தல்லாமல், வேறு என்னவாம்?

கடவுளின் பெயரால், பக்தியின் பெயரால் பாமர மக்கள் சுரண்டப்படுகிறார்கள்.

அப்பாவிப் பெண்கள் கோயில் கருவறைக்குள்ளேயே கற்பழிக்கப்படுகிறார்கள் (கர்ப்பக்கிரகம் என்றால், கர்ப்-பத்தை உண்டாக்கும் கிர-கமோ!) அந்தக் கடவுளும் அதனைப் பார்த்துக்கொண்டே கையாலாகாதவனாக இருக்-கிறான்.

பெரியார் கொள்கை தோற்-றது என்பதற்கு இதுதான் அடையாளமா? கோவில் விபச்சார விடுதி என்று காந்-தியார் சொன்னதும் நிரூபிக்-கப்பட்டு விட்டதே!

இந்தப் பக்திப் புதை குழியில் புதைய இருப்பவர்-களைக் காப்பதற்காகத்தான் பெரியார் கொள்கை என்று குமுதம் அரசு கூறியிருப்பது மிகமிகப் பிரமாதம்! (Million Dollar Answer).

பக்தி வேடம் போட்ட ஒரு பார்ப்பனப் பெருச்சாளி குமுதம் நிதியைப் பெரும் அளவுக்குச் சுரண்டியது!

அரசுவின் பதிலில் அனுபவமும் கைகோக்கிறது _ என்று நம்பலாம்!

நன்றி- www.viduthalai.com

ஈழத் தமிழர்கள் வாழ்வுரிமைக்கு இலங்கை அரசு வழி செய்ய வலியுறுத்த வேண்டும்

2010-06-07T20:53:00.000-07:00

நவீன சிங்கப்பூரின் சிற்பி லீ குவான் யூ கூறுவதைக் கேளுங்கள்! கேளுங்கள்!!
சிங்களர்களும், தமிழர்களும் சேர்ந்து வாழவே முடியாது!
இனப் படுகொலை செய்த ராஜபக்சேவுக்கு இந்திய அரசின் சிவப்புக் கம்பள வரவேற்பா?
முதலமைச்சர் கலைஞர் பிரதமருக்கு எழுதியுள்ள கடிதம் மிக முக்கியமானது - அவசியமானது

ஈழத் தமிழர்களைக் கொன்று குவித்த இன வெறியர் ராஜபக்சே இந்தியாவுக்கு வரும் நிலையில், ஈழத் தமிழர்களுக்கு வாழ்வுரிமைக்கு வழி செய்ய ராஜபக்சேயை இந்தியப் பிரதமர் வலியுறுத்த வேண்டும் என்று முதலமைச்சர் கூறியதைச் சுட்டிக்காட்டி, திராவிடர் கழகத் தலைவர் கி. வீரமணி தம் அறிக்கையில் வலியுறுத்தியுள்ளார்.

அறிக்கை வருமாறு:

இலங்கையில் தமிழினப் படுகொலையைக் கூச்ச-நாச்சமின்றி செய்த இலங்கை அதிபர் சிங்கள ராஜபக்சே டில்லி வருகிறாராம்!

2009 ஆம் ஆண்டு டிசம்பருக்குள் முள்வேலி முகாம்-களில் உள்ள தமிழர்கள் அவரவர் இடத்திற்கு அனுப்பப்பட்டு, குடி அமர்த்தப்படுவார்கள் என்று அவர் கொடுத்த வாக்குறுதி காற்றில் பஞ்சாய்ப் பறந்துவிட்டது!

ஈழத் தமிழர்கள் வாழ்வு நாயினும் கேடாய் நலிவுற்ற நிலையில் உள்ளதை அறிந்து, இங்குள்ள உணர்ச்சி-யுள்ள தமிழர்கள் இரத்தக் கண்ணீர் வடிப்பதைத் தவிர வகையறியாது தவிக்கும் நிலை!

பாழாய்ப் போன தமிழ்நாட்டு அரசியல்!

பாழாய்ப் போன தமிழ்நாட்டுப் பதவி அரசியல், அனை-வரும் ஒன்றுபட்டு _ இப்பிரச்சினையில் ஒரே அணியில் நின்று குரல் கொடுப்பதைத் தடுத்து வருவ-தோடு, இன எதிரிகளுக்கு இது ஒரு வாய்ப்பாகவும் அமைந்துவிடுகிறது!

ராஜபக்சே நடத்திய இலங்கைப் போர் _ உண்மை-யில் விடுதலைப்புலிகளுக்கோ, தீவிரவாதத்திற்கோ எதிரானதாக நடத்தப்படவில்லை. அது ஈழத் தமிழர்-களை அழித்தொழிப்பதற்காகவே என்பதை, இப்பிரச்-சினையை நடுநிலைக் கண்ணோட்டத்தோடு, எவ்வித ஆசாபாசமும், மன ஒதுக்கீடும் இல்லாது பார்க்கும் மிகப்-பெரிய உலக நிருவாகிகளும், எழுத்தாளர்களும் எப்படி பார்க்கின்றனர் என்பதற்கு முக்கியமாக இரண்டு செய்திகள் வெளியாகியுள்ளன.

சிங்கப்பூர் சிற்பி லீ குவான் யூவின் கணிப்பு

அ. சிங்கப்பூர் நாட்டினை பொருளாதார ரீதியாகவும், அரசியல் ரீதியாகவும் பலம் வாய்ந்ததொரு நாடாக ஆக்-கி-யுள்ள சிங்கப்பூரின் நவீன சிற்பி என்றழைக்-கப்படும் லீ குவான் யூ அவர்கள் _ அவர் இன்றும் அந்நாட்டின் மக்கள் செயல் கட்சித் தலைவர்; அத்துடன் அந்த அரசில் இடம்பெற்றுள்ள மூத்த மதியுரை அமைச்சர் (Senior Mentor Minister) _ வயதில் மூத்தவர் _ முதிர்ச்சியடைந்த ராஜதந்திரியும்கூட!

அவர் ‘‘Citizen Singapore: How to Build A Nation Conversations with’’ என்ற நூலில்,

1. சிங்கள அதிபர் ராஜபக்சே திருத்தப்படவே முடியாத ஒரு சிங்களத் தீவிரவாதி _ இலங்கையில்!

2. சிங்களவர்கள் எப்போது முதல் இருக்கிறார்களோ, அப்போதிலிருந்தே தமிழர்களும் இருக்கிறார்கள்.

3. தமிழர்களும், சிங்களவர்களும் இணைந்து வாழ்வ-தற்கான சூழல் இல்லை. இலங்கை ஒற்றை நாடாகவே இருக்கும் வரை மகிழ்ச்சியான நாடாக அது இருக்கவே முடியாது!

தமிழர்கள் அடங்கிக் கிடக்கமாட்டார்கள்

4. இலங்கையில் தமிழர்களுக்காகப் போராடி வந்த விடுதலைப்புலிகள் வீழ்த்தப்பட்டு விட்டனர். இதன்-மூலம் இலங்கை இனச் சிக்கலுக்குத் தீர்வு காணப்பட்டு-விட்டது என்று இலங்கை அதிபர் ராஜபக்சே கூறி வருகிறார். இதை மற்றவர்களும் நம்பவேண்டும் என்று எதிர்பார்க்கிறார்! ஆனால், தமிழர்கள் அடங்கிக் கிடக்கமாட்டார்கள். சிங்களவர்களுக்குப் பயந்து ஓடிவிடவும் மாட்டார்கள்.

5. இலங்கை அதிபர் ராஜபக்சேவின் பேச்சுகளை நான் படித்திருக்கிறேன். அவர் ஒரு சிங்களத் தீவிரவாதி. இதை நான் நன்றாக அறிவேன். அவர் மனதை மாற்றவோ, திருத்தவோ முடியாது.

_ இதைவிட மிகவும் துல்லியமாக சிங்கள வெறிய-ரான இராஜபக்சேபற்றியும், அவர்தம் செயல், எண்ண ஓட்டம், இலங்கையில் உள்ள தமிழர்களின் உரிமைப் போராட்டத்தில் உள்ள நியாயங்களையும் எவரும் சொல்லிவிட முடியாது!

இவர் விடுதலைப்புலிகள் ஆதரவாளரோ, இனவெறி, மதவெறியை ஆதரிப்பவரோ அல்ல. தேர்ந்த அரசியல் ஞானி. அவர் கூற்று 100_க்கு 100 உண்மை!

ஓநாய் ஒருபோதும் சைவமாகிவிடாது என்பதை மிகவும் ஆணித்தரமாக இதன்மூலம் உணர்த்தவேண்டி-யவர்களுக்கு அவர் _ லீ _ உணர்த்தியுள்ளார்!

பிரபல எழுத்தாளர் அருந்ததிராய் கூறுகிறார்

ஆ. அதுபோலவே, பிரபல எழுத்தாளரும், முற்-போக்குச் சிந்தனையாளருமான அருந்ததிராய் அவர்-கள், ஒரு பேட்டியில், இலங்கையில் திட்டமிட்டே தமிழர்-கள் அழிக்கப்பட்டார்கள். இலங்கைக்கு ஆதரவாக கார்ப்பரேட் கம்பெனிகள் _ ஆதிக்க சக்திகள் _ பெரும் முதலாளித்துவ நாடுகள் சக்திகள்தான் இத்தமிழர் அழிப்புப் போரையே நடத்தின; காரணம், அவர்களை அங்கு அழித்துவிட்டால், நமது இச்சைபோல அவர்களது நிலத்தை இவர்களது உடைமையாக்கி இந்த முதலாளித் திமிங்கிலங்கள் கொழுக்கலாம் என்பதே அவர்களது எதிர்பார்ப்பு என்ற ஒரு கருத்தை _ இதுவரை யாரும் சிந்திக்காத ஒரு தனிக் கோணத்தில் பார்த்துக் கூறியுள்ளார் அருந்ததிராய்!

இ. ஏற்கெனவே ராஜபக்சேவை யுத்தக் குற்றவாளி-யாக _ இனப் படுகொலைக்காக விசாரணை செய்ய-வேண்-டும் என்றார் அய்.நா. பொதுச்செயலாளர் பான் கி மூன்.

இந்தியாவின் நிலைப்பாடு வெட்கப்படத்தக்கது

இவ்வளவு பொதுவான பேர்கள் சொன்னாலும், தொப்புள்கொடி உறவுள்ள தமிழர்களது வாக்குகளைப் பெற்று, தமிழர்களின் ஆதரவோடு ஆட்சிக் கட்டிலில் அமர்ந்துள்ள இந்திய மத்திய அரசு, இப்பிரச்சினையில் ராஜபக்சே _ சிங்களவர்களுக்கு இதமாக நடந்துகொள்-வது கண்டு வெட்கம், வேதனை அடைவதோடு எரி-மலை சீறும் உள்ளத்தோடு உலகத் தமிழினம் உள்ளது.

மிகுந்த கவலையைத் தெரிவிக்கிறோம் (We express our grave concern) என்று அடிக்கடி மத்திய அரசு நாமாவளி பாடினால் போதுமா?

கடப்பாரையை விழுங்கிவிட்டு, சுக்குக் கஷாயம் குடித்தவர் கதை போன்றதல்லவா அதன் தற்போதைய அணுகுமுறை?

இனவெறியருக்குச் சிவப்புக் கம்பள வரவேற்பா?

இனப்படுகொலை செய்து, கொடுத்த வாக்குறுதிப்படி நடக்காது, முள்வேலிக்குள் ஆடு, மாடுகளைவிடக் கேவல-மாக எம் தமிழ்ச் சகோதர சகோதரிகளை அடைத்து வைத்துள்ள இதயமற்ற ராஜபக்சேவுக்கு இங்கே சிவப்புக் கம்பள வரவேற்பா?

தமிழ்நாட்டு முதல்வர் அவர்கள் பிரதமருக்கு ராஜ-பக்சேவை நிர்ப்பந்தப்படுத்தி, தமிழர்களின் வாழ்வுரி-மைக்கு வழி செய்யச் சொல்லுங்கள் என்று எழுதியுள்-ளார்கள்!

ஒரு மாநில அரசு _ அது மத்தியில் அங்கம் வகிக்-கும் அரசானாலும்கூட, தமிழ்நாட்டின் பல்வேறு அரசியல் சூழ்நிலைகளைக் கருதியும், எடுத்தேன் கவிழ்த்-தேன் என்று எந்த நிலையையும் எடுத்துவிட முடியாது!

அப்படி எடுத்தால், இங்குள்ள ராஜபக்சேவின் உறவுக் கூட்டமான ஆரியக் கூட்டத்திற்குத்தான் அது அனுகூலமாக முடியும். இதை வெறும் உணர்ச்சிவயப்-பட்டு அணுகக்கூடிய பிரச்சினை அல்ல.

தி.மு.க. தலைமைச் செயற்குழுவில் தீர்மானம்

ஆளுங்கட்சியான தி.மு.க. அதன் தலைமைச் செயற்குழுக் கூட்டம் 30.5.2010 அன்று நடைபெற்ற-போதே, ஈழத் தமிழர்கள் மறு குடியேற்றம் _ முள்வேலி அகற்றல் _ அவர்களுக்கு நியாயமான அத்தனை அடிப்-படை உரிமைகளும் தரப்படல் வேண்டும் என்பதை வலியுறுத்தி, மன்மோகன்சிங் தலைமையில் உள்ள அரசு இதனை இலங்கை அதிபரிடம் வற்புறுத்திடவேண்டும் என்று தீர்மானம் நிறைவேற்றியது.

நேற்று பிரதமர் அவர்களுக்கு நமது முதல்வர் கலைஞர் அவர்கள் ஒரு முக்கிய கடிதம் வாயிலாக டில்லிக்கு வரும் ராஜபக்சேயிடம் இதுபற்றிப் பேசி ஆக்க ரீதியான ஒரு தீர்வை உருவாக்கவேண்டும் என்றும் வற்புறுத்தி அழுத்தம் கொடுத்துள்ளார்.

அதோடு நிற்காமல், தி.மு.க. நாடாளுமன்ற உறுப்-பினர்கள், அதன் தலைவர் மானமிகு டி.ஆர். பாலு அவர்-களது தலைமையில், பிரதமரைச் சந்தித்து இதனை ஒரு தீர்வு காண _ ஈழத் தமிழர் வாழ்வுரி-மையை அவர்-கள் பெற்று, சகல மனித உரிமைகளோடு வாழ்ந்-திட _ வகை செய்ய வலியுறுத்திட ஆணையிட்டுள்ளார்.

ஒரு மாநில அரசு _ அது மத்தியில், இடம்பெற்-றுள்ள வாய்ப்பைப் பயன்படுத்தி, எதையும் பாக்கி வைக்காமல் செய்திருப்பது அதற்குள்ள அக்கறை, கவலை, பொறுப்பு இவற்றைத் தெளிவாகக் காட்டுகிறது!

மத்திய அரசின் முன்னுரிமை எது?

கொக்கொக்க கூம்பும் பருவத்து என்ற குறள் மொழி அரசியலுக்கு அடிப்படையானதாகும். எனவே, முதலமைச்சர் கலைஞர் அவர்கள் எடுத்துள்ள முயற்சியை வெற்றிகரமாக்கவேண்டியது இந்திய மத்திய அரசின் மாபெரும் முன்னுரிமையாகும். தமிழர்களின் பொறுமையை அளவுக்கு மீறி சோதிக்கவேண்டாம்.

இலங்கை இறுதிப் போரில் 40,000 தமிழர்கள் கொல்லப்பட்டனர்: 'ஜப்பான் டைம்ஸ்'

2010-06-06T18:40:00.000-07:00

இலங்கையில் வன்னி பகுதியில் நடைபெற்ற இறுதிப் போரின் போது சுமார் 40 ஆயிரம் தமிழ் மக்கள் கொல்லப்பட்டனர் என்று 'தி ஜப்பான் டைம்ஸ்' நாளிதழ் செய்தி வெளியிட்டுள்ளது.

பத்திரிகையாளர்கள் மற்றும் சர்வதேச அமைப்புகளை போர் நடைபெற்ற பகுதிகளுக்கு அனுமதிக்காததால், கொல்லப்பட்ட மக்கள் குறித்து துல்லியமான எண்ணிக்கை தெரியாது என்றும் அந்த நாளிதழ் தெரிவித்துள்ளதாக இலங்கைத் தமிழ் இணையதளங்களில் அந்த தகவலை மேற்கொள் காட்டி செய்தி வெளியாகியுள்ளது.

இலங்கை அரசு தமிழர்களின் பிரச்னைகளுக்கு தீர்வு காண முற்படாமல் இருப்பதால், அதனால் போர்முனை வெற்றியை தக்க வைக்க இயலாது என்றும் அந்த செய்தியில் தெரிவிக்கப்பட்டுள்ளது.

நன்றி - தினமணி (05.06.10)

யார்இந்தகேதன் தேசாய்?

2010-06-05T23:40:00.000-07:00

கிடைத்த வாய்ப்பை எவ்வளவு சரியாக (மன்னிக்கவும், மோசமாக) பயன்படுத்த முடியுமோ, அவ்வளவு பயன்படுத்தியிருக்கிறார் கேதன் தேசாய். மருத்துவக் கல்லூரி அங்கீகாரம்தான் அவருக்கு பணம் காய்ச்சி மரமாக இருந்திருக்கிறது. அவரது பணம் கறக்கும் பாணியே அலாதியானது என்கிறார்கள் மருத்துவத் துறையாளர்கள்.

ஒரு மருத்துவக் கல்லூரிக்கான கட்டடம், இதர வசதிகள் செய்யப்பட்ட பிறகு, அதன் நிருவாகம், மருத்துவக் கவுன்சிலிடம் அங்கீகாரம் வேண்டி விண்ணப்பிக்கும். அதன் பிறகு ஒரு குழுவை மருத்துவக் கவுன்சில், தொடர்புள்ள கல்லூரிகளுக்கு அனுப்பி வைக்கும். அவர்களும் தீவிரமாக விசாரணை செய்துவிட்டு, அறிக்கை அனுப்புகிறோம் என்று கூறிவிட்டு சென்று விடுவார்கள்.

சில நாள்களில், அது சரியில்லை, இது முறையில்லை என்று ஏகப்பட்ட ஓட்டைகளைக் குறிப்பிட்டு அங்கீகாரம் தர முடியாது என்ற அறிக்கை மருத்துவக் கல்லூரி நிருவாகத்திற்கு அனுப்பப்படும்.

உடனே, நிருவாகம் பதறியடித்துக் கொண்டு கவுன்சிலிடம் பேசும். அடுத்த நொடியே சுறுசுறுப்படையும். கேதன் தேசாய், தனது இடைத் தரகரை நிருவாகத்திடம் பேசுவதற்காக அனுப்புவார். அவரும் பேச வேண்டியதைப் பேசித் திரும்புவார். இவ்வாறு பேசியதன் மூலமாக ஒரு கல்லூரிக்கு தலா ரூ.30 கோடி வரை கையூட்டு பெற்றதாகக் கூறப்படுகிறது. இதுதவிர, நாடெங்குமுள்ள 200 தனியார் மருத்துவக் கல்லூரிகளிடமிருந்து தலா 5 இடங்களைப் பெற்று, அவற்றையும் நல்ல விலைக்கு விற்றிருக்கிறார். இதன்மூலம் கற்பனைக்கு எட்டாத அளவிற்கு ஊழல் பணத்தை கேதன் தேசாய் குவித்திருக்கிறார்.

தேசாயின் ஊழல் சாம்ராஜ்யம் நாடெங்கும் பரவிக் கிடந்தது. இது அரசின் காதுகளுக்கும் எட்டிவிட, அவரை வளைத்துப் பிடிக்க சி.பி.அய். முடிவு செய்தது. இதற்காக தக்க சமயம் பார்த்து சி.பி.அய். காத்துக் கொண்டிருந்தது. இந்நிலையில், பஞ்சாப்பைச் சேர்ந்த கியான்சா கர் மருத்துவக் கல்லூரிக்கு அனுமதி பெறுவதற்காக ரூ.2 கோடி பணத்தை அம்மருத்துவமனையைச் சேர்ந்த மருத்துவர்கள் ஜே.பி. சிங், கன்வால்ஜித் ஆகியோர் தேசாயிடம் கொடுத்தனர். அப்போது, மறைந்திருந்த சி.பி.அய். காவல் துறையினர் கேதன் தேசாய், கையூட்டு கொடுத்த 2 மருத்துவர்கள், இந்திய மருத்துவக் கவுன்சிலின் செயலாளர் ஏ.ஆர்.என். சீதல்வாட் ஆகியோரைக் கைது செய்தனர்.

ஏற்கெனவே 2001 ஆம் ஆண்டில் 0.65 லட்சம் மதிப்புள்ள பரிசுப் பொருள்களைப் பெற்றது தொடர்பாக தேசாய்மீது குற்றம் சாற்றப்பட்டு, அது நிரூபிக்கப்பட்டுவிட்டது. அவரைக் கைது செய்து நடவடிக்கை எடுக்கும்படி சி.பி.அய்.க்கு டில்லி உயர்நீதிமன்றம் உத்தரவிட்டது. இந்த வழக்கையும் தாண்டித்தான் மருத்துவக் கவுன்சிலின் தலைவர் பதவிக்கு தேசாய் வந்திருந்தார். இன்று அப்பதவியிலிருந்து தேசாய் விலகியிருந்தாலும், குஜராத் பல்கலைக் கழகத்தின் நிருவாகக் குழு உறுப்பினராகத் தொடர்கிறார்.

இவரைப்பற்றி இன்னொரு முதன்மையான செய்தி _ பிற்படுத்தப்பட்டோருக்கு மத்திய அரசு கல்லூரிகள், நிறுவனங்களில் கல்வி, வேலை வாய்ப்புக்கான இட ஒதுக்கீட்டுக்காக அப்போதைய பிரதமர் திரு. வி.பி. சிங் சமூகநீதிக் கண்ணோட்டத்துடன் மண்டல் கமிஷன் பரிந்துரையை நிறைவேற்ற முயற்சி செய்து கொண்டிருந்தபோது, அதற்கு எதிராக மாணவர்களைத் தூண்டிவிட்டு கலவரத்தை ஏற்படுத்தியவர் இவர். இட ஒதுக்கீடு நிறைவேற்றப்பட்டால், தகுதியும், திறமையும் போய்விடும் என்று கூறிய கேதன் தேசாய் போன்றவர்கள் தகுதியும், திறமையும் இப்போது வெளிச்சத்துக்கு வந்து இருக்கிறது.

- துரை,நன்றி: வளர்தொழில்,ஜூன் 2010

www.viduthalai.com